د افغانستان د ۱۹ کلنو کرېکټ لوبډلې د نیپال پر وړاندې د لوبې پچه وګټله او توپ‌وهنه کوي

دغه تمرینات په متحده عربي اماراتو کې پیل شوي، چې نږدې یوه اوونۍ به دوام وکړي.

د افغانستان کرېکټ بورډ په خپلې فېسبوک پاڼې لیکلي، چې د مهالوېش له مخې به افغان لوبډله د راتلونکې دوشنبې په ورځ د ایرلنډ الف لوبډلې پر وړاندې په یوازېنۍ څلور ورځینۍ لوبه کې د سیالۍ ډګر ته ښکته شي.

افغان ابدالیان کرېکټ لوبډله د ایرلنډ او سریلانکا پر وړاندې په درې اړخیزې لوبلړۍ کې د ګډون په موخه تېره شپه متحده عربي امارتو ته رسېدلې او تمرینات کوي.

دا په داسې حال کې ده، چې تېره ورځ د افغانستان د ۱۹ کلنو کرېکټ ملي لوبډله نیپال ته ولاړه، څو د کوربه هېواد د ۱۹ لکنې لوبډلې پروړاندې درې یو ورځینۍ سیالۍ ترسره کړي.

د نیوزیلنډ په مکلېن پارک لوبغالې کې نن د لوبې پچه د پاکستان لوبډلې وګټله او د توپ اچونې پرېکړه یې وکړه.

د نیوزیلند لوبډلې د پوره پنځوس اورونو په لوبلو سره د ۹ ویکټو په زیان ۳۴۴ منډې جوړې او پاکستان ته ۳۴۵ منډو هدف ورکړ.

د نیوزیلنډ په ګټه په توپ وهنه کې مارک چپمن ۱۳۲، داریل میچل ۷۶ او محمد عباس ۵۲ منډې جوړې کړې.

د پاکستان په ګټه په توپ اچونه کې عرفان خان نیازي ۳، حارث روف او اکیف جاوید ۲ـ۲ ویکیټې واخیستې.

د لوبې په دوهمه پاڼۍ کې د پاکستان ټوله لوبډله د لوبې په ۴۴،۱ اورونو کې د ۲۷۱ منډو له جوړیدو وروسته وسوځیده او لوبه یې وبایلله.

په توپ وهنه کې د پاکستان په ګټه بابر اعظم ۷۸، سلمان علي اغا ۵۵ او عثمان خان ۳۹ منډو سره تر نورو ډيرې منډې جوړې کړي.

په توپ اچونه کې د نیوزیلنډ په ګټه نتان سمېت ۴، جیکوب دافي ۲ او ویل اوروک ۱ ویکېټه واخیستل.

د نیوزیلنډ او پاکستان ترمنځ د یو ورځنیو لوبلړۍ دوهمه لوبه د چهار شنبې په ورځ کیږي.

د ای پي ایل اتمه لوبه نن د چینای سوپرکینګز او رویالز چلینجر بنګلور تر منځ د چینای په چپاک لوبغالې کې ترسره کیږي.

د لوبې پچه چینای سوپر کینګز ګټلې او د سیالې لوبډلې په وړاندې یې د توپ وهنې پرېکړه کړې ده.

رویالز چلینجر بنګلور لوبډلې د ۷ ویکټو په زیان په شلو اورونو کې ۱۹۶ منډي جوړې کړې دي.

دغو دواړو لوبډلو خپلې لومړنۍ لوبې ګټلې او دوه دوه نمري لري.

د چای په لوبډله کې افغان لوبغاړی نور احمد لګڼوال هم لوبیږي.

نور احمد د خپلې تیرې لوبې په څیر نن هم ښه توپ اچونه وکړه او د بنلګور لوبډلې د بهترینو توپ وهونکو ویراټ کهولي، فهیل سالټ او ویلنګسټون ویکټې یې واخیستي.

نور احمد لکڼوال څو ورځې وړاندې هم په خپله لومړی لوبه کې څلور ویکټي اخیستې وي.

دمګړۍ نور احمد د ای پي ایل لیګ تر ټولو مخکښ ویکټه اخیستونکی دی او په دوو لوبو کې یې ۷ ویکټې اخیستې دي.

سکای سپورټ د پنج شنبې په ورځ راپور ورکړی، چې د برېټانیا د نارینه وو کرېکټ لوبډلې په جلا وطنۍ کې د افغانستان د ښځینه وو کرېکټ لوبډلې د ملاتړ په موخه ۲۰ زره پونډه مالي مرسته کړې ده.

دغه پیسې د برېټانیا د لوبغاړو د ملګرتیا صندوق له لارې د ماریلبون کرېکت کلب د کډوالو لپاره د نړیوال کرېکت د مرستو صندوق ته ورکړل شوې دي.

د کډوالو لپاره د نړیوال کرېکت د مرستو صندوق د نړۍ په کچه له کډوالو سره د مرستې لپاره جوړ شوی چې موخه یې د یو میلیون پونډو راټولول دي.

د دغه صندوق د مرستو لومړنۍ تمرکز د افغانستان د ښځو کرېکټ لوبډلې لپاره د مرستو راټولول دي.

په افغانستان د طالبانو له واکمنېدو سره د ښځو ورزش باندې بندیز ولګید او ګڼې ښځینه لوبغاړې نورو هېوادونو ته کډوالې شوي.

د اتلانو جام سیالیو پرمهال د برېټانیا پر لوبډله خورا ډیر سیاسي فشارونه وو، چې له افغانستان سره لوبه تحریم کړي، خو د ویلز کرېکټ بورډ دا پرېکړه رد کړه او پر ځای یې د نړیوالې ګډې حللارې لپاره ډیپلوماټیکې هڅې وکړې.

د مسلکي کرکټرانو د ټولنې رییس ډارېل مچل وايي:« کله چې ما د چمپينز ټرافي پر مهال د برېټانیا له لوبډلې سره په پاکستان کې وخت تېر کړ، نو روښانه شوه، چې لوبغاړي د کډوالو د نړیوال کرېکت صندوق ملاتړ کوي. مرستندویه بنسټ باید د دې نوښت لپاره وستایل شي او زه باور لرم چې د لوبغاړو مرسته به د هغو کسانو په ژوند کې بدلون راولي چې د بې ځایه کېدو له امله اغیزمن شوي.»

د نیوزیلنډ او پاکستان کرېکټ لوبډلو ترمنځ د پنځمې شل اوره لوبې پچه کوربه نیوزیلنډ وګټله او لومړۍ يې د ډګر ساتنې او توپ اچونې پرېکړه وکړه.

پاکستان کرېکټ ملي لوبډلې په شل اورونو کې د ۹ لوبغاړو په سوځېدو ۱۲۹ مندې هدف وټاکه.

نیوزيلنډ لوبډلې دغه هدف د دوو لوبغاړو په سوځېدو په لسم اور کې پوره کړ او پاکستان لوبډلې ته يې د ۸ ويکټو په توپير ماته ورکړه.

نیوزيلنډ په لومړۍ لوبه کې پاکستان ته په ۹ ويکټو، په دویمه کې په ۵ ويکټو، په څلورمه کې په ۱۱۵ منډو په توپير او په پنځمه لوبه کې په ۸ ويکټو ماتې ورکړې خو پاکسان د دې لوبلړۍ درېیمه سیالې د ۹ ویکټو په توپير ګټلې وه.

پاکستان او نیوزیلنډ د دريو یو ورځنيو سیاليو لوبلړۍ هم لري، چې لومړۍ لوبه به يې د مارچ مياشتې په ۲۹ مه نېټه تر سره شي.