لندن او ۲۵ هېوادونو له اسراییل څخه وغوښتل چې غزې ته د بشري مرستو د بشپړ پیل اجازه ورکړي

د برېتانیا د بهرنیو چارو وزیر وایي، چې لندن له ۲۵ نورو هېوادونو سره یو ځای له اسراییل څخه وغوښتل، څو ژر تر ژره غزې ته د بشري مرستو د بشپړ بیا پیل اجازه ورکړي.

د نوموړي په وینا، هغه محدودې مرستې چې غزې ته د داخلېدو اجازه ورکړل شوې، هېڅ ډول بسنه نه کوي.
ملګرو ملتونو د مرستو د وړاندې کولو په برخه کې د نویو طرحو په اړه اندېښنه ښودلې ده.
د دوی په خبره، اسراییل باید دا تضمین کړي چې ملګري ملتونه او د مرستو رسولو ادارې وکولای شي په غزه کې خپل فعالیت ته دوام ورکړي.