د یوې ۲۴ کلنې مشهورې کوریایي فلمي لوبغاړې مړی د هغې په کور کې موندل شوی
د سوېلي کوریا د سینما پېژندل شوې فلمي ستورې کیم سای رون چې په اسټاګرام یې ۳،۷ میلیونه تعقیبوونکي لرل، د ۲۴ کلنۍ په عمر په خپل کور کې مړه موندل شوې ده.
د سوېلي کوریا د سینما پېژندل شوې فلمي ستورې کیم سای رون چې په اسټاګرام یې ۳،۷ میلیونه تعقیبوونکي لرل، د ۲۴ کلنۍ په عمر په خپل کور کې مړه موندل شوې ده.
د کوریايي رسنیو د راپورونو له مخې، د دغه فلمي ستورې مړی په سیول کې د هغې په کور کې موندل شوی.
د نوموړې په اړه د هغې یوه ملګري پولیسو ته خبر ورکړی وو.
د کیم رون ملګري چې غوښتل ورسره وګوري، د هغې کور ته تللی وو او له بار - بار هڅو وروسته چې پوه شو د کور دننه کوم خوځښت نه شته پولیسو ته یې خبر ورکړ.
پولیسو د کور د دروازې له خلاصولو وروسته د هغې جسد وموند.
د پولیسو په وینا، په کور کې د کوم جرمي عمل یا بهرنۍ مداخلې شواهد نه دي موندل شوي، خو د وژنې د علت معلومولو لپاره پلټنې روانې دي.
ياده دې وي، چې فلمي ستورې کيم په ۲۰۲۲ کال کې د پوليسو له خوا د نشې په حالت کې د موټر چلولو او زيان رسولو په تور نيول شوې وه او پر هغې درنه جریمه هم لګول شوې وه، خو نوموړې د دغه پېښې له امله بښنه غوښتې وه او د جریمې د پرېکولو ژمنه یې هم کړې وه.
له دغه پېښې وروسته پولیسو د هغه د خوشې کولو پرمهال د موټر چلولو جواز لغوه کړی وو.
د راپورونو له مخې ، کوریایی فلمي ستورې کیم سای رون د جریمې پوره کولو لپاره په یوه کافه کې وروسته له وخته دنده هم درلوده، چې په ۲۰۲۴ کې د جرمانې له پرېکولو وروسته فلمي صنعت ته راستنه شوه.
نوموړې په دې وروستیو کې یوه نوې پروژه ترلاسه کړې وه، چې کار یې پرې کاوه.
د طالبانو د اطلاعاتو او فرهنګ وزارت له خوا د منع شویو کتابونو یو نوملړ خپور شوی، چې په کې لیدل کېږي یادې ډلې د ملنګ جان د کتاب پېر او پلور منع کړی او د هغه کتابونه یې د ملي ګټو خلاف بللي دي.
له دغه وزارت څخه یوې باوري سرچینې له افغانستان انټرنشنل - پښتو سره په خبرو کې دغه نوملړ تایید کړی دی.
د سرچینې په خبره، د منع شویو کتابونو نوملړ تر پخوا اوږد شوی او په وروستیو میاشتو کې بیا په ډېر شمېر نورو کتابونو هم بندیزونه لګېدلي دي.
د راپورونو له مخې، طالبانو په هر ولایت کې په دې اړوند کمېټې جوړې کړي، چې یادې کمېټې د حاکم نظام د خوښې خلاف کتابونه راټولوي او تر ثبت کېدو وروسته یې ممنوع اعلانوي.
سرچینې افغانستان انټرنشنل - پښتو ته دغه راز په خپلو خبرو کې ویلي، چې، په دغه نوملړ کې ډېری د پاکستان ضد کتابونه شامل دي.
پاکستان د ګړنګ پر غاړه، د افغانستان په خونړۍ تراژیدي کې د پاکستان رول، له مسعود وروسته د افغانستان د جګړو ریښې، زما د دښمن ـ دښمن هند، پاکستان محور شرارت، مرګوني غېږ، دوه مخی کرنل امام او یو شمېر نور هغه کتابونه دي، چې د افغانستان د ملي ګټو خلاف یاد شوي دي.
دا په داسې حال کې ده، چې د ملنګ جان کتابونه او شعري ټولګې تر دې وړاندې په پاکستان کې هم منع شوي وو.
د طالبانو دغه اقدام په ټولنیزو رسنیو کې د یو شمېر پخوانیو چارواکو او لیکوالانو غبرګونونه راپارولي دي.
