سپینې ماڼۍ د حوثي یاغیانو پر ضد د جګړې پلانونه په تېروتنې سره یوه خبریال ته استولي دي

عراقچي د دوشنبې په ورځ د کب پر څلورمه، پر ایران د اسراییل احتمالي برید ته له اشارې پرته وویل، چې دی د جګړې پر نه کېدا ډاډمن دی، ځکه تهران د هر ډول بیړني وضعیت لپاره چمتووالی نیولی.

عباس عراقچي زیاته کړه، « زه ډاډه یم چې جګړه نه کېږي، ځکه موږ د وضعیت لپاره بشپړ چمتووالی لرو».

عراقچي د ایران د سرې میاشتې کارکوونکو ته وویل، « وسله وال ځواکونه هم لکه تاسې په رخصتیو نه وو او نه دي او دوی بشپړ چمتو دي».

هغه یادونه وکړه: « اوس مهال دولت په ټولو برخو کې چمتووالی لري او د هر ډول حالت لپاره تیار دی».

د ایران بهرنیو چارو وزیر زیاته کړه، « د بیړنۍ مرستې ځواکونه، په ځانګړي ډول سره میاشت، بشپړ چمتو دي او په هیواد کې چمتووالی خورا لوړ او ۱۰۰ سلنه دی».

د ایرنا اژانس د رپوټ له مخې، عراقچي څرګنده کړه: « زه ډاډه یم چې هیڅوک به حتا پر ایران د تېري فکر لا ونه کړي، ځکه له عواقبو سره یې اشنا دي او پوهیږي چې زموږ وسله وال ځواکونه، مرستندوی ځواکونه، دولت او ولسي وړتیاوې ټول په تیارسۍ حالت کې دي».

هغه وویل چې تیاری ایران ته دا ځواک او وړتیا ورکوي چې څوک یې پر خاوره او اوبو د برید جسارت ونه لري.

د عراقچي څرکندونې د اسراییل د ګواښونو او د امریکا د ځانګړي استازي سټیو ویتکوف له څرګندونو سره هممهاله دي.

نوموړي ویلي، چې د امریکا ولسمشر ډونالډ ټرمپ د ایران له مشرایت الله علي خامنه‌اي سره د ممکنه نوي اتومي تړون په اړه د اړیکې وړاندیز کوي، چې د پوځي غبرګون مخنیوی وکړي. ویتکوف ټینګار وکړ چې امریکا نه غواړي دا ستونزه د پوځي اقداماتو له لارې حل کړي.

هغه وویل، چې واشنګټن له ایران سره د خبرو لپاره د دیالوګ او ډیپلوماتیکې لارې وړاندیز کوي.

دغه خبرې وروسته له هغه پیل شوې چې د امریکا استازو د یکشنبې په ورځ له اوکرایني چارواکو سره په سعودي عربستان کې خبرې وکړې.

رویټرز وايي، چې د امریکا ولسمشر ډونالډ ټرمپ د اوکراین درې کلنې جګړې له پای ته رسولو سره لېوالتیا زیاته کړې ده.

د خبرو موخه دا ده چې د تور سمندر د سمندري اوربند لپاره زمینه برابره شي، څو د کښتیو ازاد تګ راتګ ته اجازه ورکړل شي. په دې سیمه کې په وروستیو میاشتو کې پراخ نظامي عملیات نه دي شوي.

په دې خبرو کې د روسیې د بهرنیو چارو د کمیټې مشر ګریګوري کاراسین او د فدرالي امنیتي خدمت سلاکار سرګي بسیدا د مسکو استازیتوب کوي.

ټرمپ د دغو خبرو پر جریان عمومي رضایت څرګند کړی او د روسیې د ولسمشر ولادیمیر پوتین له ګډون څخه یې ستاینه کړې ده.

خو د اروپا لوی ځواکونه شک لري چې ایا پوتین به له خپلو سختو غوښتنو څخه چې له۲۰۲۲ کال راهیسې یې مطرح کړې دي، شاتګ وکړي.

