د طالبانو ویاند مرستیال حمدالله فطرت د پاکستان د لومړي وزیر شهبازشریف د وروستیو څرګندونو په غبرګون کې ویلي، چې افغانستان د پاکستان د امنیتي ستونزو مسوول نه دی. تر دې وړاندې شبهباز شریف ویلي و، چې له افغانستان څخه ځینې وسله والې ډلې پاکستان نا امنه کوي.
تردې وړاندې وړمه ورځ شهباز شریف په لندن کې له رسنیو سره د خبرو پرمهال ویلي و، چې افغانستان ته یې «مخلصانه مشوره» دا ده، چې ژر تر ژره دې جنګیالۍ ډلې کنټرول کړي او خپله خاوره دې د بل چا په خلاف د کارونې لپاره د وسلهوالو په واک کې نه ورکوي.نوموړي ادعا کړې وه، چې تحریک طالبان پاکستان، داعش خراسان او نورې ترهګرې ډلې له افغانستان نه په پاکستان کې بریدونه پلانوي.خو د طالبانو ویاند مرستیال حمدالله فطرت بیا د نوموړي دغه څرګندونو ته غبرګون ښودلی.د طالبانو ترکنټرول لاندې باختر اژانس د ښاغلي فطرت له حوالې لیکلي، چې د پاکستان امنیتي مسایل د اسلام اباد کورنۍ ستونزې دي او باید د پړې ګوته افغانستان ته ونه نیول شي.د دغې ډلې د سرحدونو، قومونو او قبایلو چارو وزیر نورالله نوري هم تازه د کوم چا نوم د نه اخیستلو پرته ویلي، چې دغه ډله د افغانستان په ټوله خاوره بشپړ حاکمیت لري او د هېواد یوه ډبره هم د بل چا په واک کې نهده.پاکستان په وار، وار له طالبانو سره ورته اندېښه شریکه کړې او ادعا کوي، چې په دې اړه بشپړ اسناد هم په لاس کې لري.خو طالبانو بیا هر وار د پاکستان دعه ډول ادعاوې رد کړې دي.له بل پلوه پاکستان له طالبانو سره په لوړه کچه د خبرو له پیلولو خبر ورکړی.د پاکستان د مشرانو جرګې د بهرنیو اړیکو کمیټې مشر عرفان صدیقي ویلي، چې د پاکستان او افغانستان ترمنځ اړیکې په تدریج سره بېرته ښې کېږي.
د دغه سازمان لهخوا په خپاره شوي راپور کې د سلما په نوم د یوې افغان کډوالې کیسه هم راغلې.
سلما د ننګرهار ولایت ده؛ خو له ۱۵ کلونو راهیسې یې له خپلې کورنۍ سره په پاکستان کې ژوند کاوه.
هغه د هغو کسانو په ډله کې وه، چې د پاکستان لهخوا د افغانانو د جبري بېرته ستنولو پرمهال افغانستان ته ستنه کړل شوه.
د سلما لپاره له پاکستان نه د اېستلو مسله د حیرانتیا خبره وه او هغې دا تمه نه لرله، چې هغه به افغانستان ته د بېرته ستنېدو سره سم یو نوی ژوند وزېږوي.
سلما د ۳۸ اونیو مېندواره وه، کله چې هغې له پاکستان څخه د افغانستان خواته روان شول.
سلما وایي: «دا زما لپاره یو ستونزمن سفر و؛ ځکه چې زه د ۳۸ اونیو مېندواره وم.»
هغې وویل: «ما وېره لرله او نه پوهېدم، چې څه وکړم؛ خو له نېکه مرغه روغتیایي کارکوونکي د طبي مرستو چمتو کولو لپاره راغلل. دوی زه د تورخم صفري نقطې کې د ملګرو ملتونو لهخوا ملاتړ شوي روغتیایي مرکز ته یوړم.»
په دغه روغتیایي مرکز کې روغتیاپاله صدیقه وایي، که څه هم د سلما خپل وضعیت ښه نه و؛ خو هغه مهال نوموړې تر ځان ډېره د خپلې کورنۍ د هغو غړو په اړه اندېښمنه وه، چې په پاکستان کې پاتې دي.
د ملګرو ملتونو د وګړو صندوق وایي، چې د خپلو شریکانو سره او د انګلستان د حکومت په ملاتړ چمتو دي، چې په سرحدونو کې د مور او نوي زېږېدلو ماشومانو د پاملرنې او رواني ټولنیز ملاتړ خدمتونه چمتو کړي؛ ترڅو د زیان منونکو خلکو او په ځانګړې توګه د مېرمنو، نجونو او ځوانانو ملاتړ وکړي.
خو سلما اوس په افغانستان کې د سرپناه د نشتوالي له امله اندېښمنه ده.
سلما وایي: «موږ لا تر اوسه د ژوند کولو لپاره سرپناه نلرو او زه اندېښمنه یمه، چې موږ به اخر چېرې ځو. د دغه بد وضعیت سره، سره زه د خپل نوي زېږېدلې ماشومې راتلونکې لپاره فکر کوم او په خپل هېواد کې د خپلې کورنۍ لپاره د ښه ژوند دعا کوم.»
د کډوالۍ نړۍوال سازمان د راپور له مخې، د روان کال (د مارچ له ۲۳مې) څخه (د اپرېل تر ۵ مې) پورې له پاکستان او ایران څخه له ۱۳۰ زرو ډېر کسان افغانستان ته تللي دي. له دغې شمېرې څخه له ۶۴زرو ډېر کسان یې له پاکستانه تللي دي، چې د ستنېدو پرمهال ځینې مېرمنې مېندواره وې.
