سپینه ماڼۍ وايي د ټرمپ او پوتین خبرې ښې روانې دي

د تاجکستان ولسمشر امام علي رحمان د دوشنبې په ورځ مسکو ته د خپل سفر پرمهال د روسیې له ولسمشر سره د دواړو هېوادونو ترمنځ د امنیتي همکاریو او اقتصادي اړیکو په اړه خبرې وکړې.

له لیدنې وروسته د روسیې ولسمشر ولادیمیر پوتین وویل، چې روسیه به په اسیا کې د سولې او ثبات د ټینګښت لپاره له تاجکستان سره د ترهګرۍ او نشه يي توکو د قاچاق پر وړاندې د مبارزې په برخه کې خپلې همکارۍ پراخې کړي.

پوتین وویل: «په طبیعي توګه، موږ نه شو کولی په مرکزي اسیا کې او په ځانګړې توګه د افغانستان له خاورې څخه راپورته کیدونکو ننګونو او ګواښونو امنیتي مسالې له پامه وغورځوو».

د روسیې ولسمشر زیاتوي چې روسیه به په تاجکستان کې ددغه هېواد د ۲۰۱ پوځي اډې د کارولو په ګډون په سیمه کې د سولې او ثبات ملاتړ ته دوام ورکړي.

هغه وویل: «موږ پرېکړه کړې چې دفاعي، پوځي او تخنیکي همکارۍ لا ژورې کړو او همدارنګه د ترهګرۍ او نشه يي توکو د قاچاق پر وړاندې مبارزه وکړو.»

پوتین دا هم ویلي چې د ۲۰۲۳ کال په پای کې یې د تاجکستان په غرنۍ سیمه کې یوه سرحدي اډه پرانستل شوې ده.

هغه وويل:«دا اډه د روسیې په فدرالي فنډ جوړه شوې او په وروستيو تخنیکي تجهیزاتو او وسلو سمبال ده، نن موږ په دې برخه کې د همکارۍ د دوام موافقه وکړه».

تاجکستان د نشه یې توکو ترڅنګ په افغانستان کې مېشتو ځینو مخالفو ډلو په ځانګړې توګه د تاجکستان اسلامي غورځنګ څانګې انصارالله نه سخته اندېښنه لري.

پر فلسطين د اسراییل تر برید وروسته د طالبانو بهرنیو چارو وزارت د سې شنبې په ورځ په یوه اعلاميه کې د دغه بريد د غندلو ترڅنګ دغه بريد د ټولو قوانینو خلاف بللی.

د طالبانو اعلامیه کې راغلي، « دصهیونيستي يرغلګرو دغه وحشیانه عمل نه یوازې د بشري حقونو او نړیوالو قوانینو خلاف دی بلکي د انسانیت له اساسي ارزښتونو سره هم ښکاره تضاد لري.»

طالبانو پر هېوادونو غږ کړی، چې «د فلسطينیانو ملاتړ وکړي او د اشغال پای ته رسولو لپاره عملي او جدي اقدامات تر سره کړي.»

د طالبانو بهرنیو چارو وزارت ویلي، چې د فلسطینیانو د حقه مبارزې او مشروع مقاومت ثابت حق ګڼي او ملاتړ یې کوي.

په دغو بریدونو کې، چې نن سهار وختي وشول، د ۴۱۲ کسانو د وژل کېدو رپوټ ورکړل شوی.

فلسطیني چارواکو تایید کړې، چې د اسراییل په بریدونو کې د حماس څلور جګپوړي غړي وژل شوي.

حماس ویلي، چې په دغو بریدونو سره ددوی او اسراییل ترمنځ اوربند نور مات دی.

د اسراییل د لومړي وزیر دفتر ویلي چې دا اقدام حماس ته ځواب و، چې په غزه کې د بندي شویو کډوالو خوشي کولو ته تیار نه دی.

د اسراییل ټایمز په وینا، عصام الدعلیس، چې د جبلې اوسېدونکی و، د حماس لوړپوړی غړی او د اسماعیل هنیه مخکینی مشاور و.

احمد عمر الحته، چې د ابو عمر په نامه پېژندل کیږي، د حماس د عدلیې وزارت د عمومي رییس او مرستیال په توګه خدمت کړی و. هغه د غزې د اسلامي حقوقي سیسټم د پیاوړتیا لپاره ډېر کار کړی و.

اسراییل ټایمز وايي، بهجت ابو سلطان د غزې دننه د حماس د داخلي عملیاتو مسوول و او د حماس یو جګپوړی مشر ګڼل کیده، چې د دې ډلې امنیتي چارې یې څارلې.

حماس په یوه اعلامیه کې ددغو کسانو وژل کېدل تایید کړي او ویلي یې دي چې ددوی لاره به جاري او وژل به یې ددوی هوډ اغیزمن نه کړي.

په دغو بریدونو کې، چې نن سهار وختي وشول، د ۴۱۲ کسانو د وژل کېدو رپوټ ورکړل شوی.

حماس ویلي، چې په دغو بریدونو سره ددوی او اسراییل ترمنځ اوربند نور مات دی.

