د امریکا د بهرنیو چارو وزارت: له افغانستان سره مرستې ځکه بندې شوې چې طالبانو ګټه اخیسته

د خېبر پښتونخوا د کورنيو او قبایلي چارو وزارت د سې شنبې په ورځ په يوه خبرپاڼه کې ویلي، چې ۵۰۲ کډوال یې له راولپڼډۍ، ۳۷۲ تنه یې له خوشاب، ۲۱۸ تنه یې له اټک ، ۱۵۰ تنه له سیالکوټ، ۷۵ تنه له چکوال، ۴۸ تنه له منډيي بهاوالدین، ۱۹ تنه له شیخوپورې، ۱۷ تنه د پېښور له مرکزي زندان او نورو سیمو څخه اېستلي دي.

د پاکستاني چارواکو په وینا، دا اقدام د غیر قانوني بهرنیانو د اېستلو په تړاو د فدرالي حکومت له پرېکړې سره سم کړی.

پاکستاني چارواکو زياته کړې، چې په دغه هېواد کې د غير قانوني کډوالو د نیولو او ایستلو لړۍ لا هم دوام لري.

چارواکو یو ځل بیا له کډوالو غوښتي، چې په خپله خوښه له دغه هېواده ووځي، که نه په جبري توګه به ونیول شي او وبه ایستل شي.

د دوشنبې په ورځ هم پاکستاني چارواکو خبر ورکړی، چې دوی له ۵ زرو زیات کډوال شړلي دي.

له تېرو څو میاشتو راهیسې په پاکستان کې د پولیسو له لوري د افغان کډوالو پر وړاندې سخت اقدامات ترسره شوي دي.

د دوی په کورونو چاپې اچول کېږي او کور په کور د افغانانو تالاشۍ روانې دي.

ملګرو ملتونو او نورو نړیوالو سازمانونو د پاکستان دغه اقدام په سختو ټکو غندلی او دا یې انساني ناورین بللی دی.

د طالبانو پوهنې وزارت د سې شنبې په ورځ په یوه خبرپاڼه کې له خلکو او سوداګرو غوښتي، چې د ښوونيزو ادارو او مرکزونو په ترمیم او جوړولو کې له دوی سره لا همکاري وکړي.

د طالبانو د پوهنې وزارت د ملکیتونو د ساتنې او مراقبت مشر سمیع الحق حماس وايي، چې دغه ترمیم شوي ښوونيزې ادارې او مرکزونه په ټول افغانستان کې دي.

په افغانستان کې واک ته د طالبانو له رسېدو را وروسته دې ډلې تر ډېره د ښوونځيو پر ځای د مدرسو جوړولو ته مخه کړې او پرله پسې يې هڅه کړې، چې د مدرسو نصاب او سیسټم په ټوله ښوونيزه برخه کې عملي کړي.

د ځایي ادارې د معلوماتو له مخې، شاوخوا ۱،۰۱۷افغانې کورنۍ دا مهال په «غیر قانوني» ډول په لنډي کوتل کې مېشتې دي.

د لنډي کوتل مرستیال کمېشنر عدنان ممتاز ویلي هغه افغانان چې د افغان تابعیت کارډ (ACC) لري یا هیڅ قانوني اسناد نه لري، باید د تورخم له لارې افغانستان ته ستانه شي او که دا کار ونه کړي پرضد به یې قانوني ګامونه واخېستل شي.

نوموړي زیاته کړې چې تر دې دمه یوازې دوې کورنۍ، یوه له لنډي کوتل او بله له باړې نه، په خپله خوښه له ټاکل شوې نېټې (۳۱ مارچ ۲۰۲۵) وروسته بېرته افغانستان ته تللې دي.

د نېشن ورځپاڼې د رپوټ له مخې، د « ناقانونه افغان کډوالو» د ایستلو لړۍ د تورخم له لارې روانه ده او تر اوسه ۳،۰۵۳ افغانان بېرته خپل هېواد ته ستانه شوي دي.

یوه پاکستاني سرحدي امنیتي چارواکي ویلي، هغه موټر چې د افغانانو د کورنیو سامانونه یې وړل او د لنډمهاله داخلې سندونه یې نه درلودل، تورخم ته نه‌دي پرېښودل شوي. ددوی توکي په لاس‌ګاډو کې د تورخم له پورې خوا نه بلې خوا ته لېږدول شوي دي.

