چین طالبانو ته د شانګهای په غونډه کې د ګډون بلنه ورکړې ده

د طالبانو د بهرنیو چارو وزارت د ویاند مرستیال حافظ ضیاء احمدتکل په خپل اېکس کې لیکلي، چې امیر خان متقي له خپل پاکستاني سیال محمد اسحاق ډار سره ټلیفوني خبرې کړي او په کابل کې یې د دواړو لورو ترمنځ د شویو ژمنو پر تعقیب ټينګار کړی.

‏نوموړي لیکلي: «په دې ټلیفوني مکالمه کې ښاغلي اسحاق ډار کابل ته د سفر په جریان کي د ښې مېلمه پالنې له امله مننه وکړه او ټينگار يې وکړ، چې کابل کې د شویو ژمنو د پلي کېدو لپاره به هڅې کوي او په ځانگړي ډول د کډوالو د ستونزو په حل کولو او شکایتونو د اورېدلو لپاره به جدي اقدامات کوي.»

حافظ ضیاء احمد تکل لیکلي، چې په دغه ټلیفوني خبرو کې اسحاق ډار د پاکستان د کورنيو چارو وزارت له خوا د کنټرول‌خونې د ايجاد او د کډوالو د شکايتونو د اورېدو په موخه د مرستې لپاره د تلیفوني شمېرو د خپرولو خبر هم ورکړ.

‏نوموړي وړاندې لیکلي: «امیرخان متقي هم کابل ته د خپل پاکستاني سيال سفر د ستونزو د حل په لور یو مثبت ګام وباله او د شویو پرېکړو د پلي کولو، په ځانگړي توگه هېواد ته د راستنېدونکو افغان کډوالو ستونزو ته د رسېدو په موخه په مرکزي کچه د کنترول‌خونې او د مرستې د اړيکې شمېرو د فعالولو اقدامات وستایل.»

دا په داسې حال کې ده، چې پاکستان د افغان کډوالو د ځورونو د پېښو د ثبت لپاره یوه ۲۴ ساعته فدرالي کنټرول خونه جوړه کړې ده.

دغه اقدام کابل ته ددغه هېواد د مرستیال لومړي وزیر او د بهرنیو چارو وزیر محمد اسحاق ډار له سفر او اعلان وروسته شوی.

د افغانستان لپاره د پاکستان ځانګړی استازی وايي، چې د ملي ناورین د معلوماتو مدیریت مرکز (NCIMC) کې له افغان کډوالو سره د مرستې او د احتمالي ځورونې د شکایتونو د ثبت لپاره یو ۲۴ ساعته فعال فدرالي کنټرول روم جوړ شوی دی.

محمد صادق وايي، چې دا کنټرول خونه د افغانانو د بېرته ستنولو بهیر کې د شفافیت او انساني چلند د تامین لپاره کار کوي او هر ډول شکایتونو ته به رسېدنه کوي.

د پاکستان د بهرنیو چارو وزیر محمد اسحاق ډار او ورسره پلاوي تېره ورځ کابل ته رسمي سفر کړی او له طالب چارواکو سره یې د دوه اړخیزه اړیکو ترڅنګ، په امنیتي، اقتصادي او په پاکستان کې د افغان کډوالو په اړه خبرې وکړې.

په دې وروستیو کې د طالبانو او د پاکستان ترمنځ اړیکې خورا ترینګلي حالت ته رسېدلې وې، دواړو لوریو په یو بل د ترهګرو ډلو د پاللو تورونه پورې کول.

پاکستان ادعا کړې وه، چې افغان طالبانو ټي ټي پي ته په خپله خاوره کې ځای ورکړی او له هغه ځایه په پاکستان کې بریدونه ترسره کوي.

همدا ډول طالبانو بیا پاکستان تورن کړی وو، چې داعش ته یې روزنځایونه ورکړي دي.

دا تورونه دواړو خواو رد کړي وو.

د خېبرپښتونخوا حکومت په یوې اعلامیه کې ویلي، چې د یکشنبې په ورځ یې ۴۵۳ د ACC کارت لرونکي او ۴۵۱ نور افغان کډوالو چې اسناد یې نه درلود، د تورخم له لارې افغانستان ته ستانه کړي.

په علامیه کې راغلي، چې دغه افغان کډوال د خېبرپښتونخوا له بېلابېلو سیمو د جبري بېرته ستنولو کمپ ته استول شوي وو.

د معلوماتو له مخې، د پاکستان حکومت د اپرېل له لومړۍ نېټې راهیسې ۴۹,۸۰۴ غیرقانوني افغان کډوال د تورخم له لارې په جبري توګه بېرته افغانستان ته ستانه کړي.

