تېر کال د افغانستان او چین ترمنځ د اوسپنې پټلۍ له لارې لس زره کانټینره انتقالات شوي
د طالبانو د ټولګټو چارو وزارت خبر ورکړی، چې په تېر یو کال کې د افغانستان او چین ترمنځ د اوسپنې پټلۍ له لارې شاوخوا لس زره کانټینره انتقالات شوي دي.
د دغه وزارت لهخوا په خپرې شوې خبرپاڼه کې راغلي، چې د طالبانو د ټولګټو وزارت مرستيال محمد اسحاق صاحبزاده لهخوا ازبکستان ته د وروستي سفر پرمهال د افغانستان، ازبکستان، قرغزستان او چین ترمنځ د اقتصادي ريلي دهلېز د همکارۍ هوکړه ليک د ۲۰۲۵م کال لپاره هم وغځاوه.
دغه څلور اړخيزه دهلېز په ۲۰۲۲م کال کې جوړ شو، چې د چین، قرغزستان او ازبکستان له لارې تېرېږي او د افغانستان د حیرتان-مزارشریف اوسپنيزې کرښې سره نښلول شوی دی.