د سپینې ماڼۍ د ملي امنیت سلاکار مایک والټز ویلي، چې خبرې به د کنټرول کرښې پر سر هم متمرکزې وي.

دغه راز د اعتماد جوړونې اقدامات، لکه د هغو اوکرایني ماشومانو بېرته ستنول چې روسیې وړي دي، هم د خبرو برخه ده.

روسیې ویلي، چې دوی به د تور سمندر د کښتیو خوندیتوب ته لومړیتوب ورکړي، خو دا یادونه یې هم کړې چې د تور سمندر د غلو دانو اصلي هوکړه په بشپړه توګه نه ده عملي شوې.

په ۲۰۲۲ کال کې د ترکیې او ملګرو ملتونو په منځګړیتوب، د تور سمندر د غلو دانو تړون لاسلیک شو، چې له مخې یې د جګړې باوجود، اوکراین ته اجازه ورکړل شوه چې خپله غله صادره کړي.

خو روسیه له دغه تړون څخه په ۲۰۲۳ کال کې ووتله او ادعا یې وکړه چې د دوی د خوراکي توکو او سرې صادرات له خنډ سره مخ دي.

ویل کېږي، چې دغه پرېکړه د ګوند دننه تر خپل منځي تاکنو وروسته شوې ده.

ښاغلی امام اوغلو اوس د ترکیې د اوسني ولسمشر رجب طیب اردوغان د اصلي او یوازیني سیال په توګه پېژندل کېږي.

امام اوغلو چې په دې وروستیو څو میاشتو کې له سختو سیاسي فشارونو سره مخ دی؛ له یوې اونۍ څخه په کمه موده کې د استانبول د ښاروالۍ له مقام څخه ونیول شو، چې اوس په زندان کې دی.

د اپوزیسیون ګوند له‌خوا دغه چاره د سیاسي کودتاه په توګه یاده شوې، چې د پراخو کورنیو او نړۍوالو غبرګونونو سره مخ شوه.

د اوغلو له نیول کېدو وروسته یوه پوهنتون د هغه د زده‌کړو سند هم لغوه کړ او نوموړی یې په اغېزمنه توګه په راتلونکو ولسمشریزو ټاکنو کې له ګډونه بې برخې کړ.

امام اوغلو په یوه ویډیویي پیغام کې چې په خواله رسنۍ کې خپور شوی ویلي: "موږ له لوی ظلم سره مخ یو؛ خو زه غواړم تاسو پوه شئ، چې زه لا ناهیلي نه یم."

هغه د ترکیې حکومت د خلکو ارادې په غصبولو تورن کړی دی.

صالح د «وري ۴مه» پر اېکس پاڼه لیکلي، چې د بلوڅو یووالي غورځنګ نیول شوې مشره د پاکستاني واکمنو پر وړاندې خورا هوښیاره ده او د پوځ په ګډون د دغه هېواد حکومت یې نه له پامه غورځولی شي او نه یې هم زغملی شي.

هغه زیاته کړې، چې د ماهرنګ بلوڅ زیاتېدونکی نفوس د جي اېچ کیو (GHQ) لپاره د اندېښنې وړ دی؛ هغوی نشي کولای چې د بلوڅو د حقونو د دغه مبارزې پر وړاندې چوپ پاتې شي او یا هم اقدام ونه‌کړي.

امرالله صالح په ډاګه کړې، چې ښايي دغه زنداني شوې بلوڅه مبارزه د پاکستان د پخوانۍ لومړۍ وزیرې بې نظیر بوټو په څېر د ترهګرۍ قرباني شي‌ او یا هم د بلوڅو د یوه وژل شوي مشر نواب اکبر بګټي په څېر د پوځ له لوري په مستقیمه توګه هدف وګرځي.

ښاغلي صالح د نواب اکبر بګټي یوه مشهوره خبره هم لیکلې، چې ویلي یې وو:« موږ د کوم بل ملت برخه نه یو. موږ بلوڅ بلوڅان یو، د بلوڅانو په توګه به ژوند کوو او مرو به».

