ملاله یوسفزۍ: د ماهرنګ بلوڅ نیول‌ د اندېښنې وړ ده او هغه باید سملاسي خوشې شي

نوموړي د دوشنبې په ورځ (د وري ۴مه) دا څرګندونې د اېکس‌پاڼې له لارې د خېبرپښتونخوا په بنو سیمه کې د دغه غورځنګ د زکات کمېټې مشر نیازاحمد خان پر دوو ورېرونو د برید په غبرګون کې کړې دي.

هغه لیکلي دي: «هره ورځ د پښتنو په سیمو کې د ظلم او جبر پېښې رامنځته کېږي، خو د افسوس ځای دا دی چې نه د ایالتي حکومت او نه هم د مرکزي حکومت له‌خوا کوم غبرګون ښودل کېږي.»

پښتین له ولسه غوښتي، چې ناهیلی کېږي دې نه او ټینګار یې کړی چې د پاکستاني حکومت د ظالمانه سیاستونو پر وړاندې د یوه اغېزمن او منظم ولسي پاڅون د پیلېدو لپاره له سیمه‌ییزو او نورو مظلومو قومي مشرانو سره اړیکې نیول شوي دي.

‏د پښتون ژغورنې غورځنګ مشر زیاتوي: «په سیمه‌ییزه کچه جلسې او مظاهرې ښایي د دې بې‌شرمه واکمنانو پر ضد دومره اغېزمنې نه وي، نو ځکه موږ د بېلابېلو سیمو له مشرانو او محکومو قومونو رهبرانو سره په اړیکه کې یو، تر څو یو لوی ولسي خوځښت ته چمتووالی ونیسو او یو قوي او اغېزناک ولسي مقاومت پیل کړو.»

‏نوموړي همداراز دې پېښې ته په اشارې ویلي، چې په دې وضعیت کې هم د پښتون ژغورنې غورځنګ مشران او ګڼ شمېر فعالان سیمې ته رسېدلي او د دې پېښې پر وړاندې یې خپل غږ پورته کړی دی.

‏ منظوراحمد پښتین دا څرګندونې وروسته له هغې کوي، چې نن پاکستاني پوځ د خېبرپښتونخوا په بنو کې د دغه غورځنګ د زکات کمېټې مشر پر دوو ورېرونو ډزې کړي، چې په ترڅ کې یې یو وژل شوی او بل ټپي دی.

د یادونې ده، چې خېبرپښتونخوا په دې وروستیو کې د پاکستاني پوځ او وسله‌والو ډلو ترمنځ د شدیدې ناامنۍ شاهده ده، چې هلته د مېشتو پښتنو فعالانو سختې اندېښنې یې راپارولي دي.

د پاکستان د بهرنیو چارو په وزارت کې د افغانستان د اړیکو په اړه غونډه کې اسحاق ډار د افغانستان لپاره د پاکستان ځانګړي استازي محمد صادق څخه افغانستان ته د خپل وروستي سفر او مهمو غونډو په اړه معالومات ترلاسه کړل.

محمد صادق د دوشنبې په ورځ افغانستان ته له سفر وروسته پاکستان ته راوګرځېد.

د بهرنیو چارو وزیر د دوه اړخیزو اړیکو د پیاوړتیا لپاره د دوامداره خبرو اترو په اهمیت ټینګار وکړ او په دې غونډه کې د بهرنیو چارو وزارت مرستیال او نورو لوړپوړو چارواکو ګډون کړی و.

یاده دې وي، چې د افغانستان لپاره د پاکستان ځانګړي استازي محمد صادق په درې ورځيني سفر افغانستان ته تللی وو او طالب چارواکو سره یې د امنیت، سوداګرۍ، او په پاکستان کې د افغان کډوالو د ستونزو د کمولو په موخه خبرې کړي.

تېره ورځ د طالبانو د بهرنیو چارو وزارت په اعلامیه کې راغلي، چې محمد صادق ډاډ ورکړی څو د ټرانزیټ، امنیت او افغان کډوالو ستونزې به هواروي.

د جیو ټلوېزیون د رپوټ له مخې د بلوچستان سر وزیر سرفراز بګټي بلوچستان کې د دولت ضد تبلیغاتو او فعالیتونو کې د ښکېلو دولتي کارکوونکو پر ضد د اقدام پرېکړه کړې ده.

سرفراز پګټي همدراز په دې ناسته کې ویلي چې له دې وروسته به په ټولو تعلیمي ادارو کې د پاکستان ترانه غږول کېږي او بیرغ به پورته کېږي.

سرفراز بګټي وايي چد هغو تعلیمي ادارو مشران چې دا حکمونو نه عملي کوي، باید له خپلو دندو استعفا ورکړي.

