په امریکایي پوهنتونونو کې د فلسطین له ملاتړو سره چلند؛ ټرمپ د نورو نیونو ژمنه وکړه

د برېتانیا د لومړي وزیر یوه ویاند ویلي، چې برېتانوي چارواکو په تېرو دوو ورځو کې له اوکرایني چارواکو سره په سعودي عربستان کې د سولې په اړه خبرې کړې دي او اوکراینیانو ټینګار کړی، چې دوی "تلپاتې سولې ته ژمن دي".

په همدې حال کې د برېتانيا لومړي وزير د اوکراين د معدني سرچينو د استخراج په اړه د اوکراين او امريکا ترمنځ د اقتصادي تړون هرکلى وکړ او هيله يې څرګنده کړه، چې په دې برخه کې به پرمختګ وشي.

د اګست په ۱۱مه په سپینه ماڼۍ کې د زېلېنسکي او ټرمپ تر منځ له کړکېچن او ناکامې ناستې وروسته، واشنګټن پر کییف فشارونه زیات کړل چې له امریکا څخه د امنیتي ضمانتونو په ترلاسه کولو ټینګار سره - سره له روسیې سره د خبرو اترو مېز ته کښېني او په دغه هېواد کې جګړه پای ته ورسوي.

د اوکراین ولسمشر ولادیمیر زېلېنسکي د امریکا د پوځي او امنیتي مرستو د ځنډولو تر فشار لاندې اعلان وکړ، چې له دغه هېواد سره اقتصادي تړونونو ته ژمن دی او د امریکا په مشرۍ په اوکراین کې د تلپاتې سولې غوښتونکی دی.

د امریکا د بهرنیو چارو وزیر مارکو روبیو له اوکرایني چارواکو سره د خبرو لپاره جدې ته رسېدلی دی.

هغه د دوشنبې په ورځ له خبریالانو سره په خبرو کې هیله څرګنده کړه، چې له اوکراین سره د امریکا د مرستو ځنډول به لرې شي.

روبیو د منرالونو د معاملې په اړه وویل، چې ټرمپ "غواړي دا کار وکړي" مګر زیاته یې کړه، "ضرور نه ده چې دا باید سبا ترسره شي."

د متحده ایالاتو د بهرنیو چارو وزیر زیاته کړه، چې د متحده ایالاتو پلاوی به د اوکراین له لوري خبرو ته غوږ ونیسي، ترڅو د هغه امتیازاتو په اړه "عمومي پوهاوی" ترلاسه کړي، چې اوکراین ورته چمتو دی.

زېلېنسکي د دوشنبې په ورځ سعودي عربستان ته سفر وکړ، چې د سعودي له ولیعهد محمد بن سلمان سره وګوري.

نوموړی به د سې شنبې په ورځ له امریکايي چارواکو سره په غونډه کې ګډون ونه کړي.

د متحده ایالاتو او اوکراین د چارواکو ترمنځ خبرې به په سپینه ماڼۍ کې د متحده ایالاتو له ولسمشر سره د زېلېنسکي له لفظي شخړې وروسته لومړۍ رسمي ناسته وي او تمه کېږي، چې د معدني سرچینو په اړه دوه اړخیز تړون او د جګړې د پای ته رسولو څرنګوالي باندې تمرکز وکړي.

روبیو له خبریالانو سره په خبرو کې وویل، چې د واشنګټن او کییف ترمنځ د کانونو د معاملې په اړه لا نور جزییات پاتې دي.

نوموړي د پلان شوې غونډې په اړه خوشبیني څرګنده کړه.

د متحده ایالاتو د ملي امنیت سلاکار مایک والټز به د سې شنبه په ورځ د اوکراین له لوړپوړي پلاوي سره وګوري.

مارکو روبیو وویل، چې واشنګټن اړتیا لري څو د کییف دریځ درک کړي او عمومي نظر ترلاسه کړي چې دوی به کوم امتیازات ورکړي.

د سعودي په ریاض کې د اوکراین د شخړې د ختمېدو په موخه له روسیې سره خبرې روانې دي چې سعودي عربستان یې کوربتوب کوي.

