ځینو اروپايي مشرانو په یوې بېړنۍ ناسته کې د اوکراین پر ملاتړ ټينګار وکړ

اسوشیټېډپرېس د پنجشنبې پر ورځ (مارچ ۶مه) په یوه راپور کې زیاته کړې چې ټرمپ دا اعلان د مکسیکو له ولسمشرې کلاډیا شینباوم سره تر ټیلفوني خبرواترو وروسته کړی دی.

ټرمپ ویلي چې نوموړی د «یواېس‌اېم‌سي‌اې» تړون له مخې د مکسیکو پر وارداتي توکو لګېدلې ۲۵ سلنه تعرفه معافوي او په وینا یې، دا پرېکړه یې د دغه هېواد ولسمشرې کلاډیا شینباوم ته د اسانتیا په موخه کړې ده.

نوموړي ټینګار کړی چې د دواړو هېوادونو ترمنځ اړیکې ډېرې ښې دي او دوی د سرحدي مسلو په تړاو ګډه همکاري کوي.

دا په داسې حال کې ده چې له دې مخکې د امریکا د سوداګرۍ وزیر هاورډ لټنیک ویلي و، ښایي د امریکا دریځ نرم شي او کاناډا او مکسیکو ته د ۲۵ سلنه تعرفو لپاره ځینې استثناوې رامنځته کړي.

د رویټرز د راپور له مخې، د ټرمپ اداره هڅه کوي د هغو ۱۸سوه زره کډوالو د استوګنې اسناد لغو کړي چې د جوبایډن د ادارې پر مهال په امریکا کې د پاتې کېدو اجازه ورکړل شوې وه.

په یادو کسانو کې ۲۴۰زره اوکراینیان هم شامل دي.

د راپورونو له مخې دا اقدام به ژر او ښايي په اپریل میاشت کې پیل شي.

رویټرز د پنجشنبې په ورځ د ټرمپ ادارې د یوه چارواکي په حواله راپور ورکړ چې اداره یې اراده لري چې د شاوخوا ۵۳۰۰۰۰ کسانو بشري ضمانت «پیرول» لغو کړي.

د امریکا د کورني امنیت وزارت ویاندې ټریشیا مک لافلین وايي، چې یاد وزارت تر اوسه په دې اړه هیڅ معلومات نه لري او همدارنګه سپینې ماڼۍ او په امریکا کې د اوکراین سفارت هم تر اوسه د ټرمپ د ادارې د یاد پلان په اړه څه نه دي ویلي.

ټرمپ د لنډ مهاله استوګنې پروګرامونه د جنوري په ۲۰مه د یوه فرمان له مخې پای ته ورسول.

دا په داسې حال کې ده، چې د امریکا پخواني ولسمشر جوبایډن د خپل کار په وروستیو ورځو کې له یو میلیون څخه د زیاتو کډوالو د استوګنې جواز تمدید کړ.

د بایډن ادارې له خوا د روسیې او اوکراین له جګړو څخه تښتیدلو ۲۴۰ زره اوکراینیانو او ۵۳۰ زره نورو بهرنیانو او دغه راز پر افغانستان د طالبانو له واکمنېدو وروسته ۷۰ زره افغانانو ته د کډوالۍ د ځانګړو پروګرامونو له لارې د ورتګ اجازه ورکړل شوه او هلته د مېشتېدو سندونه ورکړل شول.

د ټرمپ ادارې تیره میاشت د هغو کسانو د کډوالۍ اړوند غوښتنلیکونو پروسس کول ودرول چې د بایډن د ځانګړو پیرول پروګرامونو لاندې امریکا ته ورغلي.

د نوموړې په وینا، وزارت د ۲۰۲۵ کال د کډوالو د سهمیې د تطبیق پر مهال له تبعیضي چلنده کار اخیستی.

د استازې په رپوټ کې راغلي وزارت ته لارښوونه شوې وه چې د سهمیې ډېری برخه د مسیحي کډوالو له حسابه ډکه کړي او دا پالیسي کډوال د مذهب او ملي اصل پر اساس له نابرابرۍ سره مخ کوي، چې د مساواتو له قانون سره ټکر لري.

د فنلنډ د ملي عامه رسنیزې ادارې وای اېل اي د رپوټ له مخې، د فنلنډ د کورنیو چارو وزارت ویلي چې د تبصرې له وړاندې کولو مخکې به رپوټ وځیري.

