د پخواني ولسمشر حامد کرزي د دفتر رییس کریم خُرم په کابل کې د لوړپوړو ودانیو د جوړېدو په زیاتېدو نیوکه کړې او وایي، چې د څو کسانو د ګټې لپاره باید په میلیونونو انسانانو د ژوند ساحه تنګه نه شي.
نوموړي په خپل اېکس کې لیکلي، چې په غیر تجارتي سیمو کې د لوړپوړو ودانیو د جوړېدو کارونه په چټکۍ سره روان دي، چې د دغه لړۍ دوام به تر راتلونکو څو کلونو په کابل کې د اوبو او برېښنا په برخه کې جدي ستونزې جوړې کړي.د ښاغلي خُرم په خبره: «په کابل کې د لوړپوړو ودانیو د جوړولو کار په شدت روان دی، په غیر تجارتی ساحو کې هم هره ورځ یوه نوې ودانۍ سر راپورته کوي، دا به کابل کې د اوبو او برېښنا لویه ستونزه رامنځته کړي.»د نوموړي په وینا، د اوبو د جذب ځمکه به ورځ تر بلې کمه شي، په داسې حال کې چې مصرف به یې څو برابره زیاتېږي.خُرم دغه راز زیاتوي: «د حویلۍ لروونکو کورونو شنه ساحه، پارکونه د اوبو د جذب مهم ځایونه دي چې دا ودانۍ به یې له منځه یوسي.»د پخواني ولسمشر حامد کرزي د دفتر رییس ادعا کوي، چې د لوړپوړو ودانیو د جوړېدو په برخه کې په تېرو وختونو کې ډېره بې غوري شوې ده.د هغه په خبره: «دې کار ته تل هغو خلکو زړه ښه کړی چې غواړي کابل کې پیسې وگټي خو مصرف یې په بهر کې وکړي، په دې دلیل چې کورونه او کورنۍ یې هلته دي.»د نوموړي په وینا، که دا سلسله په همدې سرعت سره روانه وي، نو کابل به څو کاله وروسته د اوسېدو نه وي.خُرم هیله څرګنده کړې ده، چې د څو تنو د ګټو لپاره باید پر میلیونونو انسانانو د ژوند ساحه تنګه نه شي.دا په داسې حال کې ده، چې پر افغانستان د طالبانو له بیا واکمنېدو وروسته په کابل ښار کې سلګونه لوړپوړې ودانۍ د ښاروالۍ له نقشې او له نړۍوالو معیارونو پرته جوړې شوې دي.
دغه لېست دا هم ښيي چې د طالبانو د ریاست الوزرا مرستیالانو معاش له یو لک ۸۳ زرو افغانیو څخه یو لک ۳۵ زرو افغانیو ته کم شوی دی.
په دغو اسنادو کې د طالبانو د سترې محکمې د مشر تنخا له یو لک ۶۷ زره افغانیو څخه یو لک ۲۱ زره افغانیو ته کمه شوې ده.
طالبانو د وزیرانو او د نظارت او فرامینو د تطبیق رییس معاشونه له یو لک ۳۷ زره افغانیو څخه یو لک ۸ زره افغانیو ته راټیټ کړي دي. طالبانو د خپلې استخباراتي ادارې د مشر لپاره هم ورته معاش ټاکلی دی.
همدارنګه په دغه لېست کې لیدل کېږي چې طالبانو د دغې ډلې د چارو ادارې د مشر معاش له یو لک ۲۲ زره افغانیو ، ۹۴ زره افغانیو ته راټیټ کړی دی.
طالبانو د خپلو واليانو معاش له ۹۱ زرو افغانیو څخه ۶۷ زره افغانیو ته راټیټ کړی دی.
دا لېست ښيي چې طالبانو د ملکي خدمتونو د لومړۍ درجې د کارکوونکو معاش ۲۷ زره افغانۍ ټاکلی چې له ۱.۵ څخه تر ۶.۵ باندې ضرب کړي دي.
د دې لېست پر بنسټ، د طالبانو د اداري کارمنانو معاشونه له شاوخوا ۵۰ زره افغانیو شاوخوا ۱۳ زره افغانیو ته راټیټ شوي دي.
د طالبانو تر واک لاندې مالیې وزارت کې سرچینو هم افغانستان انټرنشنل ته دا لېسټونه تاید کړي دي، چې د نوي کال په پیل کې به عملي کېږي.
په دې لېست کې د وزیرانو مرستیالانو، ښاروالانو او قاضیانو د معاشونو د کمېدو راپور ورکړل شوی دی.
تر اوسه معلومه نه ده، چې د طالبانو په اداره کې د معاشونو د کمښت اصلي لامل څه دی، خو په تېرو میاشتو کې ملکي مامورینو د خپلو معاشونو په ورکړه کې له ځنډ سخت شکایتونه کړي دي.
د طالبانو د کورنیو چارو وزارت یو کارمن نن هم افغانستان انټرنشنل ته غږیز پیغام کې ویلي، چې له دوو میاشتو راهیسې یې تنخا نه ده اخیستې.
نوموړی زیاتوي چې د طالبانو د مشر له شخصي کسانو او ځینې «مجاهدینو» پرته نورو کارکوونکو ته معاش نه دی ور کړل شوی.
د جمهوریت پرځېدو پسې څو میاشتې وروسته طالبانو ته له امریکا میلیون ډالري کڅوړې راتلې.
که څه هم طالبان وايي، چې دا پیسې د موسسو له خوا مصرفېدې، خو سیګار بیا بیا ویل چې طالبان پکې لاسوهنه کوي.
د ډونالډ ټرم پواکمنېدو پسې چې د دې مرستو بندېدو خبره شوې، ور سره د طالبانو کارمنانو ته د تنخا ور کول هم ټکي شوي دي.