د «حالوش» د راپور لهمخې، د ایران په بلوڅ مېشتي سراوان ښار کې د رضا ساراني په نوم کس چې د سراوان د بهرنیو اتباعو د کمپ کارکوونکی و او تر دې وړاندې د افغان کډوالو د وهلو ټکولو له امله مشهور و، د ناڅرګندو وسلهوالو په ډزو کې وژل شوی دی.
د راپور لهمخې، د پنجشنبې په ماښام رضا ساراني له یوه بل کس سره، چې تر اوسه یې هویت نهدی مشخص شوی، په یوه شخصي موټر کې و، چې ناڅرګندو وسلهوالو پرې ډزې وکړې. په دې برید کې په موټر کې ناست دواړه وژل شوي دي.
دا چې برید چا کړی او ولې یې کړی، په دې اړه نور جزییات نهدي خپاره شوي.
«حالوش» مخکې هم په یوه څېړنیز راپور کې د رضا ساراني هویت او کړنې افشا کړې وې. د یاد راپور لهمخې، نوموړی شاوخوا ۲۵ کلن او د سراوان اوسېدونکی او همداراز د سراوان د بهرنیو اتباعو د کمپ یو کارکوونکی و. په راپور کې ویل شوي و، چې هغه د لسګونو افغان کډوالو په وهلو ټکولو، سپکاوي او ناوړه چلند کې ښکېل و.
د سرچینو په وینا، رضا ساراني له څو نورو کارکوونکو سره یو ځای افغان کډوال د پایپونو او لرګیو په وسیله وهل او همدارنګه یې یو بلوڅ له قانوني حکم پرته نیولی او یاد کمپ ته یې لېږدولی و. دا موضوع هغه مهال د بشري حقونو د فعالانو او سیمهییزو رسنیو له سختو غبرګونونو سره مخ شوې وه.
د یادونې وړ ده، چې د ایران رسمي سرچینو لا تر اوسه په دې تړاو څه نهدي ویلي.
