شهباز شریف: طالبان باید د پاکستان امنیتي اندېښنو په حل کې اقدام وکړي

د طالبانو تر کنټرول لاندې د ملي راډیو ټلویزیون له لوري په یوې خپرې شوې ویډیو کې ندا محمد ندیم له ځوانانو غوښتي، چې د هبت‌الله هر امر دې دوی پر ځان تطبیق کړي. هغه د هبت‌الله د اوامرو د اطاعت په دوام کې زیاتوي: «که درته وایي، سنګر ته ځه، هلته ځه، که درته وایي، قول اردو ته ځه، هلته ځه، که درته وایي، چې په ښار کې امنیت مه نیسه حوزه کې اوسیږه، حوزه کې اوسېږه.»

هغه د یادې مدرسې فارغانو ته همداراز ویلي، چې له ځانونو دې امیر نه‌جوړوي او د نظام هدایات دې عملي کړي چې ایمان یې محفوظ شي.

د هغه په وینا، نظام یو امیر لري او ټول یې باید د امر اطاعت وکړي. هغه زیاتوي: «که امیران ډېر شي نظام کې فساد راځي، بیا دا ګټلی نظام راڅخه خرابیږي.»

ندیم له ځوانانو او سپین‌ږیرو غوښتي، چې هبت‌الله ته دې د نظام د ښه پر مخ وړلو لپاره دعاوې وکړي.

په دې وروستیو کې طالب چارواکي د خپل مشر هبت‌الله د اوامرو د تطبیق سپارښتنه زیاته کړې ان په دې تړاو ولایتونو ته سفرونه ترسره کیږي او ځانګړې غونډې هم ورته جوړېږي.

په مسکو کې د طالبانو سفارت د جمعې په ورځ (د لیندۍ ۲۱مه) په یوې خبرپاڼه کې ویلي، چې د روسیې- اوکراین جګړې ته ځانګړی شوی ګردی مېز د دغه هېواد د بهرنیو چارو د وزیر سرګي لاوروف په مشرۍ جوړ شوی و.

د روسیې- اوکراین جګړې په اړه په مسکو کې کله نا کله ګردي مېزونه یا ډیپلوماټيکې ناستې جوړېږي.

د دې ناستو موخې د امنیت، سولې او جګړې د حلولو د لارو چارو ارزونه، د ډيپلوماټيکو همکاریو پراخول او د سیمې ثبات ته د ګډو همکاریو هڅول یاد شوي دي.

د څارونکو په باور، د روسیې- اوکراین جګړه د نړۍوال سیاست یوه تر ټولو حساسه او اوږده مساله ده.

د خبریالانو د راپورنو په بنسټ، په دې ناسته کې د روسیې بهرنیو چارو وزیر ویلي، چې د روسیې او امریکا ترمنځ اوسني مذاکرات په ځانګړي ډول په اوکراین کې د اوږدمهاله جوړجاړي موندلو باندې متمرکز دي.

د کرملېن ماڼۍ په وینا، د اوکراین په تړاو د مسکو او واشنګټن د مشرانو او استازو ترمنځ په وروستۍ ناسته کې ټول سوءتفاهمونه حل شوي دي.

د طالبانو د لوړو زده‌کړو وزارت د جمعې په ورځ (د لیندۍ ۲۱مه) په یوې خبرپاڼه کې ویلي، چې ندا محمد ندیم په یاده غونډه کې ایران ته خپل سفر له لاسته راوړنو ډک وباله او په وینا یې، ایراني لوري د افغانستان پوهنتونونو د لابراتوارونو فعالولو او نورو برخو ته د استادانو لېږلو ته چمتو والی ښودلی دی.

ندامحمد ندیم ویلي، چې ایران له دوی سره د مثبتو اړیکو او ښه تعامل غوښتونکی دی.

نوموړي د پوهنتونونو مسوولینو ته سپارښتنه وکړه، چې د لابراتورونو غني کولو او د زده‌کړیالانو عملي زده‌کړو لپاره اسانتیاوې برابرې کړي.