پګټي ټینکار وکړ، چې تګلاره د دولت له خوا ورکول کېږي، پلي کول يې د سیمه یزو مامورينو دنده ده.

د هغه په خبره، که کوم افسر د دولت تګلاره نه شي پلې کولاى، بايد په خپله خوښه استعفا وکړي.

هغه وویل چې له هر ډول سياسي فشار پرته به خپل ورسپارل شوى مسووليت ادا کړي.

د بلوچستان سر وزیر وويل د امنیت ټینکښت يې په لومړيتوب کې دی او ټول مسوولین باید په ټولو سیمو کې د حکومت واک ټینک کړي.

سرفراز بګټي وويل« دترهګرۍ په ضد جکړه د رياست د هر وګړي جګړه ده، چې بايد په ګډه مبارزه وکړو.»

د حکومت وروستیو پرېکړو سره هممهاله په بلوچستان کې هم د بلوڅ بېلتونپالو بریدونه ډېر شوي او هم د دې صوبې په مرکز کې د ماهرنګ بلوڅ په مشرۍ د بلوڅانو پرلت روان دی.

په بلوچستان کې د بلوچ ارمي وروستي خونړیو بریدونو وښوده، چې ځايي حکومت د امنیت په ټینکښت کې پاتې راغلی دی او ورځ تربلې د وسلوالو بریدونه مخ پر زیاتېدو دي.

د بګن سیمې ځینو اوسېدونکو نن دوشنبه «د وري ۴مه» وویل چې د ترهګرو د پاکولو په نامه دغه عملیات د بګن، مندوړي، اوچت، ډاډکمر، چارخیل سیمو کې روان دي.

د یو ځايي اوسېدونکي په خبره، د بګن اوسېدونکي د عملیاتو له پیلېدو وړاندې له دې سیمو وتلي دي او د کورمې بېلابېلو سیمو ته کډوال شوي دي.

د کورمې ځايي چارواکي وايي له دغو سیمو پخوا شاوخوا ۸۰۰ کورنۍ بې ځایه شوې او ځینې کورنۍ د هنګو کیمپ کې ځای پر ځای شوي دي.

په دې روانو عملیاتو کې د پاکستان پوځ او پولیس برخه لري او دوی د هغو وسلوالو پرضد عملیات کويدي، چې په تېرو مذهبي جګړو کې ونډه درلود.

100%

تر اوسه د ځایي خلکو د کورونو او جوماتونو د وېجاړېدو په تړاو پاکستاني يوځیانو څه نه دي ویلي.

د کورمې د تېرو میاشتو مذهبي تاوتریخوالي کې دا سیمې د جګړې میدان و.

بګن د کورمې ولسوالۍ له ګڼې ګوڼې ډک هغه بازار و، چې د مذهبي تاوتریخوالي له امله یې تېر کال د سلواغې په میاشت کې ټول دوکانونه وسوځول شول.

تر دې وړاندې علي امین ګنډاپور د مرکزي حکومت د دغې پرېکړې مخالفت کړی و او زیاته کړې یې وه، چې د قانوني اسنادو درلودونکو افغان کډوالو ته دې په پاکستان کې د پاتې کېدو اجازه ورکړل شي.

دا په داسې حال کې ده، چې د سند حکومت هم د اې سي سي کارت لرونکو افغانانو د بېرته ستنولو لپاره خپل چمتواولی ښودلی دی.

د رسنیو په وینا، د دغو کډوالو اېستنه به د راروانې اپرېل میاشتې په لومړۍ نېټه پیل شي.

بل خوا بیا په پاکستان کې مېشتو افغان کډوالو د دغه هېواد لومړي وزیر شهباز شریف ته یو پرانستي لیک استولی او له هغه یې غوښتي، چې ژر تر ژره د افغان کډوالو جبري اېستنه ودروي او د کډوالو لپاره د ویزې د نوي کولو پروسه ساده کړي.

څه موده وړاندې د پاکستان حکومت اعلان وکړ، چې له اسلام اباد او راولپنډۍ ښارونو څخه د ټولو افغان کډوالو د وتلو لپاره یې (د مارچ ۳۱مه) نېټه ټاکلې ده او له اې سي سي کارت لرونکو افغانانو یې غوښتي و چې (د مارچ تر ۳۱مې نېټې) له دغه هېواده ووځي.

خو له بل پلوه، هغه کسان چې د ملګرو ملتونو عالي کمېشنرۍ سره ثبت دي کولای شي (د جون تر ۳۰مې نېټې) پورې په پاکستان کې پاتې شي.