وزارت د ټولنیزې شبکې اېکس له لارې اعلان وکړ، « موږ به د دغه رپوټ د ارزونې لپاره وخت واخلو. همداراز د عدلیې ارزونې ته هم انتظار یو، دمګړۍ نور څه نشو ویلای».

د فنلنډ د کورنیو چارو وزیرې ماري رانټانن، چې د «حقیقي فنلنډیان» ګوند غړې ده، ویلي چې د مساواتو چارو د استازې د موندنو په اړه دمګړۍ نظر نه شي ورکولای.

نوموړې له دې وړاندې په نومبر کې دا تورونه رد کړي وو چې وزارت یې د کډوالو د سهمیې د تطبیق پر مهال تبعیضي عمل کړی.

دغه ګام وروسته له هغه پورته کېږي، چې د امریکا ولسمشر ډونالډ ټرمپ له اوکراین سره پوځي مرستې وځنډولې.

د راپور پر بنسټ د ټرمپ دغه اقدام د اروپايي هېوادونو ترمنځ اندېښنې پیدا کړې او دا پوښتنه راپورته شوې، چې ایا اروپا کولای شي یوازې د امریکا پر ملاتړ حساب وکړي که نه؟

د اروپايي ټولنې د ۲۷ هېوادونو مشران په بروکسل کې چې د اوکراین ولسمشر ولادیمیر زیلنسکي به پکې هم ګډون ولري ګډه غونډه وکړي.

د اروپایي‌ ټولنې مشرتابه به هڅه وکړي، چې له اوکراین سره خپل یووالی ښکاره کړي؛ خو دغه هڅه کېدای شي د هنګري له مخالفت سره مخ شي، ځکه چې د هنګري حکومت د اوکراین د ملاتړ سره مخالفت څرګند کړی دی.

د اروپا دفاعي اندېښنې

دغه غونډه داسې مهال کېږي، چې د اروپا دفاعي سیاستونه له جدي پرېکړو سره مخ دي.

اروپايي هېوادونه اندېښنه لري، چې روسیې په اوکراین کې جګړه تېزه کړې او ښايي د اروپايي ټولنو پر غړو برید وکړي.

د رویټرز د راپور له مخې، ډونالډ ټرمپ که څه هم ویلي چې له ناټو سره ولاړ دی؛ خو دا یې هم په ډاګه کړې چې اروپا باید خپله دفاعي بودجه زیاته کړي.

د ټرمپ دغه دریځ چې له اوکراین سره خپله پخوانۍ کلکه ملګرتیا زیانمنوي او روسیې سره یې اړیکو کې نرمي غوره کړې؛ اروپايي مشران اندېښمن کړي، ځکه هغوی روسیه د خپلې امنیتي سیمې تر ټولو لوی ګواښ ګڼي.

د فرانسې ولسمشر امانوېل مکرون ویلي: «زه هیله لرم، چې متحده ایالات زموږ ترڅنګ پاتې شي؛ خو باید چمتو واوسو که هغوی موږ یوازې پرېښودو باید خپله دفاع وکړو».

هغه زیاته کړې، فرانسه چمتو ده چې له خپلو اروپايي متحدینو سره د هستوي ملاتړ په اړه خبرې وکړي.

بل خوا په جرمني کې سیاسي ګوندونو پرېکړه کړې، چې د دفاع لپاره د پور اخیستو محدودیتونه کم کړي؛ ترڅو اضافي مېلیاردونه یورو پیدا کړي.

د اوکراین لپاره مرستې

ډېپلوماټان وايي، اروپايي مشران به هڅه وکړي چې له اوکراین سره د پوځي مرستو پر زیاتوالي هوکړه وکړي؛ خو لا هم د مرستو د کچې پر سر اختلافات په خپل ځای دي.

د اروپايي ټولنې د بهرني سیاست مشره کایا کالاس وړاندیز کړی، چې اروپا باید د تېر کال په څېر سږ کال هم لږ تر لږه «۲۰ مېلیارده یورو» له اوکراین سره مرسته وکړي.

خو شمالي اروپا، بالتیک هېوادونه او هالنډ نیوکه کوي، چې لوی هېوادونه لکه فرانسه، اېټالیا او اسپانیا کافي مرسته نه کوي.

د غونډې لپاره چمتو شوې مسوده ښيي، چې اروپايي مشران به له چارواکو وغواړي چې له اوکراین سره د پوځي مرستو همغږي چټکه کړي.