د اسراییل د لومړي وزیر دفتر ویلي چې دا اقدام حماس ته ځواب و، چې په غزه کې د بندي شویو کډوالو خوشي کولو ته تیار نه دی.

په ورته وخت کې د ملګرو ملتونو د بشري حقونو دفتر وايي، چې اسراییل د لویدیز بیت المقدس په اشغال شویو سیمو کې د خپلو خلکو میشتول چټک کړي دي.

یاد دفتر وايي، دا له اسراییل سره د دې سیمو د یوځای کولو د دوامدارو هڅو یوه برخه ده، چې له نړیوالو قوانینو سره په ټکر کې دي.

د یاد دفتر رییس وايي، دې سیمو ته د اسراییل له خوا د خپلو خلکو انتقال جګړه ییز جرم دی.

یاد دفتر وايي، اسراییل باید سملاسي او په بشپړ ډول دغه فعالیتونه ودروي او ټول انتقال شوي کسان له سیمې وباسي.

ددغه دفتر رییس ولکر ترک وویل، چې اسراییل دې په زور د فلسطیني وګړو د انتقال مخه ونیسي.

اسراییل د دې کال په پیل کې د ملګرو ملتونو د بشري حقونو له شورا ووت.

د رویټرز د راپور له مخې، د کاناډا لومړي وزیر په لندن کې خبریالانو ته وویل:« موږ دغه څرګندونې بې احترامي بولو او دا ګټورې نه دي. دوی باید صبر وکړي ترڅو سره کېنو او د متحده ایالاتو سره زموږ د پراخې ملګرتیا په اړه خبرې وکړو.»

د امریکا ولسمشر ټرمپ، چې پر کاناډایي توکو د لوړو ګمرکي تعرفو ژمنه یې کړې؛ غواړي چې کاناډا د متحده ایالاتو ۵۱م ایالت شي.

د ټرمپ په اړه د مارک کارني دغه څرکندونې د هغه تر ټولو سختې څرکندونې ګڼل کېږي، چې د خپلې لوړې په مراسمو کې یې کړې وې.

ښاغلي کارني چې د جمعې په ورځ یې د کاناډا د لومړي وزیر په توګه لوړه وکړه، تر اوسه یې له ټرمپ سره خبرې نه دي شوې او د امریکا ولسمشر تر اوسه د هغه د ټاکل کېدو په اړه چوپه خوله پاتې دی.

مارک کارني د امریکا سره د سوداګرۍ او امنیتي اړیکو په هر اړخیز ډیالوګ او مذاکرې ټینګار کړی او زیاته کړې یې ده، چې کله هم متحده ایالات خبرو ته چمتو وي؛ نو دوی هم د ناستې لپاره چمتو دي.

دا په داسې حال کې ده، چې کاناډا د امریکا څخه د مېلیاردونو ډالرو په ارزښت پر وارداتو د تعرفو په لوړولو سره خپل غچ اخیستی؛ خو لومړی وزیر کارني وایي، چې اوټاوا به یوازې هغه اقدامات ترسره کړي چې د ده په باور د متحده ایالاتو په چلند کې بدلون راوستلای شي.

د اسراییل په دغو بریدونو کې لسګونه کسان ټپیان شوي هم دي او ښایي، چې د مرګ ژوبلې شمېره لا لوړه شي.

دغه بریدونه داسې مهال پیلېږي، چې حماس د اوربند د غځولو لپاره د امریکا وړاندیز رد کړ.

هاخوا بیا د اسراییل د لومړي وزیر دفتر ویلي، اسراییل په غزه کې پوځي عملیات بیا له سره پیل کړي دي.

اسراییل او حماس د اوربند د تړون د دویم پړاو خبرو څخه انکار وکړ.

د خبرې اترې له لومړي پړاو وروسته پیل شوې وې، چې شپږ اونۍ یې دوام وکړ.

د اسراییل لومړي وزیر بنیامین نتنیاهو وویل چې هغه پوځ ته لارښوونه کړې، چې په غزه کې د حماس پر وړاندې پیاوړي ګامونه واخلي او دغه ډله یې د بندیانو د خوشې کولو څخه د انکار او د اوربند په اړه د اسراییل د وړاندیزونو سره د هوکړې په نه کولو تورنه کړې ده.

د لومړي وزیر دفتر په یوه بیان کې وویل، اسرایل به له دې وروسته د حماس پر وړاندې له پراخه پوځي ځواک سره عمل وکړي.

له بلوه په اسراییل کې ځایي رسنیو راپور ورکړی، چې د دغه هېواد د دفاع وزیر اسراییل کاټز ویلي که حماس ټول هغه بندیان چې لا تر اوسه د فلسطین په خاوره کې ساتل کېږي خوشې نه کړي؛ نو د غزې پر مخ به «د دوزخ دروازې» پرانیستل شي.

نوموړي ویلي، اسراییل به پر حماس هغه ځواکونه وکاروي چې دوی «دوی یې لا پېژني نه».

د حماس یوه جګپوړي چارواکي تر دې وړاندې رویټرز ته ویلي و، چې د اسراییل بریدونه په دې معنا دي چې اسراییل په یو اړخیزه توګه په غزه کې اوربند پای ته رسوي.