په برېتانیا کې له ۷۰ کلونو وروسته د نیتازین نومې خطرناکې نشه‌يي مادې استعمال زیات شوی

ټرمپ په ټروټ شبکه کې د یمن د حوثيانو غورځنګ د یوه غړي د په نښه کولو یوه ویډیو خپره کړې او ورسره لیکلي یې دي: "دا د ترهګرو لپاره وخت دی چې پټ شي، مګر دا به دوی سره مرسته ونه کړي."

هغه زیاته کړه: "زموږ نظامي ځواکونه، چې په تاریخ کې تر ټولو لوی ځواک دی، دوی به پیدا او ژر تر ژره به یې عدالت ته وسپاري."

ټرمپ دا خبرداری هم ورکړی، چې حوثيان هڅه کوي سومالیا ته نفوذ وکړي او د دې چارې باید مخنیوی وشي.

په دې وروستیو ورځو کې د امریکا پوځ په یمن کې د حوثيانو پر ضد چې د ایران ملاتړ ورسره دی، خپل عملیات ګړندي دي.

دا په داسې حال کې ده، چې یمن حوثيانو د یکشنبې په ماښام په صنعا کې د امریکا په بریدونو کې د پنځو تنو د وژل کېدو خبر ورکړ.

د حوثیانو ویاند همداراز اعلان وکړ، چې دغې ډلې په حجه ولایت کې د امریکا یوه بې پیلوټه الوتکه په نښه کړې ده.

د چین د سوداګرۍ وزارت د یکشنبې په ورځ له امریکا څخه وغوښتل، چې د ټرمپ د ادارې له‌خوا وضع شوې متقابلي تعرفې په بشپړه توګه لرې کړي.

د چین دا غوښتنه داسې مهال ده، چې د امریکا د ګمرکاتو ادارې شل ډوله توکي چې لېپټاپ کمپیوټرونه، د معلوماتو ذخیره کولو او د معلوماتو د پروسس وسایل پکې شامل دي، د معافیت وړ اعلان کړل.

د چین د سوداګرۍ وزارت ویاند د یک شنبې په ورځ وویل:«موږ له امریکا غواړو چې خپلې تېروتنې اصلاح کړي، د «متقابلو تعرفو ناسم عمل په بشپړه توګه لغو کړي او د متقابل درناوي پر سمه لاره راستانه شي.»

د راپورونو له مخې، د ټرمپ ادارې پر چینایي وارداتو تعرفې تر ۱۴۵٪ پورې لوړې کړي، چې د چین له‌خوا یې د ۱۲۵٪ متقابلو تعرفو سره غبرګون وښودل شو.

د چین د سوداګرۍ وزارت ویلي، چې د امریکا له‌خوا ورکړل شوي معافیتونه "یو کوچنی ګام" دی او چین د دغې پرېکړې اغېز ارزوي.

چین د امریکا له خوا د تعرفو لوړولو اقدامات د یو اړخیزو فشارونو په توګه ګڼي او ټینګار کوي چې د سوداګرۍ اړیکې باید د متقابل درناوي او همکارۍ پر بنسټ ولاړې وي. ​

د دواړو هېوادونو ترمنځ دا تعرفوي شخړه د نړیوالو بازارونو لپاره د اندېښنې وړ ده، ځکه دا کولی شي د نړیوالې سوداګرۍ پر بهیر او اقتصادي ودې منفي اغېز وکړي.​

د اوکراین ولسمشر ولادیمیر زیلېنسکي دا برید وغنده او ویې ویل، دا د عادي خلکو قصدي وژنه ده.

هغه په ټولنیزو رسنیو کې ولیکل: «یوازې کمزوري او بې رحمه خلک کولی شي داسې وکړي. د عادي خلکو ژوند اخیستل ».

د اوکراین د کورنیو چارو وزیر کلیمنکو وویل، قربانیان په سړک، موټرو، عامه ترانسپورت او ودانیو کې وو. هغه زیاته کړه، دا برید پر ملکیانو قصدي و، او په یوه مذهبي ورځ ترسره شو.

د اوکراین د ولسمشر دفتر رییس اندري یرماک وویل چې د روسیې له لوري کارول شويو توغنديو کلسټر بمونه درلودل. هغه زیاتوي، « روسیه دا کار د دې لپاره کوي چې ډېر ملکیان ووژني».

د اوکراین د معلوماتو ضد مرکز مشر اندري کووالینکو ویلي، چې دا برید څو ورځې وروسته له هغه وشو چې د امریکا ځانګړي استازي سټیو وټکوف له روسي ولسمشر پوتین سره د سولې خبرو لپاره په مسکو کې ولیدل.

کووالینکو وویل، « روسیه د دې خبرې ادعا کوي چې ګواکي ډیپلوماسي کوي، خو بل لور ته پر ملکیانو بریدونه کوي».

زیلېنسکي یو ځل بیا له امریکا او اروپا وغوښتل چې پر روسیه فشار زیات کړي.

هغه وویل: « روسیه داسې ترهګري غواړي او دا جګړه اوږدوي. پرته له فشاره سوله ناشونې ده. خبرو اترو هېڅکله توغندي او بمونه نه دي درولي».

