د فرانسې ښۍ اړخې سیاستواله په ټاکنو کې له ګډون منع شوه

د راپور له مخې، د تاوتریخوالي‌ په دغو پېښو کې د عامو وګړو او پاکستاني پوځیانو پرتله د وسله‌والو د وژل کېدو شمېر تر نورو ډېر دی.

دا لومړی ځل دی چې په تېرو ۱۲ کلونو کې د پاکستاني امنیتي ځواکونو او ملکي وګړو مرګ ‌ژوبله د د وسله‌والو پرتله کمه ثبت شوې ده.

د دې مرکز د راپور پر بنسټ، په یادو درېیو میاشتو کې ۳۵۴ امنیتي پېښې چې ترهګریز بریدونه هم پکې شامل دي، له امله یې ټول ۱۴۳۹ کسانو ته مرګ ژوبله اوښتې ده.

د ۲۰۲۴ کال د ورته مودې د تلفاتو شمېر بیا ۱۰۲۸ تنه وو.

په راپور کې راغلي، چې په دې موده کې ۴۹۵ وسله‌وال او ۴۰۲ امنیتي سرتېري او ملکي وګړي وژل شوي، چې د امنیتي ځواکونو او عامو خلکو تلفاتو شمېر د وسله‌والو پرتله نولس سلنه کم دی.

دغه راز د تاوتریخوالي کچه د تېر کال د همدې مودې پرتله ۱۳ سلنه کمه شوې؛ خو ۹۸ سلنه خونړۍ پېښې یوازې د خیبر پښتونخوا او بلوچستان په نا امنو سیمو کې رامنځته شوې دي.

د پاکستان د امنیتي مطالعاتو مرکز خبرداری ورکړی، که دغه لړۍ همداسې دوام ومومي؛ نو د کال تر پایه به د تاوتریخوالي د قربانیانو شمېر له ۳۶۰۰ کسانو واوړي چې ۲۰۲۵ کال به د پاکستان لپاره یو له تر ټولو خونړیو کلونو څخه وګرځي.

په خېبر پښتونخوا کې د «ټي‌ټي‌پي» وسله‌والو او په بلوچستان کې د بلوڅ بېلتون پاله ډلې بریدونو خورا زور اخیستی دی.

دغو وسله‌والې ډلې هره ورځ په بېلابېلو سیمو کې له پاکستاني پوځیانو سره نښتې وي.

په خېبر پښتونخوا کې سیاست‌والو نیوکې کړې، چې د پاکستان د بې غورۍ او نه پاملرنې له کبله په یاد ایالت کې نا امنیو زور اخیستی دی.

پاکستان بیا نیوکه کوي‌، چې په دغه هېواد کې کېدونکي وسله‌وال بریدونه د طالبانو تر سیورې لاندې په افغانستان کې پلانېږي او په دې تړاو شواهد هم لري.

ویل کېږي، کابل ته د پاکستان د ځانګړي استازي به سفر کې نوموړي له طالبانو سره د «ټي‌ټي‌پي» د هغو مرکزونو په تړاو هم معلومات شریک کړي چې د افغانستان دننه جوړ شوي دي.

د متحده ایالتونو ولسمشر زیاته کړې:« هغه ځان د کانونو له قراردادونو باسي؛ که دا کار یې وکړ نو له ډېرو لویو ستونزو سره به مخ شي».

ټرمپ همدا راز وویل:« هغه غواړي، چې اوکراین د ناټو غړی هېواد کړي؛ خو هېڅکله به دا کار ونشي او خپله زېلنسکي هم په دې خبره ښه پوهېږي».

په سپینه ماڼۍ کې د امریکا ولسمشر ډونالډ ټرمپ او زېلنسکي ترمنځ وروستۍ لیدنه په یوه ناندره‌ییز بحث بدله شوه، چې په پای کې یې د اوکراین ولسمشر خپه له ماڼۍ ووت.

ټرمپ پر هغه فشار راوړ، چې له روسیې سره سوله وکړي؛ خو زېلنسکي ټینګار کاوه چې پرته له شرطونو له روسیې سره د سولې تړون نشي کولای.

د اوکراین او متحده ایالتونو د ولسمشرانو ترمنځ دغه لانجو ګونجو نړۍوال غبرګونونه هم راوپارول.

د امریکا په سیاستونو نیوکه وشوه، چې ګنې خپلو متحدانو ته یې شا کړې او له همدې کبله د امریکا نړۍوال باور ته هم زیان رسېدلی دی.

اروپایانو د ټرمپ له لوري د زېلنسکي سره شوی چلند په خورا لویه کچه وغانده او دا یې د امریکا له متحدینو سره جفا وبلله.

دغه راپور په داسې حال کې خپرېږي، چې له دې وړاندې د متحده ایالاتو ولسمشر ګواښ کړی و چې د موافقې نه کولو په صورت کې به په ایران برید وکړي.

امریکا غواړي، چې له ایران څخه د اټومي پروګرامونو په اړه د ډاډ ترلاسه کولو لپاره مستقیمې خبرې وکړي.

