• العربية
  • فارسی
  • English
Brand
  • پروګرامونه
  • افغانستان
  • نړۍ
  • ښځې
  • کلتور او ټولنه
  • معلومات او ټېکنالوژي
  • سپورت
  • پروګرامونه
  • افغانستان
  • نړۍ
  • ښځې
  • کلتور او ټولنه
  • معلومات او ټېکنالوژي
  • سپورت
  • پوښ
  • ژبه
    • العربية
    • فارسی
    • English
  • پروګرامونه
  • افغانستان
  • نړۍ
  • ښځې
  • کلتور او ټولنه
  • معلومات او ټېکنالوژي
  • سپورت
د دې وېبپاڼې ټول قانوني حقونه د وولنټ میډیا دي
volant media logo

پولنډ له جرمني نه شړل کېدونکي دوه افغان کډوال ونه منل

۲۵ غویی ۱۴۰۴ - ۱۵ می ۲۰۲۵، ۱۲:۵۰ GMT+۱

د پولنډ سرحدي پولیسو دوه هغه افغان کډوال ونه منل، چې پر پوله له اوښتلو وروسته له جرمني نه بېرته دغه هېواد ته شړل کېدل. د جرمني د میرکور رسنۍ د رپوټ له مخې، دغه پېښه د برانډنبورګ ایالت د ګوبن ښار په سرحدي سیمه کې شوې.

د کډوالۍ غوښتونکي دوه افغانان (یو ۲۰ کلن او بل ۲۳ کلن) وو، چې ویل کیږي له پولنډ څخه تازه د سرحدي پله له لارې جرمني ته تللي ول او غوښتل یې په جرمني کې د کډوالۍ غوښتنه وکړي، خو د جرمني د کورنیو چارو وزیر الکساندر دوبریندتد نوي سیاست له مخې، چې د «کډوالۍ پالیسي بدلون» په نامه یاد شوی، رد شول.

د جرمني فدرالي پولیسو غوښتل دغه نوی قانون عملي کړي او دواړه افغانان سره له دې چې د پناه غوښتنه یې کړې وه، پولنډ ته واستوي. خو کله چې د پولنډ سرحدي پولیسو بېرته رد کړل، نو پولیسو بیا هڅه ونه کړه او هغوی یې د پناه غوښتونکو د ساتنې لومړني مرکز ته واستول.

پولنډ له مخکې هم د جرمني د کډوالو د بیرته ستنولو غوښتنې رد کړې دي.

پولنډ وايي، چې که کسان له سرحدي پله یو کیلومتر لرې وي، نو نه شي ویل کېدای چې دوی له پولنډه ورغلي دي.

ترویج لرونکی

ترکیې ۲۰زره افغانانو ته د مالدارۍ په برخه کې کاري ویزې صادرې کړې دي
۱

ترکیې ۲۰زره افغانانو ته د مالدارۍ په برخه کې کاري ویزې صادرې کړې دي

۲

په ننګرهار کې د کمپیوټر ساینس دوو زده‌کړیالانو د پیغام‌رسونې نوی اپلېکېشن جوړ کړی

۳

طالبان: اشرف غني حق لري چې بېرته افغانستان ته راستون شي

۴

برېتانیا د افغانانو د لېږدولو په پروګرام کې بنسټیز بدلونونه او محدودیتونه اعلان کړل

۵

د ټلیفوني زنګ پر مهال به د جبري نکاح په اړه د هبت‌الله فرمان اورول کېږي

•
•
•

نور کیسې

ټرمپ یوځل بیا وویل چې چین په بګرام اډه کې دی

۲۵ غویی ۱۴۰۴ - ۱۵ می ۲۰۲۵، ۱۱:۱۸ GMT+۱

د امریکا متحده ایالاتو ولسمشر ډونالد ټرمپ په قطر کې د امریکا پوځي اډه کې یوځل بیا وویل، چې متحده ایالات باید د بګرام اډه ساتلې وای، ځکه دا له چین څخه یوازې یو ساعت فاصله لري.

هغه زیاته کړه: « په عزت او ځواک سره وتلو او د افغانستان فاجعه به نه پېښېده».

ټرمپ وویل: « تاسې پوهېږئ چې اوس چین په بګرام کې دی».

ټرمپ په العدید هوايي اډه کې له امریکايي ځواکونو سره د لیدنې پر مهال، د جو بایډن د حکومت پر پالیسیو نیوکه وکړه او ویې ویل: «موږ نږدې وو چې د بایډن د پالیسیو له امله له منځني ختیز څخه لاس واخلو». نوموړي ټینګار وکړ: «موږ به له منځني ختیځ څخه ساتنه وکړو».

ټرمپ دا هم وویل چې امریکا له ایران سره هوکړې ته «ډېره نږدې» شوې ده.

نوموړي له تهران سره د خبرو اترو پر مهال د واشنګټن جدي دریځ ته اشاره وکړه او ویې ویل: «ایران تر یوه بریده د هوکړې له موادو سره موافقه کړې ده».

هغه زیاته کړه: «موږ غواړو د ایران موضوع په هوښیارۍ حل کړو، نه په زور».

