د شمالي کارولینا کلیسا له امریکا نه د افغان مسیحي کډوالو د اخراج مخه نیسي

د طالبانو بهرنیو چارو وزارت د یکشنبې په ورځ اعلان وکړ، چې د ناستې پر مهال، متقي د افغانستان او هند ترمنځ د ډیپلوماتیکو او اقتصادي اړیکو د لا پراختیا غوښتنه وکړه او و یې ویل چې په افغانستان کې د پانګونې لپاره مناسب فرصتونه موجود دي.

هغه هندي پانګوالو ته بلنه ورکړې ده، چې د افغانستان له نویو اقتصادي فرصتونو ګټه واخلي.

متقي د دواړو هېوادونو ترمنځ د خلکو د تګ راتګ د اسانتیاوو پر رامنځته کولو ټینګار کړی او غوښتنه یې کړې چې هند دې د افغان سوداګرو، ناروغانو او محصلانو لپاره د ویزو د ورکړې بهیر بېرته عادي حالت ته راولي.

د طالبانو د بهرنیو چارو وزارت اعلامیه وايي، انند پرکاش ژمنه کړې چې هند به له افغانستان سره خپلې مرستې روانې وساتي.

نوموړي د ځینو زیربنایي پروژو د بیا پیل خبره کړې، چې له تېرو کلونو راهیسې ځنډېدلې وې او وايي،«نوی ډیلی غواړي په نورو پروژو کې هم پانګونه وکړي».

د انند پرکاش دغه سفر د هند او پاکستان ترمنځ د کشمیر پر وروستي برید له ترینګلو اړیکو سره هممهاله دی.

هند په دغه برید کې پاکستان میشتې وسله والې ډلې ښکیلې ګڼي او له اسلام اباد سره یې د اوبو تړون لغو کړی او د اتارې او واګې لارې، د سوداګرۍ پرمخ تړل شوې دي.

پاکستان وايي، چې دوی د هند د هر ډول احتمالي برید پر وړاندې چمتووالی لري.

د افغانستان د کرېکټ ملي لوبډلې غړي حضرت الله ځاځي د یکشنبې په ورځ پر خپلې فېسبوک پاڼې په یوه یادښت کې لیکلي چې ورور یې د نامعلومو وسله والو غلو له لورې په زوره موټر ته ورخېژول کېږي، خو چې کله مقاومت کوي نو د څو تنو غلو له خوا وهل کېږي.

هغه زیاتوي چې وسله وال د نورو عادي خلکو د موټرو له راڅرګندېدو وروسته صحنه پرېږدي او ورور یې عام خلک روغتون ته لېږدوي.

حضرت ځاځي لیکلي:« ښایي دا یوازې زما ورور نه وي چې له داسې یوې پېښې سره مخ کېږي. په ورځ کې په لسهاوو وسله وال غله په لارو کوڅو کې په موبایل ټلیفون، موټر سایکل، موټر یا په خپلو پیسو باندې د مرګ تر پولې وهل او یا هم وژل کېږي.»

نوموړي په کابل کې د طالبانو له امنیتي او له جرمونو سره د مبارزې ادارې له مسوولانو غوښتنه کړې، چې وضعیت ته پام وکړي او په ټوله کې د هېوادوالو امنیت خوندي کړي.

که څه طالبان په افغانستان کې امنیتي پېښې پټوي او داخلي رسنۍ د ولس غږ نشي پورته کولی خو په ټولنیزو رسنیو کې د پلازمېنې کابل په کډون په ګڼو ښارونو کې شکایتونه خپریږي، چې جینايي پېښې زیاتې شوې دي او خلک په ډاډه زړه نه شي ګرځېدلی.

د طالبانو د بهرنیو چارو وزارت تر اوسه قطر ته د امیر خان متقي د سفر په اړه په رسمي ډول څه نه دي ویلي او د سفر دقیق هدف لا هم څرګند نه دی.
تر دې مخکې د روان کال د وري میاشتې په ۲۸ مه نېټه، متقي او د قطر د بهرنیو چارو وزیر محمد بن عبدالعزیز ال الخلیفي په ټیلیفون خبرې کړې وې.

