د ټرمپ نوی اجرايوي فرمان د امریکا غږ او شپږو نورو بنسټونو فعالیتونه محدودوي

هغه نن (د مارچ په ۱۵مه) په یوه ویډیویي پیغام کې پر خلکو غږ کړی، چې په خواله رسنیو کې دې له کرکجنو او ځورونکو ویناوو ډډه وکړي.

هغه زياته کړې، چې په مذهبي ځايونو کې د خلکو پر وړاندې په ښکاره ډول تاوتريخوالي دغه ستونزې لاپسې زیاتې کړې دي.

بل خوا بیا د ملګرو ملتونو د بشري حقونو سازمان راپور ورکړی، چې د ۲۰۲۳ کال د اکټوبر په اوومه د حماس له‌خوا پر اسراییل تر برید وروسته د اسلام پر ضد تعصب کې زیاتوالی راغلی دی.

(د مارچ ۱۵مه) هر کال له اسلام څخه د وېرې پر وړاندې د مبارزې نړۍواله ورځ نمانځل کېږي.

هغه زیاته کړې، چې کاناډا به هڅه وکړي ترڅو خپل شمالي ګاونډیان راخپل کړي.
کارني دارنګه ویلي، چې د ټرمپ د ګمرکي تعرفو د لوړوالي سره مخامخ کېدل به د هغه د حکومت لپاره یو له مهمو لومړیتوبونو څخه وي.

هغه زیاته کړه:« کاناډا به هیڅکله او په هیڅ ډول د متحده ایالاتو برخه نه شي.»

هغه هیله څرګنده کړه، چې حکومت یې کولای شي له واشنګټن سره د دواړو هېوادونو د ګټو د پرمختګ لپاره همکاري وکړي.
ځینې بهرنۍ رسنۍ وايي، چې د دواړو هېوادونو چارواکي په پام کې لري چې په راتلونکو ورځو کې د ټرمپ او کارني ترمنځ ټلیفوني خبرې اترې تنظیم کړي.

کارني د ټرمپ اداره د کاناډا لپاره د یوه نسل تر ټولو ستره ننګونه ګڼي او د کاناډایي توکو پر وړاندې یې د امریکا د تعرفو توجیه نه بولي.

۶۰ کلن کارني تازه د لېبرال ګوند په اکثریت رایو سره لومړی وزیر شو.

داسې ویل کېږي، چې د کاناډا نوی لومړی وزیر مارک کارني به په راتلونکې اونۍ کې پاریس او لندن ته سفر وکړي؛ ترڅو د امریکا سره د اړیکو د خرابېدو په ترڅ کې د کاناډا نړۍوالې اړیکې پیاوړې کړي.

بل خوا د جرمني لومړي وزیر اولاف شولز او د اروپایي ټولنې مشرې اورسولا فون ویلي، چې د کاناډا او اورپایي ټولنې اړیکې په اوس وخت کې تر بل هر وخت زیاتې مهمې دي.

زېلېنسکي ټینګار کړی، چې اوکراین تر بل هر چا ډېر د سولې غوښتونکی دی او له همدې امله یې له شرطونو پرته ۳۰ ورځني لنډمهاله اوربند لپاره د امریکا وړاندیز منلی دی.

زېلېنسکي پر اېکس پاڼه په خپور کړي پیغام کې د بېلي ګراهام بنسټ او سامریتنز پرېس د مشر فراکلېن ګراهام سره د خبرو اترو په اړه خبر ورکړی او د اوکراین د خلکو څخه یې د هغه د ملاتړ مننه کړې ده.

د اوکراین ولسمشر ولادمیر زېلېنسکي په خپله لیکنه کې په سعودي عربستان کې د اوکراین او امریکا د استازو وروستۍ ناستې ته اشاره کړې او دا یې د عادلانه او تلپاتې سولې د ترلاسه کولو لپاره لومړی بریالی ګام بللی دی.
نوموړي، دا د خلکو د ژوند ژغورلو لپاره یوه مهمه هڅه بللې او زیاته کړې یې ده، چې د اوربند تر څنګ د جګړې د بندیانو خلاصون، د ملکي وګړو ازادول او په بند کې د شته ماشومانو بېرته راستنېدل هم سولې ته د رسېدو په لار کې نور اړین ګامونه دي.