مرستې کمې او اړتیاوې ډېرې؛ اوچا یوازې د افغانستان ۱۴۵ ولسوالیو ته لومړیتوب ورکړی

۲۴ غویی ۱۴۰۴ - ۱۴ می ۲۰۲۵، ۱۱:۳۹ GMT+۱

د ملګرو ملتونو د بشري مرستو د همغږۍ دفتراوچا ویلي، چې په افغانستان کې یې د بشري عملیاتو بودجه په پراخه کچه راکمه کړې ده. د دغه بدلون له امله له ۴۰۱ ولسوالیو یوازې ۱۴۵ولسوالۍ د مرستو د وېش د لومړیتوب ساحې ګڼل شوې دي.

اوچاویلي، هڅې اوس یوازې د هغو ۱۲،۵میلیونه وګړو پر ملاتړ متمرکزې دي چې تر ټولو سختو بشري شرایطو کې ژوند کوي.

دغه اداره وايي، د اړمنو خلکو د ملاتړ لپاره ۱،۶۲ میلیارده ډالرو ته اړتیا لري، خو د ۲۰۲۵کال لپاره ټولیزه اړتیا ۲،۴۲ میلیارده ډالر اټکل شوې ده.

دا په داسې حال کې ده، چې نړیوالې مرستې په ځانګړي ډول د امریکا له لوري کمې شوې او له ګاونډیو هېوادونو لکه ایران او پاکستان څخه د افغان کډوالو شړلو بشري وضعیت ناورین نور هم ژور کړی دی.

ریاض ته د ټرمپ سفر؛ ټرمپ، بن سلمان او ماسک لنډې خبرې اترې سره کړي

۲۳ غویی ۱۴۰۴ - ۱۳ می ۲۰۲۵، ۱۱:۵۶ GMT+۱

رویټرز خبري اژانس راپور ورکړی چې ډونالډ ټرمپ، محمد بن سلمان او ایلن ماسک په سعودي عربستان کې د امریکا د ولسمشر د هرکلي په مراسمو کې له یو بل سره لنډې خبرې اترې وکړې.

عربي رسنیو هم راپور ورکړی، چې لسګونه امریکایي او سعودي سوداګر به د سې شنبې په ورځ په شاهي دربار کې د ټرمپ د ریاض د سفر په مناسبت په "سوداګریزه غرمنۍ" کې ګډون وکړي.

دا پروګرام به د سعودي عربستان د ولیعهد په کوربه‌توب ترسره شي.

د ګډونوالو د لېست له مخې، د ریاض شاهي دربار به د شاوخوا ۲۵۰کسان کوربه‌توب وکړي، چې دا د متحده ایالاتو او سعودي عربستان ترمنځ د سوداګریزو تړونونو او پراخې همکارۍ لپاره د ټرمپ لومړیتوب په ګوته کوي.

امریکا پر عربي اماراتو د څه باندې یو میلیارد ډالرو په ارزښت پوځي تجهیزات پلوري

۲۳ غویی ۱۴۰۴ - ۱۳ می ۲۰۲۵، ۰۵:۱۸ GMT+۱

ابوظبي ته د ډونالډ ټرمپ د سفر په درشل کې، د امریکا د بهرنیو چارو وزارت ویلي، چې پر متحده عربي اماراتو یې د ۱.۴ میلیارد ډالرو په ارزښت پوځي تجهیزاتو او الوتکو د خرڅلاو اجازه یې صادره کړې ده.

دغه خلیج هېواد ته وړاندیز شوي پلور کې شپږ بوینګ CH-47 چینوک هلیکوپټرې او نور پوځي تجهیزات شامل دي، چې ارزښت یې ۱.۳۲ میلیارده ډالره دی.

د امریکا د بهرنیو چارو وزارت د سیاسي او نظامي چارو ادارې په وینا، دا خرڅلاو به د امریکا د بهرنۍ پالیسۍ او ملي امنیت ملاتړ وکړي.

په اعلامیه کې ویل شوي: «متحده عربي امارات به دا تجهیزات د لټون او ژغورنې عملیاتو، طبیعي پیښو سره د مرستې، بشري ملاتړ او د ترهګرۍ ضد عملیاتو کې وکاروي.»

امریکایي چارواکو زیاته کړه: «متحده عربي امارات په منځني ختیځ کې د سیاسي ثبات او اقتصادي پرمختګ لپاره یو مهم ملګری دی.»

دا په داسې حال کې ده، چې د امریکا ولسمشر ډونالډ ټرمپ د سې شنبې په ورځ سعودي عربستان، متحده عربي اماراتو او قطر ته خپل سفر پیل کړ.

د کردانو ډله «پي کې کې» وايي، وسلې پر ځمکه ږدي او منحل کېږي

۲۲ غویی ۱۴۰۴ - ۱۲ می ۲۰۲۵، ۱۰:۰۳ GMT+۱

د کردانو ډلې «پي کې کې» چې د ترکیې حکومت پر وړاندې یې له ۴۰ کلونو راهیسې مبارزه کړې، اعلان کړی چې خپلې وسلې پر ځمکه ږدي او منحل کېږي.

د ترکي تلویزون ټي ار ټي د راپور له مخې؛ دغه اقدام د دغې ډلې د زنداني مشر عبدالله اوجلان له‌خوا د دغه سازمان د منحل کېدو له غوښتنې وروسته وشو.

دغه ډله په ترکیه، اروپايي ټولنه، انګلستان او امریکا کې د یوې ترهګرې ډلې په توګه پېژندل شوې ده.

دغې ډلې د خپلې مبارزې په پیل کې د کردانو لپاره د یوه خپلواک هېواد د جوړولو موخه لرله، چې د ترکیې د نفوس شاوخوا ۲۰ سلنه جوړوي.