افغان کډوال پر پاکستاني امنیتي ادارو تور لګوي، چې د کور توکي نه ورپریږدي چې افغانستان ته یې له ځان سره ولیږدوي.

امرالله صالح نن د وري پر ۱۹مه په خپله اېکسپاڼه کې لیکلي چې امریکا مرستې له هغو رسنیو سره بندې کړې چې د طالبانو تر واک لاندې فعالیت کوي.

امرالله صالح لیکلي:«د طالبانو تر واک لاندې رسنیو د دوحې له کودتا وروسته د هبت الله او د هغه د ملېشو کاذبې څېرو د سپینوالي پرته بل کار نه درلود.»

صالح ویلي چې په تېرو دریو کلونو کې د واشنګټن د «پټو او ناپاکو مرستو» له احتمالي بندېدو خوښ دی، چې یوازې د طالبانو د ناروا او ملي ضد واکمنۍ د ټینګیدو لامل شوې دي.

دغه پخوانی افغان چارواکی چې اوس مهال له هېواده بهر دی وايي، د اقتصادي بندیزونو ترڅنګ د طالبانو نور انزوا کول به د دې رژیم پرځول اسانه کړي، چې د افغانستان له ټولو کلتوري او معنوي ارزښتونو سره دښمني لري.

امرالله صالح د رسنیو په اړه داسې مهال دا څرګندونې کوي، چې تېره ورځ سرچینو افغانستان انټرنشنل ته وویل چې موبي رسنیز ګروپ چې طلوع ټلوېزون یې یوه برخه ده، لسګونه کارکوونکي له دندو ګوښه کړي دي.

یوې سرچینې وویل، د موبي میډیا ګروپ ۲۵ تنه له طلوع نیوز او ۲۵ نور د ادارې له نورو برخو ګوښه کړي، چې ور سره «د طلوع نیوز ډېری خپرونې هم بندې شوې.»

ځینو سرچینو د بودجې کمښت او د موبي ګروپ د کارکوونکو ګوښه کول د متحده ایالاتو د بهرنیو مرستو له کمولو سره تړلي وبلل.

موبي میډیا ګروپ له خپل تاسیس راهیسې د امریکا متحده ایالاتو پراخ مالي ملاتړ درلود او اوس د متحده ایالاتو د بهرنیو مرستو په بندیدو سره د دې ادارې مالي ملاتړ هم اغیزمن شوی.

افغانستان انټرنشنل د دې خبر په اړه د غبرګون ترلاسه کولو لپاره د موبي ګروپ له څښتن سعد محسني سره اړیکه ونیوله، خو محسني تر اوسه په دې اړه خپل نظر نه دی څرګند کړی.

دې شورا په یوه خبرپاڼه کې زیاته کړې، چې غړو یې د سیاسي ګوندونو او مدني ټولنو د مشرانو پر نوي نوملړ بحث کړی، چې په دې شورا کې د ګډون لپاره یې لېوالتیا ښودلې ده.

د شورا په خبرپاڼه کې راغلي، چې داودزي او د افغانستان د ملي نجات شورا د دارالانشا سرپرست ته دنده سپارل شوې، چې د شورا پر اوسني جوړښت بیا کتنه وکړي، چې د نوې کمېټې د جوړېدو وړاندیز یې یوه برخه ده.

د افغانستان د ژغورنې ملي شورا له جهادي مشرانو، پخوانیو حکومتي چارواکو او د افغانستان د ځینو مخکښو سیاسي ګوندونو له مشرانو جوړه ده.

دا شورا وروسته له هغه په ​​بهر کې جوړه شوه، چې طالبانو د افغانستان واک تر لاسه کړ او غړي یې ټول له افغانستان نه بهر دي.

مارشال عبدالرشید دوستم، عطا محمد نور، محمد محقق، عبدالرب رسول سیاف او سرور دانش د شورا لوړ پوړي غړي دي.

دې شورا په خپله خبرپاڼه کې ویلي چې د افغانستان د خلکو د ښې راتلونکې لپاره خپل ماموریت ته ژمن دي او په هېواد کې د یوه حساب ورکوونکي حکومت د رامنځته کولو په لټه کې ده.