د پاکستان حکومت پرېکړه کړې، چې په دغه هېواد درې مېلیونه افغان کډوال بېرته افغانستان ته ستانه کړي.

په همدې موخه له تېرو څو میاشتو راپدېخوا د پاکستان په ټولو ښارونو کې د پولیسو له لورې کور په کور د افغانانو تالاشۍ روانې دي.

د افغان کډوالو په اړه د پاکستان دغه اقدام د ملګرو ملتونو په ګډون د بشري حقونو نړۍوالو ادارو غیر قانوني او غیر انساني بللی او له دغه هېواده یې غوښتي، چې دا لړۍ ودروي خو تر اوسه دا لړۍ لا هم روانه ده.

دا په داسې حال کې ده، چې تېره ورځ د‌ پاکستان د بهرینو چارو وزیر محمد اسحاق ډار کابل ته د خپل سفر په لړ کې د طالبانو د بهرنیو چارو له وزیر امیرخان متقي سره د کډوالو د ستونزو په ګډون د اړیکو پر پراختیا او د مسایلو د سوله ییز حل په تړاو خبرې کړې دي.

د طالبانو بهرنیو چارو وزارت د پاکستان د بهرنیو چارو وزیر اسحاق ډار له قوله ویلي، چې "په پاکستان کې د افغان کډوالو ملکیتونه، جایدادونه او اجانس هېڅوک نه شي ایسارولی." نوموړي ژمنه کړې چې پاکستاني امنیتي ارګانونه به په دې برخه کي د هر ډول خپل سري عمل مخه نیسي.

متقي په دغه لیدنه کې د پاکستان له خوا د افغان کډوالو د جبري اېستلو په اړه خپلې اندېښنې شریکې کړې دي او له پاکستاني پلاوي یې غوښتي، چې په پاکستان کې د مېشتو او راستنېدونکو افغانانو د حقونو د ضایع کېدو مخنیوی وکړي.

برېتانیایي تویوسي اوسیدین په دې وروستیو کې له ډیلي میل سره په مرکه کې افغانستان ته د یو بل او زړه راښکونکي سفر یادونه وکړه.

نوموړي په تېرو دوو کلونو کې ۶۹ هېوادونو ته سفرونه کړي، خو دا ځل یې د نړۍ یو له خطرناکو ځایونو څخه د طالبانو تر کنټرول لاندې افغانستان غوره کړی و.

د هغه ۱۱ ورځنی سفر د پاکستان له پلازمینې اسلام اباد څخه پیل او له هغه ځایه د افغانستان پولې ته ورسید.

هغه په ​​افغانستان کې له کوچنیو کلیو او لویو بازارونو لیدنه وکړه او حتا د طالبانو له یوه غړي سره یې اړیکې درلودې.

د ډيلي میل په وینا، د طالبانو یوه غړي چې د تویوسي هوټل د امنیتي ساتونکي په توګه یې کار کاوه هغه سره معرفي شو.

تویوسي وویل، «ما له بهر څخه خواړه وغوښتل او هغه [د طالبانو ساتونکي] زما خونې ته راوړل. ما ولیدل چې هغه په ​​هرو پنځو دقیقو کې بیرته راځي ترڅو وګوري چې چارې څنګه پرمخ ځي».

برېتانیايي سیلاني ویلي، « ما له هغه [طالب] څخه وپوښتل چې ایا هغه غواړي چې دننه راشي او فلم وګوري. هغه راغی، موږ یو څه خواړه وخوړل او خبرې مو وکړې. بیا یو داسې پېښ شول چې موږ له هغه وروسته هره ورځ یو بل سره لیدل».

هغه وویل: «ما هڅه وکړه چې محتاط واوسم، زه باید محتاط واوسم.»

هغه ویلي، « موږ ډیرې خبرې نه کولې ځکه چې هغه په ​​انګلیسي خبرې نه کولې او ما په فارسي خبرې نه کولې».

نوموړې وايي چې د طالبانو غړی د هغه د جنسي ملګري په توګه "حساس" و او "پوهېده چې څه وکړي."

هغه ویلي، چې طالبان په مینه او ښکلولو کې ښه دي او د لویدیزې نړۍ په څېر یې اړیکې موقتي نه دي.

دغه جنجالي بریتانیایي سیلاني ډیلي میل ته ویلي، "زه هڅه کوم هر هیواد ته چې ځم، جنسي اړیکه ولرم، په ځانګړي توګه چیرې چې دا منع هم وي."

