سرچينو افغانستان انټرنشنل ـ پښتو ته ويلي، چې پاکستاني ځواکونو د عملياتو پر مهال په کورمه کې ۷۷ وسله وال او شرخوښي نيولي دي. په نیول شویو کې هغه کسان شامل دي، چې کورمې ته پر توکو لېږدونکو لاريو تر بريد وروسته یې توکې لوټ کړي وو.
ځايي خلکو خبريالانو ته ویلي، چې پاکستاني ځواکونو له تيرو څلورو ورځو را هیسې د کورمې په اوچت، مندوري، چرخيل او ډډ کمر سيمو کې عملیات پيل کړي او پر مهال يې دغه کسان نیولي دي.
د پاکستان راډيو بیا د شنبې په ورځ د پښتونخوا د امنيتي مسولينو له قوله خبر ورکړی، چې د عملیاتو پرمهال ۴۸ کسان نيول شوي دي.
په کوهاټ کې د پښتونخوا د امنیت مشر شهاب علي شاه او د پولیسو مشر ذوالفقار حمید په مشرۍ په غونده کې د کورمې امنيتي وضعت ته هم کتنه شوې.
سرچینو زياته کړې، چې امنيتي ځواکونو له نيول شويو کسانو لوټ شوي توکي هم اخيستي دي.
له تېرو پنځو میاشتو را هیسې پاړه چنار ته پر تلونکې لویه لار شپږ ځله پر بار وړونکو لاريو او امنیتي ځواکونو بريدونه شوي، چې د تلفاتو ترڅنګ د بار وړونکو لاريو توکي هم لوټ شوي.
اوس د پاړه چنار لار بنده او تګ راتګ پرې سخت شوی.
د ځایي اوسیدونکو په خبره، چې په کورمه کې امنيتي وضعت سم نه دی او د حکومت يې په کابو کولو کې پاته راغلی.
له تېرو دوو ورځو راهیسي د کورمې په بیلابیلو سيمو کې ځايي اوسيدونکو د ناامنه وضعت پر ضد لاريونونه او پرلت کړی.
دوی له حکومت غواړي، چې په دې سيمه کې خپل ځواکونه زيات او نیول شوی قومي مشران خوشي کړي.
په دې غونډه کې ګډنوالو د لر او بر پښتنو پر ستونزو او ننګونو بحثونه وکړل.
ویناوالو همدا راز د پي ټي اېم په مبارزې او د هغې پر اړتیا او پراختیا ویناوې وکړې.
د پښتون ژغورنې غورځنګ د بېلجم څانګې مشر وحید شیرزاد وايي چې د غونډې ګډونوالو په پښتونخوا کې د پښتونو پرضد د پاکستان د پوځ روان ظلمونه وغندل او په نړيوالو یې غږ وکړ چې د پښتنو پرضد د پاکستان د پوځ د ظلمونو پرضد غږ پورته کړي.
د دې ناستې په پای کې پرېکړه لیک هم خپور شو چې پکې د خیبر جرګې د پرېکړو ملاتړ شوی دی.
همدارنګه د پاکستان د پوځ له خوا د پښتون ژغورنې غورځنګ غیرقانوني ګرځول او د غورځنګ د لسکونو غړو زنداني کېدل غندل شوي دی.
د پښتون ژغورنې غورځنګ د بېلجم څانګې مسوولینو افغانستان انټرنشنل پښتو ته وویل، چې دا پرېکړه لیک ملګرو ملتونو ادارو او د بشري حقونو سازمانونو سره شریکوي.