دوه ورځې وړاندې سهار وختي د پاکستان امنیتي ځواکونو داسې مهال ماهرنګ بلوڅ نیولې، چې د بلوڅو یووالي غورځنګ له نورو غړو سره یو ځای یې د بلوچستان په کویټې ښار کې د پاکستان حکومت او پوځ خلاف اعتراضیه ناسته کړې وه.

هغې د تېر په څېر په دغه اعتراضیه ناسته کې هم د پاکستان پوځ د «بلوڅو پر نسل وژنې» تورنولو او غوښتنه یې کوله چې په لوی لاس تري تم کړای شوي بلوڅان دې هم خوشې کړي.

د بلوڅانو د حقونو دغه مبارزې نیول کېدو ته ګڼو بشري سازمانونو هم غبرګونونه څرګند کړي‌ دي.

د بښنې نړۍوال سازمان په یوې خبرپاڼه کې د پاکستان پر حکومت غږ کړی، چې ژر تر ژره دې ماهرنګ بلوڅ خوشې کړي او د بلوڅانو له ځورولو دې لاس په سر شي.

د بلوڅو یووالي غورځنګ مشرې څو، څو ځله ان د‌ پاکستان په پلازمېنې اسلام اباد کې هم د خپلو خلکو د حقونو لپاره لوی، لوی لاریونونه کړي دي.

له دې سره، سره د منظور پښتین په مشرۍ د پښتون ژغورنې غورځنګ هم په پښتنو په سیمو کې د پاکستان پوځ له لوري په جبري توګه د لادرکه شویو کسانو د خوشې کېدو او د پښتنو په سیمو کې د پاکستان پوځ د ناسمو تګلارو خلاف پراخ مدني فعالیتونه ترسره کوي.

منظور پښتین او د هغه د غورځنګ غړي هم ادعا لري، چې د پاکستان پوځ په لوی لاس د پښتنو سیمې د ډالري جنګونو ښکار کړې دي او د خېبر پښتونخوا ایالت په ګډون یې په بلوچستان کې له لسیزو راهیسې پښتانه تر سخت محکومیت او محرومیت لاندې راوستي دي.

یسراییل کاټز وویل، چې د اسراییل پوځ په دې عملیاتو کې چې د یکشنبې په ماښام ترسره شول، "برهوم" پکې ووژل شو.

کاټز د دې عملیاتو په ترسره کولو کې د اسراییل د اردو او د هېواد د امنیتي ادارې (شین بټ) د همکارۍ په ستاینه کې زیاته کړه، چې برهوم په غزه کې د حماس د نوي لومړي وزیر په توګه کار کاوه او په تېرو ورځو کې د عصام دعالیس له مړینې وروسته د نوموړي ځای ناستی ګومارل شوی وو.

د اسراییل د دفاع وزیر هم په غزې تړانګه کې د حماس د مرکزونو په خلاف د دغه هېواد د پوځي عملیاتو د پراخولو اعلان وکړ او ټینګار یې وکړ، چې دغه بریدونه به د حماس له خوا د یرغمل شویو کسانو تر ازادولو پورې دوام ولري.

د حماس غورځنګ د تیرې یکشنبې په شپه د خان یونس په ناصر روغتون باندې د اسراییلو په هوایی برید کې د خپل سیاسي دفتر د غړي اسماعیل برهوم وژنه تایید کړې.

د حماس د روغتیا وزارت تر دې مخکې اعلان کړی و، چې د اسراییل په وروستیو هوايي بریدونو کې د ناصر روغتون د جراحۍ څانګه په نښه شوې ده.

رویټرز خبري اژانس د طبي سرچینو په حواله ویلي، چې په دې برید کې پنځه تنه وژل شوي او ګڼ نور ټپیان شوي دي.

د اسراییلي پوځ د بیان له مخې، په دې عملیاتو کې یو "پواینټ بم" هم کارول شوی دی.

د اسراییل ټایمز خبري ویب پاڼې لیکلي، چې برهوم د حماس د سیاسي دفتر غړی و.

تېر کال اروپايي ټولنې د برهوم نوم د بندیزونو په لېست کې واچاوه او اعلان یې وکړ، چې هغه د حماس په مالي فعالیتونو کې لاس لري.