په دغه خبرو کې د ډېپلوماتیکو اړیکو پر پراختیا او په نږدې راتلونکي کې قطر ته د امیر خان متقي د سفر په اړه خبرې شوې وې.

که څه هم هغه مهال د طالبانو د بهرنیو چارو وزارت د دغه سفر د دقیقې نېټې او هدف په اړه جزئیات نه وو ورکړي، خو د دې ډلې د بهرنیو چارو وزارت مرستیال ویاند تایید کړه، چې متقي نن قطر ته په سفر روان شو.

قطر د طالبانو ملاتړی او ددې ډلې د سیاسي دفتر او له متحده ایالاتو سره د خبرو اترو د بهیر کوربه هېواد ګڼل کیږي.

د طالبانو د ټولګټو وزارت د معلوماتو له مخې، په دغو انتقالاتو کې ۲۳۷۱۶۶ ټنه د حیرتان، ۱۹۵۵۹ ټنه د اقینې بندر ، ۳۹۷۸۶ ټنه د تورغونډۍ او ۱۰۲۵۶ ټنه د خواف ـ هرات له لارې ترسره شوي دي.

دغه وزارت ویلي، چې په انتقالاتو کې نفتي او غیر نفتي مواد، وچه میوه او د انارو او کینو جوس شامل وو.

د ټولګټو چارو وزارت ویلي، چې د اوسپنې پټلۍ له لارې د صادراتو او انتقالاتو کچې په لوړیدو سره د کاري فرصتونو کچه او د افغانستان عواید ډیريږي.

دغه وزارت ویلي، هڅه کوي، چې د ریل پټلۍ له لارې د ډیرو انتقالاتو او سوداګرۍ لپاره اسانتیاوې برابرې کړي.

دا په داسې حال کې ده، چې د قزاقستان حکومت ویلي غواړي د افغانستان له لارې نړیوال ترانزیت ته لاره پرانیزي.

د دغه هېواد د ملي اقتصاد وزیر سیرک ژومنګارین کابل ته د خپل وروستي سفر پرمهال له طالبانو سره د همکارۍ یو تړون هم لاسلیک کړ.

د دغه تړون له مخې، تمه کیږي چې دواړې خواوې به د ترانسپورت او لوژستیک په برخه کې د همکارۍ تړون لاسلیک کړي.

د خراسان رضوي د پوله ساتو ځواکونو مشر وویل، د ایران د سرحدي سیاستونو له مخې هر ډول ناقانونه ورتګ سرغړونه بلل کېږي او سرغړونکي کسان بېرته خپل هېواد ته استول کېږي.

تر دې مخکې د ایران د کورنیو چارو وزارت اعلان کړی و، چې یوازې د ۱۴۰۳ لمریز کال په اوږدو کې یې لږ تر لږه «دوه مېلیونه او ۲۰۰ زره افغان کډوال» له ایرانه اېستل شوي دي.

ایراني چارواکو دا هم ویلي، چې پلان لري د ۱۴۰۴ کال په لړ کې هم همدومره شمېر افغانان له خپلې خاورې وباسي.

په وروستیو میاشتو کې له ایران او پاکستانه د افغان کډوالو د نیول او اېستلو بهیر خورا چټک شوی دی.

د ملګرو ملتونو د کډوالو عالي کمېشنرۍ هم تر دې وړاندې ویلي و، چې د روانې اپرېل میاشتې د لومړۍ نېټې راهیسې نږدې ۱۲۰ زره افغان کډوال له پاکستانه اېستل شوي دي.

دغه ټول اقدامات داسې مهال دوام لري، چې افغانستان له سخت اقتصادي کړکېچ، پراخې لوږې، زیاتېدونکې بېکارۍ او د ژوند د لومړنیو اسانتیاوو له سخت کمښت سره مخ دی.

دې وضعیت د بېرته ستنېدونکو ژوند له سختو ستونزو، ننګوونو او ناورینونو سره مخ کړی دی.