مکرون: موږ به په فرانسه کې د ترهګرۍ جرړې وباسو

د امریکا مرکزي قوماندانۍ په یوه بیان کې دغه کس د "حراس الدین تروریستي سازمان کې د مالي او لوژستیکي لوړ پوړي چارواکي" په توګه یاد کړی دی.

په دغه بیان کې راغلي، چې دا برید د متحده ایالاتو او متحدینو له خوا "د ترهګرو لخوا د ملکي وګړو او نظامي پرسونل پروړاندې د بریدونو پلان کولو، تنظیم کولو او ترسره کولو لپاره د هڅو د ګډوډولو او تخریبولو" لپاره ترسره شوی.

د امریکا مرکزي قومندانۍ قوماندان جنرال مایکل کوریلا وویل، "موږ به په دوامداره توګه د ترهګرو ګواښونه تعقیب او له منځه وړو، پرته له دې چې دوی په کوم ځای کې مشخص کوي، د خپل ملت، متحدینو او شریکانو امنیت خوندي کوو."

تر دې وړاندې د جنورۍ په ۳۰، سینټکام په یو هوایي برید کې د حراس الدین یو بل لوړ پوړی کارمند محمد صلاح الزبیر وژلی وو.

په متحده ایالاتو کې مېشت(سایټ) په نامه استخباراتي ډلې ویلي، چې حراس الدین ډله د ۲۰۱۸ په فېبروري کې تاسیس شېې.

متحده ایالاتو په ۲۰۱۹ کې حراس الدین د "ترهګرۍ" سازمان په توګه اعلان کړ او د هغې د یو شمیر غړو په اړه یې د معلوماتو لپاره مالي انعام هم وټاکه.

جیش العدل وایي، د کب په ۴مه، د شنبې په سهار، د دوی ځواکونه د چابهار کور جوړنې بنسټ مرکزي دفتر ته ننوتل او د دوی کارمندان او مراجعین یې بهر کړل او وروسته یې د چاودیدونکو توکو په واسطه ودانۍ کې چاودنه وکړه.

د زاهدان څارنوال مهدي شمس ابادي هم منلې چې د کپ ۴مه په لس نیمو بجو د چابهار د ختیځې برخې لپاره د سازمان د مرکزي دفتر په ودانۍ کې یو بم وچاودید چې د هغې یوه برخه یې ویجاړه کړه.

په دې پېښه کې څوک ټپیان شوي نه دي.

په همدې حال کې، د ایران صدا او سیما رسنۍ راپور ورکړ چې وسله وال د چابهار ختیځ کې د کور جوړنې سازمان مرکزي دفتر ته ننوتل، اداري کارمندانو او مراجعینو ته یې ګواښ وکړ او بیا یې په ودانۍ کې چاودنه وکړه.

د زاهدان د څارنوال په وینا، استخباراتي او امنیتي ځواکونه د پیښې د لاملونو په اړه څېړنې کوي او په دې اړه اړین قضايي احکام صادر شوي دي.

جیش العدل وویل چې د دې اقدام دلیل "د پخوانیو خبرداریو سره ژمنتیا وه، چې د هغو دولتي ادارو سره حساب کتاب وشي چې د بلوڅانو د کورونو په ویجاړولو کې یې رول لوبولی دی."

جیش العدل زیاته کړه چې دا پروژې، چې په ځانګړې توګه د مکران ساحلي پراختیایي پلان په بڼه تعقیبېږي، د سیمې د نفوسو په جوړښت کې د بدلون او د اصلي اوسیدونکو د کلتوري او مذهبي هویت د له منځه وړلو لامل شوې دي.

مخکې له دې، جیش العدل په سیستان او بلوچستان کې د ایران اسلامي جمهوریت د ارګانونو لخوا د خلکو د ځمکو د ویجاړولو او ضبطولو په وړاندې خبرداری ورکړی و.

ايراني رسنيو د شنبې په ورځ (د کب ۴مه) خبر ورکړ، چې دغه فابريکه د خوراکي توکو د توليد په برخه کې فعاله وه.

ویل کیږي چې دغې فابریکې یو شمیر کډوال په کار کړي وو.

د مهریز روغتیایي شبکې مخکې اعلان کړی و، چې شرکتونه او کارورکونکي حق نه لري، چې د اوسېدو له اسنادو پرته کډوال د خوراکي توکو د تولید په سکتور کې وګماري.

دې شبکې خبرداری ورکړی و هغه سوداګر، چې له دې حکم سرغړونه کوي محکمې ته به حاضر شي او د دوی د سوداګرۍ شرکتونه به وتړي.

ایران د افغان کډوالو لپاره کاري شرایط خورا سخت کړي دي.

ایراني چارواکو ويلي، هغه کاروال چې افغان کډوال استخداموي د یوه کارګر د معاش پنځه برابره جریمه کېږي.

د کډوالو دغه چوپه، د ناقانونه کډوالو په وړاندې د ولسمشر ډونالډ ټرمپ د وروستيو پرېکړو یوه برخه ده.

