ایرانی ډېپلوماټ: طالبان په مذاکراتو کې هېوادونو ته د امتیازونو له ورکولو ډډه کوي

دغې جبهې په خپل اېکس کې لیکلي: «دا برید نن ماښام ۶:۴۵ بجې د عبدالحق څلور لارې ته نږدې د "شش درک" په سیمه کې شوی، چې د طالبانو د استخباراتو څانګې وسله وال پکې په نښه شوي دي.»

مقاومت جبهې دغه راز ویلي، چې په دې برید کې یې د طالبانو دوه موټر چې وسله وال یې لېږدول هم سوځولي دي.

یادې جبهې زیاته کړې، چې په دې عملیاتو کې د دوی ځواکونو یا ملکي وګړو ته زیان نه دی اوښتی.

یاده دې وي، چې څه وخت وړاندې په افغانستان کې د ملګرو ملتونو ادارې په یوه راپور کې وویل، چې د مقاومت او ازادۍ جبهې په خپلو بریدونو کې عامو خلکو ته زیان رسولی، خو مقاومت جبهې دغه تورونه بې اساسه بللي وو.

د پاکستان د بهرنیو چارو په وزارت کې د افغانستان د اړیکو په اړه غونډه کې اسحاق ډار د افغانستان لپاره د پاکستان ځانګړي استازي محمد صادق څخه افغانستان ته د خپل وروستي سفر او مهمو غونډو په اړه معالومات ترلاسه کړل.

محمد صادق د دوشنبې په ورځ افغانستان ته له سفر وروسته پاکستان ته راوګرځېد.

د بهرنیو چارو وزیر د دوه اړخیزو اړیکو د پیاوړتیا لپاره د دوامداره خبرو اترو په اهمیت ټینګار وکړ او په دې غونډه کې د بهرنیو چارو وزارت مرستیال او نورو لوړپوړو چارواکو ګډون کړی و.

یاده دې وي، چې د افغانستان لپاره د پاکستان ځانګړي استازي محمد صادق په درې ورځيني سفر افغانستان ته تللی وو او طالب چارواکو سره یې د امنیت، سوداګرۍ، او په پاکستان کې د افغان کډوالو د ستونزو د کمولو په موخه خبرې کړي.

تېره ورځ د طالبانو د بهرنیو چارو وزارت په اعلامیه کې راغلي، چې محمد صادق ډاډ ورکړی څو د ټرانزیټ، امنیت او افغان کډوالو ستونزې به هواروي.

کرېکټ بورډ په یوې خبرپاڼه کې لکیلي، چې دغه تړون د افغانستان د کرېکټ بورډ او د ابوظبي ورزشي کمپلکس د اجراییوي مشرانو نصیب خان او مېټ بووچر ترمنځ د یادې شورا د عمومي منشي عارف حمد العواني په شتون کې لاسلیک شوی دی.

د خبرپاڼې له مخې، د دې تړون پر بنسټ به افغان کرېکټ بورډ ته د ابوظبي ورزشي کمپلکس په کرېکټ لوبغالو، روزنځایونو، ورزشي جېمونو او روزنیزو ځایونو کې له فیسونو او لګښتونو پرته د افغانستان کرېکټ ملي لوبډلې، الف، نولس کلنو او دغه راز نورو لوبډلو ته په نړۍوال معیار برابرې اسانتیاوې او خدمتونه برابرې شي.

د دغه تړون له مخې، د ابوظبي کرېکټ عمومي لوبغالی او دوه نور لوبغالي په کم فیس افغانستان کرېکټ بورډ ته په واک کې ورکوي او د ویزو په برخه کې به پوره همکاري کوي.

د کرېکټ بورډ د معلوماتو پر بنسټ، د افغانستان کرېکټ بورډ به د دې خدمتونو په بدل کې د اړتیا له مخې خپل ټول تمریناتي کمپونه د ملي لوبډلې د ټېسټ سیالۍ، د الف، اېمرجېنګ او نوولس کلنو کم عمره لوبډلو لوبې او کمپونه، روزنیز او تخنیکي ورکشاپونه او د چمتووالي کمپونه د ابوظبي ورزشي کمپلکس پر لوبغالو، روزنځایونو او میدانونو باندې ترسره کوي.