د امریکا ولسمشر ډونالډ ټرمپ له اېن بي سي نیوز شبکې سره په یوه مرکه کې خبرداری ورکړی، چې که ایران د خپل اټومي پروګرام په اړه موافقه ونه کړي نو بمبار به شي.

د امریکا ولسمشر وویل، دا بمباري به داسې وي چې دوی به مخکې هېڅکله نه وي لیدلي.

د دې مرکې په یوه برخه کې ټرمپ یادونه وکړه، چې هغه له تهران سره د مقابلې لپاره د دویمې تعرفې په انتخاب هم غور کوي.

تر دې وړاندې ولسمشر ډونالډ ټرمپ د ایران رهبر ته لیک استولی، خو د دغه لیک جزیات نه دي خپاره شوي.

یاده دې وي، چې د دغه لیک په اړه د ایران ولسمشر مسعود پزشکیان ویلي، چې علي خامنه يي د ډونالډ ټرمپ د لیک په ځواب کې ویلي، چې له متحده ایالاتو سره د "غیر مستقیم" خبرو اترو لاره خلاصه ده.

د راپورونو له مخې، حماس کابو شپږ کسان د اعتراضونو تنظیموونکي اعدام کړي دي.
په راپورونو کې همداراز زیاته شوې ده، چې د غزې یو اوسېدونکی وروسته له څلورو ساعتونو شکنجې خپلې کورنۍ ته وسپارل شو، خو لږ وروسته مړ شو.
دا په داسې حال کې ده، چې نور تښتول شوي معترضان لا هم لادرکه دي.
دغه راپورونه په داسې حال کې خپرېږي، چې سلګونه فلسطینیان د غزې په څو سیمو کې سره راټول شوي و او د حماس پرضد یې شعارونه ورکول.
دغه لاریونونه تر هغه یوه ورځ وروسته وشول، چې د اسلامي جهاد له خوا د اسراییل پر لوري راکټي بریدونه وشول او اسراییل پرېکړه وکړه، چې د بیت لاهیا سیمه خلک پرېږدي.
اخوا، په اسراییل کې د المان سفیر په خپل اېکس کې د یوه وژل شوي معترض د انځور په بیا خپرولو سره لیکلي: «دا د حماس ماهیت او اصلیت دی.»

دغه راپورونه په داسې حال کې خپرېږي، چې د حماس د سیاسي دفتر مشر خلیل الحیه د شنبې په ورځ اعلان وکړ، چې په غزه کې یې د اوربند په اړه وړاندیز منلی دی.

نوموړي وویل، حماس د دوو منځګړو مصر او قطر هېوادونو له خوا په غزه کې د اوربند وړاندیز ته مثبت ځواب ورکړی دی.

خو د سړکونو، د اورګاډو پټلیو او هوايي ډګرونو د ویجاړیدو له امله لا هم ډیرو سیمو ته مرستې نه دي رسیدلې.

د میانمار حکومت د یک شنبې په ورځ رویټرز خبرې اژانس ته ویلي، چې د زلزلې له امله د مړو شمېر ۱۷۰۰ ته رسیدلی ۳۴۰۰ ټپیان او ۳۰۰ لا هم ورک دي.

د میانمار د نظامي شورا مشر جنرال مین اونګ هلاینګ ویلي، چې حکومت له یو سخت حالت سره مخ دی او ښايي د مړو شمېر نور هم لوړ شي.

میانمار درې ورځې وړاندې د مرستو غوښتنه کړې وه او تر اوسه د هند، چین، ټاییلنډ، مالیزیا، سینګاپور او روسیې دغه هېواد ته بشري مرستې او ژغورونکې ډلې لیږلې دي.

جنرال مین اونګ هلاینګ وايي:«ډیر ویجاړی شوی او د بشري مرستو اړتیاوې هره شیبه زیاتیږي.»

د میانمار ۵۵ میلیوني هېواد د پلونو، سړکونو، هوايي ډګرونو او پټلیو ډیرې مهمې زیربناوې د یادې زلزلې له امله ویجاړې شوې دي.

د میانمار د نظامي شورا مشر جنرال مین اونګ هلاینګ وایي:«موږ باید اورګاډي بېرته فعالې کړو او هوايي ډګرونه خلاص کړو ترڅو د ژغورنې عملیات اغیزناک شي.»

100%

پر همدغه مهال د سور صلیب نړیوال فدراسیون په یوه بیان کې ویلي:« د هوا تودوخه زیاته شوې او د مون سون بارانونه رانږدې دي، نو اړینه ده چې زیانمن شوي خلک ژر تر ژره باثباته کړای شي تر څو نور بحرانونه رامنځته نه شي.»

پر همدغه مهال د امریکا د جیولوژیکي خدماتو ادارې اټکل کړی، چې په میانمار کې د زلزلې له امله د مړو شمېر ښايي لس زرو ته ورسیږي.

په میانمار کې د جمعې په ورځ د ریشتر په کچه ۷،۷ درجې زلزله وشوه چې د دغه هېواد ترڅنګ یې په ټایلنډ کې هم خلکو ته زیاتونه اړولي دي.