د ټرمپ تر ګواښ لاندې کاناډا د سمدستي ټاکنو اعلان وکړ
د کاناډا نوي لومړي وزیر مارک کارني د اپرېل د ۲۸مې لپاره د سمدستي ټاکنو د ترسره کېدو اعلان وکړ او ژمنه یې وکړه، چې کاناډا به له متحده ایالاتو سره د ضمیمه کولو کمپاین ته ماتې ورکړي.
د کاناډا نوي لومړي وزیر مارک کارني د اپرېل د ۲۸مې لپاره د سمدستي ټاکنو د ترسره کېدو اعلان وکړ او ژمنه یې وکړه، چې کاناډا به له متحده ایالاتو سره د ضمیمه کولو کمپاین ته ماتې ورکړي.
کارني چې یو پخوانی مرکزي بانکدار وو، د کاناډا د مرکزي لېبرال ګوند له خوا د جسټن ټروډو پر ځای غوره شوی، خو هغه هېڅکله د هېواد له پراخو رایه ورکوونکو سره مخامخ شوی نه دی.
کارني له اکټوبر څخه څو میاشتې مخکې پارلماني ټاکنې اعلان کړې او هغه دا روښانه کړه، چې د متحده ایالاتو د ولسمشر له خوا د ګواښونو خنډ او هغه سوداګریزه جګړه چې هغه پیل کړې د هغه د کمپاین پایښت وي.
کارني ملت ته په یوه وینا کې وویل: "ما یوازې غوښتنه کړې، چې والي جنرال پارلمان منحل کړي او د اپرېل په ۲۸مه ټاکنې ترسره کړي، هغه هم موافقه کړې."
کارني وویل، ټرمپ غواړي چې موږ مات کړي، خو موږ به پرې نه ږدو چې دا کار وشي.
کارني وویل: "موږ د ولسمشر ټرمپ د غیر عادلانه سوداګریزو کړنو او زموږ حاکمیت ته د هغه ګواښونو له امله د خپل ژوند ترټولو مهم بحران سره مخ یو."
دا په داسې حال کې ده، چې ټرمپ خپل شمالي ګاونډي ته په مکرر ډول د خپل حاکمیت او د سرحدونو په لغوه کولو او له متحده ایالاتو سره د ۵۱ ایالت په توګه د یوځای کېدو غوښتنه کړې.