خو د پاکستان د مالیې وزارت سلاکار خرم خرم شهزاد دا خبره له بلومبرګ نیوز سره په مرکه کې کړې، چې دا نېټه د یو بل کال لپاره نوې شوې ده.

چین د لار او کمربند پروژې له مخې په پاکستان کې میلیاردونه ډالره پانګونه کړې او هم یې دغه هېواد ته پور ور کړی دی.

پاکستان ته د چین د دوه میلیارد ډالرو پور یو کال موده اوږدولو سره هممهاله د پیسو نړیوال صندوق اسلام اباد ته د خپل ور کړي اوه میلیارده پور لومړنۍ بیا کتنه کوي.

د پاکستان دولتي رادیو د راپور له مخې، پانګوال دا کتنه له نږدې څاري او اقتصادي سمون کې د پرمختګ په سترګه ورته ګوري.

مارک کارني د لومړي وزارت لپاره د لېبرال ګونډ ټاکنو کې تر خپلې بریا وروسته د خپل هېواد په تړاو له امریکا اندېښنه وښوده.

هغه په یوه غونډه کې وویل، «امریکا، زموږ سرچینې، زموږ اوبه، زموږ خاوره او زموږ هېواد غواړي او که بریالئ شي، نو زموږ د ژوند ډول به له منځه یوسي.»

هغه دا هم وویل، چې د ډونلډ ټرمپ په مشرۍ د امریکا له حکومت سره د جنجالونو له امله ټورنټو «تورې ورځې په مخ کې لري.»

نوموړي پر ډونلډ ټرمپ له دې امله نیوکه وکړه چې پر کاناډا یې تعرفې لګولې او دا چې غواړي د امریکا ۵۱ ایالت یې کړي.

د کاناډا پخواني لومړي وزیر جسټن ټروډو هم د مخه ښې وینا کې د خپل هېواد په تړاو د ډونالډ ټرمپ ګواښونو ته اشاره وکړه او ویې ویل، د خپل ګاونډي له سخت ګواښ سره مخ دي.

ښاغلی ټرمپ نه یواځې وخت نا وخت دا خبرې کړې چې کاناډا دې د امریکا برخه شي، بلکې کله کله یې د دغه هېواد لومړی وزیر جسټن ټروډو د لومړي وزیر پر ځای والي بللی دی.

د روسیې د فډرالي امنیت ادارې د بریتانیا د سفارت دویم سکرټر او د لومړي سکرټر مېرمن د اېستلو له اعلان سره سم وویل، چې د فډرالي امنیت خدمتونو ضد استخباراتي عملیاتو په مسکو کې د دغه هېواد د سفارت تر پوښښ لاندې د بریتانیا استخباراتي حضور افشا کړی دی.
اېف اېس بي ویلي، چې د روسیې بهرنیو چارو وزارت د دوی اسناد لغوه کړي او دوی ته یې امر کړی چې په دوو اونیو کې له دغه هېواده ووځي.

د مسکو او لندن اړیکې د روسیې ولسمشر ولادیمیر پوتین د حکومت په څلورمه دوره کې هغه وخت خړې شوې، چې پر یو بل یې د جاسوسۍ تورونه پورې کړل.
بریتانې په ۲۰۰۶ کال کې په روسیه تور پورې کړ، چې د روسیې یو پخوانی کارکوونکی او د کرملېن سرسخته نیوکه کوونکی الکساندر لیتویننکو یې په لندن کې مسموم کړی دی.

له هغه وروسته په ۲۰۱۸کال کې بریتانیا او د هغې متحدینو د روسیې د سفارت لسګونه چارواکي وشړل، چې د دوی په وینا جاسوسان وو.

دا اعلان په داسې حال کې کېږي، چې روسیه د اوکراین د شخړې مسوولیت له متحده ایالاتو څخه د اروپا پر غاړه وراچوي؛ ځکه چې د ولسمشر ډونالډ ټرمپ اداره له کرملېن سره د نږدې اړیکو په لټه کې ده.