زېلېنسکي دغه څرګندونې داسې مهال کړې، چې د جمعې په ورځ د سپینې ماڼې ویاند په یوه خبري کانفرانس کې اعلان وکړ چې امریکا د ۳۰ ورځني اوربند وړاندیز ته د روسیې د ځواب په تمه ده او ټینګار یې وکړ، چې دوی هیڅکله سولې ته دومره نږدې نه وو.

د رویټرز خبري اژانس د خبر له مخې، اوکراین تېره اونۍ په سعودي عربستان کې له امریکایي چارواکو سره تر کتنې وروسته له دغې هوکړې سره منښته وکړه؛ خو دغه هوکړه د اوربند د طرحې د پلي کولو په برخه کې د مسکو پر ژمنو مشروطه ده.

سنټیکام ویلي، چې له برید وروسته دوی او عراقي ځواکونه په نښه شوې سیمې ته تللي او له «DNA» ازموینو وروسته یې معلومه کړې چې په یاد برید کې ابو خدیجه او یو بل تن چې ځانمرګي واسکټونه یې لېږدول وژل شوي دي.

عبدالله مکي مصلح الرفاعي د داعش تر ټولو په لوړه کچه پرېکړه کوونکی مشر او د نړۍوالو عملیاتو، لوژستیک او پلان جوړونې مسول و.

دغه کس چې په ابو خدیجه هم مشهور و؛ د دغې ډلې د نړۍوال سازمان د مالي چارو د یوې مهمې برخې مشري کوله.

سېنټکام زیاتوي، چې دغه برید په سیمه کې «دترهګریزو ګواښونو سره د مبارزې لپاره د روانو هڅو» یوه برخه ده.

د متحده ایالاتو د مرکزي قوماندې قوماندان مایکل اېریک کورېلا وویل، ابو خدیجه د داعش په ټول نړۍوال سازمان کې یو له مهمو غړو څخه و.

د هغه په وینا:« موږ به د ترهګرو وژلو ته دوام ورکړو او هغه ترهګریز سازمانونه به له منځه یوسو، چې متحده ایالات او زموږ متحدین په سیمه او له بهر څخه ګواښي.»

نږدې یوه میاشت وړاندې هم د امریکا مرکزي قوماندې په یوه خبرپاڼه کې ویلي و، چې په سوریه کې یې د القاعدې (هاد) ډلې لوړپوړی مشر یوسف رضا طلا په یوه هوایي برید کې وژلی دی.

په کریوي ریح کې ددغه توغندیو چاودنې داسې مهال ترسره شوي چې د اوکراین هوایي ځواک د مارچ په ۱۴ وویل چې روسیې د کریوي ریح په لور توغندي توغولي دي.

د روسیې دغه برید په کریوي ریح کې څلور اپارتمانونه، څلور کورونه او د سوداګریزو تاسیساتو نامعلوم شمېر زیانمن کړي دي.

روغتیایي چارواکو وویل چې ددغه برید له امله شپږ تنه په روغتون کې بستر شوي دي.

د برید بشپړې پایلې لا نه دي مشخصې شوې، خو د بیړنيو خدماتو کارکونکي دا مهال په سیمه کې په کار بوخت دي.

یاده دې وي چې تېره اوونۍ د روسيې په کريوي ريح ښار کې پر يوه هوټل بريد وکړ، چې د ماشومانو په ګډون يې شپږ تنه ووژل او تر ۳۰ ډېر يې ټپيان کړل.

د ولسمشر ولادیمیر زېلېنسکي اصلي ټاټوبی کریوي ریح د روسیې د توغندیو د بریدونو هدف دی. دلته شاوخوا شپږ نیم لکه نفوس اوسیږي، دا د نیپروپیټروسک اوبلاست دویم لوی ښار دی، چې د نږدې لومړۍ کرښې شمال لویدیز شاوخوا ۷۰ کیلومترۍ کې موقعیت لري.