د چین په یوه رسټورانټ کې اورلګېدنې ۲۲ کسان ووژل
د چین د لېاونینګ ولایت په لياويانګ ښار کې په یوه رستورانت کې د سې شنبې په ورځ اور ولګید، چې له امله یې ۲۲ کسان مړه شول.
د چین د لېاونینګ ولایت په لياويانګ ښار کې په یوه رستورانت کې د سې شنبې په ورځ اور ولګید، چې له امله یې ۲۲ کسان مړه شول.
دغه اور د ځایي وخت له مخې پر ۱۲:۲۵بجو لګیدلی او درې نور کسان په اور سوځېدلي دي.
که څه هم د اور د لګیدو لامل لا تر اوسه نه دی څرګند، خو د چین ولسمشر شي جین پینګ پر دې پېښه خواشیني ښودلې ده.
د رویټرز د رپوټ له مخې، د لېاونینګ ولایت د حکومتي کمیټې منشي تایید کړه چې د اور وژنې ۲۲ موټر او ۸۵ اور وژونکي د پېښې ځای ته استول شوي. هغه وویل چې د ژغورنې کار بشپړ شوی او ټول خلک د پېښې له ځایه اېستل شوي.