خو دا لا روښانه نه ده، چې هنګري به له دې پرېکړې ملاتړ وکړي که نه؛ ځکه چې لومړی وزیر یې وېکټور اوربان، له ټرمپ سره نږدې اړیکې لري او هغه خبرداری ورکړی، چې دا پرېکړه به ویټو کړي.

ټرمپ دغه څرګندونې د چهارشنبې په ورځ د خپلې خواله شبکې «سوشل ټروت» له لارې وکړې او د حماس مشرانو ته یې ګواښ وکړ، هر څومره ژر چې کېدلای شي باید له غزې ووځي.

هغه د غزې خلکو ته وویل:« که یرغمل نیونه ونه کړئ، ښه ژوند ستاسې په انتظار کې دی».

دا خبرې په داسې حال کې کېږي، چې رویټرز خبري اژانس د دوو باوري سرچینو له قوله راپور ورکړی چې امریکا له حماس سره پټې خبرې اترې پیل کړې دي؛ تر څو هغه امریکايي یرغمل شوي کسان خوشې کړي، چې د تېر کال د اکټوبر په ۷مه یې په اسراییل کې تښتولي او غزې ته یې وړي دي.

د راپور له مخې، ادام بویلر چې د امریکا ځانګړی استازی دی، اجازه لري چې له حماس سره مخامخ خبرې وکړي.

دا په داسې حال کې ده، چې امریکا له هغو ډلو سره د خبرو سیاست نه لري چې په ترهګرو ډلو کې یې شاملې کړې دي.

سرچینې وایي، چې ادام بویلر او د حماس استازي په دې وروستیو اوونیو کې په دوحه کې لیدلي؛ خو دا لا روښانه نه ده، چې له حماس څخه څوک دغو خبرو ته حاضر شوي وو.

له بلې خوا د سپینې ماڼۍ یوه چارواکي ویلي، چې ټرمپ په دې وروستیو کې په واشنګټن کې له هغو یرغمل شوو کسانو سره لیدلي چې د غزې د اوربند له هوکړې وروسته خوشې شوي وو.

امریکا له اوږدې مودې راهیسې له حماس سره مستقیمې اړیکې نه لرلې.

حماس د ۲۰۲۳ کال د اکټوبر په ۷مه د اسراییل پر سوېلي سیمو برید وکړ، چې له هغې راوروسته اسراییلي ځواکونو پر غزې خونړۍ جګړه پیل کړه.

امریکا له ۱۹۹۷ کال راهیسې حماس ډله د ترهګرو ډلو په نوملړ کې شامله کړې ده.

یوې باوري سرچینې رویټرز ته ویلي، چې دا خبرې د «ادان الکسانډر» د خوشې کولو لپاره هم روانې دي، چې ویل کېږي د حماس په ولکه یوازینی ژوند پاتې امریکایي یرغمل شوی وګړی دی.

الکسانډر په یوه ویډیو کې چې حماس د ۲۰۲۴ کال د نومبر په میاشت کې خپره کړه هم لیدل شوی دی. 

تر دې مخکې، امریکا له حماس سره د منځګړ هېوادونو قطر او مصر له لارې خبرې کولې او له اسراییل سره یې همغږي لرله؛ خو دا لومړی ځل دی چې د امریکا او حماس ترمنځ د مخامخ خبرو راپورونه ورکړل شوي دي.

د سپینې ماڼۍ ویاندې کارولین لیویت ویلي: «ځانګړی استازی چې دا خبرې کوي، بشپړ صلاحیت لري».

هغې منلې، چې اسراییل له دې خبرو خبر دی؛ خو دا یې ونه ویل چې ایا اسراییل مخکې دغو خبرو څخه خبر و که وروسته خبر کړل شوی دی.

د اسراییل د لومړي وزیر بنیامین نتنیاهو دفتر هم یوې خبر پاڼه کې ویلي:« اسراییل خپل دریځ د حماس سره د مستقیمو خبرو په اړه امریکا ته روښانه کړی دی».

خو دا خبرپاڼه نور جزییات نه لري. اسراییل د ګڼو نورو هېوادونو په څېر حماس یوه ترهګره ډله بولي او له مخامخ خبرو څخه ورسره ډډه کوي.

تر اوسه، حماس د دغو خبرو په اړه کوم غبرګون نه دی ښودلی.