ټرمپ: روسیه او اوکراین به د اوربند په اړه مذاکرات پیل کړي
د امریکا ولسمشر ډونالډ ټرمپ په ټروټ خواله رسنۍ لیکلي، چې له ولادیمیر پوتین سره یې دوه ساعته خبرې «ډېرې ښې» تېرې شوې او روسیه او اوکراین به سمدستي د اوربند او د جګړې د پای ته رسولو لپاره خبرې پیل کړي.
ټرمپ زیاته کړه، چې د دې اوربند شرایط باید په مستقیم ډول د دواړو لوریو ترمنځ وڅېړل شي، ځکه هغوی په داسې جزیاتو پوهېږي چې نور خلک ترې بېخبره دي.
ټرمپ ټینګار وکړ، چې د خبرو اترو ماحول عالي و.