په دې غونډده کې زده‌کړیالانو ته د سیمینارونو او لومړنیو مرستو په موخه د کلینیکونو د جوړولو، له شرط پرته د اعاشې د حواله کولو، د بودجې د غوره مصرفولو، علماو او فاضلانو ازموینو کې د اسانتیاوو پر رامنځته کولو هم خبرې شوې دي.

د طالبانو د لوړو زده‌کړو وزیر ندا ​​محمد ندیم تېره اونۍ د علمي اړیکو د پراختیا او له ایران سره د تجربو د تبادلې په موخه دغه هېواد ته تللی و.

د طالبانو ادارې په تیرو څه باندې څلورو کلونو کې د افغان ښځو او نجونو لپاره ثانوي او لوړې زده‌کړې منع کړي او د دغه بندیز د لرې کېدو لپاره یې تر اوسه هیڅ پلان نه‌دی وړاندې کړی.

د معلوماتو له مخې، دا هماغه خونه ده چې په ۲۰۲۲ کال د «زموږ غږ واورئ» د لومړنۍ ناستې پرمهال پکې د ګڼو افغان مېرمنو انځورونه اخېستل شوي وو.

پر همدغه مهال د هسپانیا د بهرنیو چارو وزیر خوزه مانیول البارس د جمعې په ورځ په مادرید کې د «زموږ غږ واورئ» درېیمې ناستې د پرانیستونکې وینا په ترڅ کې وویل، چې د طالبانو حکومت هېڅ ډول مشروعیت نه لري او هسپانیا یې په رسمیت نه پيژني.

نوموړي زیاته کړه، چې هېواد یې د افغان میرمنو د حقونو لپاره پر خپل ژمنو ولاړ دی او د ښځو د ګډون پرته تلپاتې سولې ته رسېدل ناممکن دي.

خوزه مانویل البارس په تیرو څلورو کلونو کې د افغانستان وضعیت د ښځو لپاره وېجاړونکی بللی دی.

بهرنیو چارو وزیر زیاته کړې چې په افغانستان کې د طالبانو د کړنو په اړه به څېړنه وشي او دا ډله باید مسووله وګڼل شي.

د ترکیې د ولسمشرۍ ماڼۍ د اړیکو ادارې په یوه خبرپاڼه کې ویلي چې دواړو مشرانو د انقرې او اسلام‌اباد ترمنځ د اړیکو، سیمه‌ییزو مسایلو او نړیوالو موضوعاتو په اړه خبرې کړې دي.

د خبرپاڼې له مخې، اردوغان شهباز شریف ته ویلي: «د پاکستان او طالبانو تر منځ د اوربند غځېدل د خوښۍ ځای دی او ترکیه چمتو ده چې د اوربند د ساتلو لپاره په جوړ شوي میکانیزم کې مرسته وکړي.»

ولسمشر اردوغان تر دې وړاندې هم ټینګار کړی و چې د طالبانو او پاکستان تر منځ ثبات او د اوربند ساتل خورا مهم دي او هېواد یې د دواړو اړخونو وروستۍ ترینګلتیاوې له نږدې څاري.

تمه وه چې د ترکیې یوه لوړپوړې پلاوي د طالبانواو اسلام‌اباد تر منځ د منځګړیتوب لپاره پاکستان ته سفر وکړي، خو د پاکستان د بهرنیو چارو وزارت ویلي چې دا سفر د طالبانو د نه‌همکارۍ له امله ترسره نه شو.

په وروستیو اوونیو کې لږ تر لږه درې پړاو خبرې د طالبانو او پاکستان تر منځ په دوحه او انقره کې ترسره شوې دي، خو هېڅ یوه یې مشخصه نتیجه نه ده ورکړې.

یو بل پړاو خبرې په عربستان کې د رسنیو له سترګو پټ ترسره شوې، چې هغه هم بې‌پایلې پای ته ورسېدې؛ خو په ټینګار سره ویل شوي چې اوربند باید لا هم پاتې شي او دواړه خواوې دې له نظامي کړکېچ څخه ډډه وکړي.