رویټرز خبري اژانس ويلي، چې د ناقانونه کډوالو دغه وروستۍ ډله له سان ډیاګو او کلفرونیا څخه ایستل شوي او د کوسټاریکا پلازمینې سان جوز ته لېږدول شوې ده، چې له هغه ځایه به د موټرو په واسطه د پاناما پولې ته نږدې د کډوالو کمپ ته واستول شي.

د کوسټاریکا د امنیت مرستیال عمر بادیلا د سان جوز په هوایيډګر کې خبریالانو ته وویل، چې یادو کډوالو ته تر یوې میاشتې پورې په کوسټاریکا کې د پاتې کیدو اجازه ورکړل شوې، چې په دې موده کې به چارواکي خپلو هیوادونو ته د دوی په خپله خوښه د ستنیدو همغږي وکړي.

ښاغلي بادیلا وویل، «ډیری یې غواړي خپلو هېوادونو ته ستانه شي. هغه زياته کړه چې د هغو کسانو دوسيې به په جلا توګه وڅېړل شي چې نه غواړي بېرته ستانه شي.»

په دغه ډله کې چې ټولې یې کورنۍ دي، د افغانستان، ازبکستان، چین، ارمنستان، ترکیې، روسیې، ګرجستان، ویتنام، اذربایجان، ایران، اردن، قزاقستان او ګانا وګړي شامل دي، چې نهه تنه په کې افغانان دي.

دا لا روښانه نه ده، چې د شړل شویو افغان کډوالو راتلونکي به څه وي، خو په افغانستان کې د جمهوري نظام له پرځېدو ورسته ډیرې افغانان د طالبانو له ویرې هېواد پرېښودو ته اړ شول.

که څه هم د پاکستاني پوځ په خبرپاڼه کې د وژل شويو وسله والو د ډلې په تړاو څه دي ویل شوي؛ خو په دې سیمه کې د «ټي ټي پي» وسله وال ډېر فعال دي او وخت نا وخت له پوځ سره مخامخ جګړې هم کوي.

د پوځ په خبرپاڼه کې راغلي، چې په سیمه کې به تر هغې عملیاتو ته دوام ورکړي، چې یاده سیمه په بشپړه توګه له وسله والو څخه پاکه کړي.

له دې ور اخوا د پښتونخوا چارواکو هم خبر ورکړی، چې په کورمې ولسوالۍ کې د وسله والو ډلو او په تاوتریخوالي کې د ښکېلو غاړو پر ضد یې عملیات پیل کړي او په دې لړ کې یې «۴۸ هغه کسان» نیولي چې په سیمه کې یې رامنځته شوی کړکېچ پراخولو.

په پاکستان کې د وسله والو ډلو په ځانګړې توګه د «ټي ټي پي» فعالیتونه او جګړې وروسته له هغې خورا پراخې شوې چې پر افغانستان طالبان بیا ځل واکمن شول.

پاکستان په وار وار اندېښنه څرګنده کړې چې افغان طالبانو تر خپل سیوري لاندې په افغانستان کې «ټي ټي پي» ته پټنځایونه ورکړي او له هغې ځایه په دغه هېواد کې ترهګریز بریدونه تنظیموي.

که څه هم طالبانو په وار وار دا ادعاوې رد کړي، خو د خپلې واکمنۍ په لومړیو میاشتو کې یې د پاکستان یو پلاوی له «ټي ټي پي» سره په کابل کې د سولې مذاکراتو تر نامه لاندې جرګه کړ او دا یې ښکاره کړه چې ګني پر پاکستاني‌ طالبانو ځانګړی نفوذ لري.

د پښتونخوا یو شمېر سیاستوالو هم په دغه ایالت کې له پراخیدونکي نا امنۍ څخه تنګ ته راغلي او په وار وار یې د پاکستان مرکزي حکومت او پوځ تورن کړی چې په لوی لاس د پښتنو په سیمو کې د جګړې اور ته لمن وهي.

د پښتون ژغورنې غورځنګ مشر منظور پښتین څه موده مخکې ویلي و، چې د پښتونخوا په ځینو سیمو کې د شپې د طالبانو حکومت وي او د ورځې د پاکستان د پوځ.

څه موده مخکې د پاکستان پوځ لوی درستیز عاصم منیر وویل،‌ چې له افغان طالبانو سره یې یوازینۍ ستونزه د «ټي ټي پي» پر سر ده او له دې اخوا ورسره هېڅ ډول مسله نه لري.

د طالبانو د بهرنیو چارو تښتیدلي مرستیال وزیر عباس ستانکزي بیا ادعا کوله چې د‌ پاکستان پوځ په خپله خاوره کې د داعش وسله والو ډلې ته پناه ځایونه او روزنیز مرکزونه ورکړي‌ دي.

هغه زیاته کړې وه چې پاکستان د افغانستان د نا امنه کولو لپاره داعشیان روزي او بیا یې د ترهګریزو بریدونو لپاره افغانستان ته لېږي، خو دغه هېواد د عباس ستانکزي څرګندونې بې بنسټه وبللې.