د افغانستان د پخواني نظام د چارو ادارې مشر فضل محمود فضلي د ملنګ جان پر کتابونو د طالبانو بندیز غندي او وایي: «د حاکمې او استبدادي ډلې له خوا په هر ډول کتاب بنديز د غندلو وړ دی او دا له پوهې او عقل سره د دوښمنۍ څرګنده بېلګه ده.»
نوموړي یاد نامتو شاعر ولسي او وطنپال شاعر بللی او زیاته کړې یې ده، چې د نوموړي په کتاب بنديز ښيي، چې طالبانو له وطن او خلکو سره مینه هم ګناه بولي.
د افغانستان د پخواني نظام د چارو ادارې یاد مشر همداراز وویل: «د ملنګ جان “خوږې نغمې” شعري ټولګه په اویایمو او اتیایمو کلونو کې د استعمار د لاسپوڅي پاکستاني پوځ له خوا په کوزه پښتونخوا کې ممنوع شوې وه او اوس هماغه استعمار ته ژمنې، افراطي او استبدادي حاکمې ډلې په افغانستان کې د ملنګ جان په کتاب بندیز لګولی.»
د یادولو ده، چې ملنګ جان په ١٢٩٣ لمريز کال د ننګرهار د بهسودو په چميار کلي کې زېږېدلی و او په ١٣٣٦ لمريز کال د يوې ترافيکي پېښې له امله مړ شو.
د افغانستان د سټراټیژیکو څېړنو د نړۍوال مرکز مشر هاتف مختار هم د طالبانو له خوا د ملنګ جان د کتابونو د بندیزونو په غبرګون ویلي: «دا د ادب او کلتور سره ښکاره دوښمني او شرمونکی عمل دی.»
نوموړي په خپل اېکس کې له طالبانو پوښتنه کړې: «تاسو به وکړای شي چې د ټولو کتابونو د لیکونکو فکر بدل کړی؟»
دا په داسې حال کې ده، چې د طالبانو د اطلاعاتو او کلتور وزارت د لېندۍ په میاشت کې اعلان کړی و، چې له کتاب پلورنځیو یې هغه لسګونه کتابونه ټول کړي، چې «د اسلامي ارزښتونو او د دوی د پاليسۍ خلاف» وو.
د روان کال د لړم مياشتي په دویمه بیا دغه وزارت په کابل کې ۴۰۰ عنوانه کتابونه منع اعلان کړل او په ټول هېواد کې يې د دغو کتابونو د ټولولو کمپاين پیل کړ.
د طالبانو د اطلاعاتو او کلتور وزارت ویاند ویلي و، چې دغه وزارت «د اسلامي ارزښتونو، د اسلامي امارت د پاليسي خلاف» د کتابونو د ټولو لپاره کمېسیون جوړ کړی او په کار يې پيل کړی.
نوموړي ویلي، چې دغه کمېسیون د کمپاين پر مهال لسګونه عنوانه بېلابيل کتابونه ټول کړي دي.
یو شمېر لیکوالانو او هېوادوالو په وار - وار د طالبانو په ورته کړنو نیوکې کړي او ویلي یې دي؛ که څه هم پر افغانستان د طالبانو له واکمنۍ وروسته د کتاب لوستلو دود کمرنګه شوی دی، خو د طالبانو په دغو بندیزونو سره به په هېواد کې د کتاب لوستلو فرهنګ په بشپړه توګه له منځه ولاړ شي.
د انسټیټیوټ په پرانیست غونډه کې ځینو افغان لیکوالانو او شاعرانو پښتو موسيقۍ او هنرمندانو ته ورپېښې ستونزې په ګوته او د حل لپاره يې سپارښتنې وړاندې کړې.
د دوی له ډلې د پښتو ژبې مخکښ سندرغاړي هارون پاچا هم د انسټیټیوټ په پرانیست غونډه کې کډون کړی و.
نوموړي په خپله فیسبوک کې هیله کړې چې «پښتو میوزیک انسټیټیوټ به د يوه منظم سازمان په توګه د پښتو موسيقۍ د ساتنې او ودې په چارو کې اغېزناک رول ولوبوي.»
نوموړی وايي، دې غونډې ته یې د هغې يوې څېړنې په اړه معلومات ورکړل چې دې سازمان د پښتون افغان وطن د هنرمندانو د ټولنيز او اقتصادي حالت د ارزيابۍ په موخه کړې وه.
په دغه غونډه کې ځینو سندرغاړو او سیاسي فعالینو په انلاین بڼه هم کډون کړی و او د پښتو موسیقۍ پر اهمیت یې خبرې وکړې.
د غونډې په پای کې د پښتون سندرغاړي هارون باچا له خوا کنسرټ هم ترسره شو.