روسیې لا تر اوسه د دې برید په اړه څه نه دي ویلي.

د رویټرز د رپوټ له مخې، روسیې د ۲۰۲۲ کال له فبرورۍ راهیسې پر اوکراین پراخ برید پیل کړی او دا مهال یې د یاد هېواد ۲۰ سلنه خاوره لاندې کړې ده. که څه هم جګړه د ختیز په جبهه کې روانه ده، خو توغندي او ډرون بریدونه اوس د جګړې اصلي بڼه غوره کړې ده.

دا برید همداراز په داسې وخت کې شوی چې دواړو خواوو د امریکايي منځګړیتوب له مخې د یوه او بل د انرژۍ پر تاسیساتو د بریدونو بندولو ژمنه کړې، خو دواړه یو بل پر سرغړونو تورنوي.

په سومي ښار کې د دغه برید انځورونه په ټولنیزو رسنیو کې خپاره شوي، چې سوځېدلي موټرونه، ویجاړ شوی بس او د ښار پر سړکونو پراته مړي پکې ښکاري.

هندي چارواکو منلې، د یوه ماشوم په ګډون درې کسان وروسته له هغه وژل شوي چې لاریونونه په تاوتریخوالي واوښتل.

همدا راز چارواکو زیاته کړې، چې د دغه تاوتریخوالي په پایله کې د دوی د پولیسو ۱۵سرتېري هم ټپیان شوي دي.

پولیسو ویلي، چې د لاریونونو پر مهال د تاوتریخوالي له امله یې تر ۱۵۰ډېر کسان نیولي هم دي.

د لوېدیځ بنګال د پولیسو مشر راجیف کومار لاریونوال د عامه ملکیتونو او مساپر وړونکو بسونو په ویجاړولو او سوځولو تورن کړي دي.

هغه دا هم ويلي، چې پوليس ډزو کولو ته اړ شوي وو، چې له امله يې دوه تنه نور ټپيان شوي.

ویل کېږي، چې پولیسو د لاریونوالو د خورولو لپاره اوښکې بهوونکی ګاز هم کارولی دی.

د ټایمز اف انډیا په وینا، د مرشد اباد په ځینو برخو کې لاهم ترافیک منع شوي او انټرنېټي خدمات بند دي.

په لویدیځ بنګال کې لاریونونه د روانې میاشتې په پیل کې هغه مهال پیل شول، کله چې د هند پارلمان له تودو بحثونو وروسته د مسلم وقف ملکیتونو په قانون کې جنجالي تعدیل تصویب کړ.

په هند کې "وقف" د مسلمانو ټولنو ملکیتونو او شتمنیو ته اشاره کوي، چې د هیڅ فرد ملکیت نه وي او د "وقف قانون" له مخې د مسلمانانو له‌خوا اداره کېږي.

دغه ملکیتونه او شتمنۍ د دوی د څښتنانو له‌خوا په خیریه او عامه چارو کې د دایمي کارونې لپاره ورکړل شوي دي.

ټرمپ زیاته کړه:« تر څو چې پایلې نه وي ترلاسه شوې، هیڅ شی مهم نه دی. نو ځکه نه غواړم ډېر څه ووایم؛ خو وضعیت بد نه دی، زما په اند د ایران حالت هم یو څه ښه روان دی».

تر دې وړاندې سپینې ماڼۍ په یوې خبرپاڼه کې ویلي و، چې د امریکا د ولسمشر ځانګړي استازي سټیف ویټکاف او د ایران د بهرنیو چارو وزیر عباس عراقچي ترمنځ نېغ ‌په‌ نېغه اړیکې د « دواړو هېوادونو لپاره د ګټور تړون پر لور یو مهم ګام بلل شوی دی».

د ایران د بهرنیو چارو وزیر هم ویلي، چی دغه خبرې په «مثبت او د متقابل درناوي په فضا» کې ترسره شوې دي؛ خو دا یې هم زیاته کړې چی دا خبرې «غیرمستقیمې» وې.

له خبرو وروسته عباس عراقچي چې د ایران د مرکچي پلاوي مشري کوي، وویل چې د مذاکراتو دویم پړاو به د راتلونکې شنبې په ورځ ترسره شي.

وېتکاف هم دا ومنله او ویې ویل، چې دویم پړاو به (د وري میاشتې پر ۳۰مه نېټه) ترسره شي.

د ایران او امریکا ترمنځ د خبرو لومړی پړاو د عمان هېواد په منځګړیتوب په پلازمېنه مسقط کې ترسره شوی دی.

د عمان د بهرنیو چارو وزیر بدر بن حمد البوسعیدي دغه خبرې «دوستانه او رغوونکې» وبللې او ویلي یې دي، چې دغه خبرې د دواړو خواوو د نظرونو د نږدې کولو لپاره ترسره شوې دي.

د نوموړې په خبره، عمان دغه منځګړیتوب د دې لپاره کړی چی دواړه لوري یو «عادلانه او پابند تړون» ته سره ورسي.

البوسعیدي دا هم لیکلي، چې «موږ به خپلو هڅو ته دوام ورکړو؛ تر څو سولې او ټیکاو ته لاره هواره کړو.»