سيد عباس عراقچي د دوشنبې په ورځ ایرنا اژانس ته په مرکه کې وویل، چې له طالبانو سره یې په لیدنو کې د غيرقانوني افغان کډوالو د وتلو پر اړتيا مفصل بحث کړی او دواړو خواوو ټينګار وکړ چې ايران ته په غير قانوني ډول داخل شوي افغان کډوال بېرته خپل هېواد ته ستانه شي.

عراقچي زياته کړه: « تر ټولو مهمه مساله د کډوالو د بېرته ستنېدو په بهير کې د دغه بهير مديريت دی. موږ له افغان حکومت سره په مشوره کې يو، څو دا بهير په اصولي او منظم ډول ترسره شي».

عراقچي وايي، دواړو خواوو موافقه وکړه چې د افغان کډوالو د تدريجي او باعزته بېرته ستنېدو لپاره يوه ګډه طرح چمتو او عملي شي.

نوموړي وويل: « دا ډېره مهمه ده چې افغان لوری د دې کډوالو د منلو او جذب وړتيا ولري. اوس مهال افغان چارواکي د دغه بهير د تطبيق لپاره پلان جوړوي او د همدې له مخې به دا کسان په تدريجي ډول له هېواده ووځي».

د ايران د بهرنيو چارو وزير وايي، افغانستان بايد دا توان ولري چې دغه کسان په سمه توګه جذب کړي او د دوی د منلو زمينه برابره کړي.

نوموړي زیاته کړې، « موږ نه غواړو چې د افغان کډوالو بېرته ستنېدل د دواړو هېوادونو لپاره يوه ټولنيزه ستونزه جوړه شي. زموږ لپاره مهم اصل دا دی چې دا بهير د يوې منطقي او معقولې سيمه‌ييزې تګلارې پر بنسټ ترسره شي».

د ایران بهرنيو اتباعو او کډوالو چارو د مرکز ریيس نادر يار احمدي په وينا، دا مهال شاوخوا ۶ ميليونه بهرني وګړي، چې زياتره يې افغانان دي، په قانوني او غيرقانوني ډول په ايران کې ژوند کوي.

د افغانستان بانک نن سې شنبې د وري په څلورمه په اېسکپاڼه کې په شرايطو برابرو له ټولو صرافانو او تجارتي بانکونو غوښتي، چې په دغه بولۍ کې دې ګډون وکړي.

بانک ویلي، چې د داوطلبۍ ګټونکي یې مکلف کړي دي، چې خپل حسابونه د ورځې تر پايه تصفيه کړي.

په امریکا کې د ډونلډ ټرمپ واکمنېدو پسې افغانستان ته د میلیون ډالري کڅوړو بندېدو پسې د څو ورځو لپاره د افغانۍ ارزښت وغورځېد، خو طالبانو یې په مقابل کې د تدابیرو نیولو او ډالرو لیلامولو سره ارزښت بېرته پرځای کړ.

افغانستان انټرنشنل ته د کپ ۶مه یو شمېر صرافانو ته ویلي وو، چې طالبانو د افغانۍ د ثبات ساتلو پر موخه پر دوی یو شمېر بندیزونه هم لګولي او د « شهزاده سرای په ګډون د هېواد بېلابېلو ولایتونو کې په ازاده توګه بولۍ» یا د ډالرو پیر و پلور نه شي کولای.

د کابل شهزاده سرای څخه یې صراف زیاته کړې وه، چې د طالبانو استخبارات دوکان په دوکان ګرځي او د اسعارو اړوند نرخونه هم د صرافانو پر ځای د دغه ډلې له لوري په زوره ټاکل کېږي.

که څه هم طالبان په ښکاره توګه ځان له اقتصادي پلوه پیاوړی ښيې، خو باورونه دا دي چې دا ادعاوې ناسمې دي او دوی د بودېجې له کسر سره مخ دي، چې همدې امله د دولتي کارمنانو د معاشونو په ورکړه کې هم ځنډ او خنډ رامنځته شوی دی.