تویوسي وویل: «دا سفر د سترګو پرانیستلو تجربه وه. ما داسې احساس کاوه چې زه په درېیمه نړۍ کې یم، زه واقعا نشم کولی دا تشریح کړم. هر طرف ته ګڼه ګوڼه وه. درنې وسلې، طالبان هر خوا لیدل کېدل».

اوسیدین ویلي، چې طالبان د افغانستان په هر ګوټ کې ځای پر ځای شوي دي.

نوموړي دغه راز له هېواده د وتلو ستونزو ته هم اشاره وکړه، چې پرله پسې پوښتنې ګروېږنې، د ټوپکو ډزې او د وېزې د چاپ شوې کاپي نه لرلو ستونزې پکې شاملې دي.

اوسیدین څو ځله فکر کړی و چې په افغانستان کې به ژوندی پاتې نشي او دا سفر یې د ژوند پای دی.

اوسیدین پلان لري چې په راتلونکو اونیو کې اوکراین ته په بس کې سفر وکړي او بیا ګرجستان ته خپل سفر ته دوام ورکړي.

د طالبانو تر واک لاندې د باختر دولتي اژانس د خبر له مخې، په دې کتنه کې د بهر مېشتو افغانانو مشورتي جرګې د ګډونوالو په استازیتوب، نور حکیمیار د دغې جرګې د فعالیتونو په اړه معلومات ورکړل او ویې ویل چې دغه جرګه له طالبانو، افغانانو او نړیوالو سره د خبرو، تفاهم او همکارۍ له لارې په افغانستان کې د سولې، ثبات او پرمختګ لپاره کار کوي.

حکیمیار همدا رنګه د یادې جرګې یو لړ ستونزې، غوښتنې او وړاندیزونه شریک کړي او د حل غوښتنه یې کړې، خو باختر اژانس ددې جرګې غوښتنې او وړاندیزونه نه دي په ډاګه کړي.

د طالبانو اطلاعاتو او کلتور وزیر خیرالله خیرخواه د خپلې پر وینا پرمهال ویلي چې «د هېوادوالو د هوساینې لپاره شپه او ورځ هڅې کوي او د خلکو د ستونزو لپاره د حل لارې لټوي».

هغه ویلي:« د دې وخت دی چې ټول د دغه نظام په ساتنه کې خپل مسوولیت ترسره او ملاتړ یې وکړي.»

طالبانو په خپلو خبرپاڼو کې ددې جرګې د اساسي غوښتنو، چې د نجونو پرمخ د تعلیمي مرکزونو پرانیستل او مېرمنو ته د کار اجازه ده، یادونه نه ده کړې.

افغانستان ته د بهر مېشتو افغانانو جرګې په لومړي سفر کې د جرګې غړو په خپلو ویناوو کې د نجونو د زده‌کړو او په ټولنیزو، اقتصادي او سیاسي برخو کې د مېرمنو د ونډې موضوع مطرح کړې وه.

د یادې جرګې ځینو غړو ویلي و چې هغه وخت د طالبانو د کورنیو چارو وزیر سراج الدین حقاني او ځينو نورو طالب مسوولینو ورسره په ناستو کې منلې وه، چې دا مسایل به له خپل مشر سره شریکوي.

د افغانستان لپاره د پاکستان ځانګړی استازی وايي، چې د ملي ناورین د معلوماتو مدیریت مرکز (NCIMC) کې له افغان کډوالو سره د مرستې او د احتمالي ځورونې د شکایتونو د ثبت لپاره یو ۲۴ ساعته فعال فدرالي کنټرول روم جوړ شوی دی.

محمد صادق وايي، چې دا کنټرول خونه د افغانانو د بیرته ستنولو بهیر کې د شفافیت او انساني چلند د تامین لپاره کار کوي او هر ډول شکایتونو ته به رسیدنه کوي.

یادې خونې د مرستې کرښې په نامه یو شمېر د اړیکو شمېرې هم خپرې کړې، چې افغانان کولای شي ددې شمېرو له لارې له یادې ادارې سره په اړیکه کې شي.

د پاکستان دا ګام داسې مهال دی، چې په دې وروستیو کې د افغان کډوالو د ستنولو په بهیر کې ددغه هېواد پر امنیتي ادارو تور لګول شوی، چې له افغان کډوالو سره د بشري حقونو خلاف چلند کوي او مالونه او توکی هم ترې ګرځوي.

پاکستان د مارچ میاشتې له لسمې راهیسې د افغان کډوالو د جبري اېستلو بهیر پیل کړی او تر اوسه یې تر ۸۰ زرو ډېر کسان افغانستان ته شړلي دي.