د هند دفاع وزیر هندیانو ته: هغه څه به کیږي چې تاسې ټول یې غواړئ
د هند د دفاع وزیر ویلي، چې د پهلګام برید ته به سخت غبرګون وښودل شي او ژمنه یې وکړه، چې د هند د خلکو غوښتنې به د لومړي وزیر نریندرا مودي په مشرۍ پوره شي.
د هند د دفاع وزیر ویلي، چې د پهلګام برید ته به سخت غبرګون وښودل شي او ژمنه یې وکړه، چې د هند د خلکو غوښتنې به د لومړي وزیر نریندرا مودي په مشرۍ پوره شي.
د هند د دفاع وزیر راجنات سنګ وايي، د هېواد پر وړاندې برید کوونکو ته د حساب وړ ځواب ورکول یې مسوولیت دی.
نوموړي په نوي ډېلي کې د یوې لويې غونډې پرمهال د هند خلکو ته ډاد ورکړ، چې د پهلګام برید غچ به هرومرو اخیستل کیږي.
نوموړی وايي، هغو کسانو ته په جدي ځواب ورکړي، چې پر هند یې برید کړی.
راجنات سینګ وايي:« تاسې لومړی وزیر ښه پیژنئ. تاسې د هغه د کار له سبک، حوصلې، وړتیا او تصمیم نیونو سره بلد یاست. تاسې پوهیږئ، چې مودي څنګه د خطرونو منلو جرئت لري. ډاډ درکوم، چې د مودي صاحب تر مشرۍ لاندې به همغه څه وشي، چې تاسې یي غواړئ»
بل خوا د کشمیر پولیسو ویلي، چې نن یې د مختلفو امنیتي ادارو له مشرانو سره د همغږۍ او امنیتي وضعیت ارزونې په موخه غونډه کړې ده.
وړاندې تردې هندي رسنیو راپور ورکړی، چې د هند امنیتي ځواکونو د کشمیر ترهګریزې پېښې په ځای کې کې سنایپر، ایم لړۍ ټوپکونه، مرمۍ او نور پرمختللي وسایل ترلاسه کړي دي، چې ګڼ شمېر یې په افغانستان کې د ناټو ځواکونو پاتې شوي مهمات بلل شوي.
