د پاکستان د پوځ مشر جنرال منیر د «فیلډ مارشالۍ» رتبه واخېسته

د هند پوځ د هوايي دفاع لوی مدیر تورن جنرال سمر ایوان ډي‌کونا له اې این ای خبري اژانس سره په مرکه کې ویلي، چې که « د پاکستان د پوځ مرکزي قومانداني یا جي ایچ کیو خیبر پښتونخوا ته هم ولیږدول شي، ددوی له بریده به خوندي نه وي».

نوموړي زیاته کړې، « هند دومره پوځي وسلې لري چې کولای شي د پاکستان پر ټولو برخو برید وکړي. موږ له خپلو پولو یا د پاکستان ژورو سیمو کې د مقابلې بشپړ ظرفیت لرو. که د پاکستان پوځ خپل مرکزي دفتر له راولپنډۍ څخه خیبر پښتونخوا یا بلې سیمې ته انتقال کړي، هم به خوندي نه وي، ځکه دا ټول ځایونه زموږ د برید تر واټن لاندې دي».

نوموړي زیاته کړې، چې « هغوی باید واقعاً ځان ته ژورې سمڅې پیدا کړي».

جنرال ډي‌کونا زیاته کړه، چې کله پوځ چارواکو ته د سکانو پر زرین معبد د احتمالي برید خبرداری ورکړ، د معبد مشرتابه دا خطر درک کړ او دوی ته یې اجازه ور کړه چې هلته دفاعي تجهیزات ځای پر ځای کړي.

د نوموړي په وینا، د معبد څراغونه بند کړل شول څو بې‌پیلوټه الوتکې وویني او ویې ولي.

خو پاکستان پر دغه معبد د برید رپوټونه رد کړي دي.

کالاس د سې شنبې په ورځ د بروکسل د غونډې له پیل مخکې له خبریالانو سره خبرو کې وویل: «د سوریې په اړه، هیله لرم چې نن د اقتصادي بندیزونو د لرې کولو پر سر هوکړې ته ورسیږو.» هغې زیاته کړه: «اروپا باید یا سوریې ته د ثبات فرصت ورکړي، یا دې چمتو وي چې د افغانستان په څېر له یوه کړکېچن وضعیت سره مخ شي.»

د اروپایي اتحادیې چارواکو ویلي چې وزیران دا مهال د اقتصادي بندیزونو د لرې کولو لپاره سیاسي تصمیم ارزوي، خو هغه بندیزونه به پر ځای پاتې شي چې د بشارالاسد د رژیم او د بشري حقونو د ناقضینو پر وړاندې دي.

رویټرز د یو شمېر ډېپلوماټانو په حواله لیکلي، چې د سې ‌شنبې په سهار د اتحادیې استازي یوه موقتي توافق ته رسېدلي، خو وروستۍ پرېکړه به د وزیرانو له خوا وشي.

کایا کالاس همداراز ټینګار وکړ: «روښانه ده چې موږ غواړو خلک (په سوریه کې) دندې او عاید ولري، څودا هېواد یو باثباته راتلونکې ولري.»

کالاس دا څرګندونې په داسې حال کې کوي چې د امریکا ولسمشر ډونالډ ټرمپ تېره اونۍ د سوریې له ولسمشر سره په کتنه کې وویل چې پر سوریې لګول شوي بندیزونه به لرې کړي.

ای او ایم زیاتوي: «مونږ په فعاله توګه په اغیزمنو برخو کې د اړین ملاتړ چمتو کولو لپاره د ټیمونو په ګمارلو سره د بحران سره مبارزه کوو.»

دغه سازمان په خواله رسنۍ ایکس لیکلي، چې یوازې تېره میاشت له پاکستان څخه ۱۲۸۰۰۰ کډوال افغانستان ته راستانه شوي دي.

د کډوالۍ نړیوال سازمان زیاتوي، چې دوی له راستنېدونکو کډوالو سره د خپلو کارکونکو له لارې د خوړو، نغدي ملاتړ، روغتیایي خدمات، رواني پاملرنې او محافظتي خدمات ترسره کوي، خو دا مرستې بسنه نه کوي او لا نورو مرستو ته اړتیا لیدل کېږي.

بلخوا د همدغه سازمان مشرې مې هیونګ پارک د اروپا بشري مرستو په څلورم فورم کې ویلي، چې له ایران او پاکستان څخه افغانستان ته د افغانانو جبري ستنېدل د هغو کورنیو لپاره ستونزې زیاتوي؛ کومې چې د افغانستان دننه بشري مرستو ته اړتیا لري او په دغه مرستو تکیه کوي.
هغه وایي: «اوس‌مهال په افغانستان کې یو داسې رژیم واکمن دی، چې په نړیوال کچه چا په رسمیت نه دی پېژندلی. او هغه وضعیت چې نن په دغه مېز وړاندې شوی، هغه د دغه وضعیت له امله دی.»

په سیمه کې د افغانستان انټرنشنل پښتو خبریال جواد شینواری وایي، چې نن سهار د پښتونخوا د جمرود ولسوالۍ په سورکمر پل د اپریدي قبایلو په سلګونه مېرمنو د پاکستان له حکومت څخه «په ولس کې د انتشار خپرولو په تور نیول شوي» ملک نصیر احمد د خوشې کولو لپاره لاریون کړی.

لاریونوالو د تورخم – پېښور لویه لاره «خیبر پاس» چې له افغانستان او منځنۍ اسیا سره د سوداګرې تر ټولو لویه لاره ګڼل کېږي د هر ډول تګ راتګ لپاره تړلې ده.

یوه لاریونوال په سیمه کې د افغانستان انټرنشنل پښتو خبریال ته وویل: «د پاکستان حکومت له قبایلو سره له جبر څخه کار اخلي، هره ورځ زمونږ مشران په نښه کوي او لاس تړلي یې له ځان سره بیایي، مونږ به تر هغې دې جلوس «لاریون» ته دوام ورکړو ترڅو چې ملک نصیر احمد نه وي راخوشې شوی.»

دغه لاریونوال زیاته کړې، چې د حکومت سره یې د ملک نصیر احمد د خوشې کولو او لارې د خلاصون په اړه خبرې اترې روانې دي، خو تر دې مهاله یې کومه مثبته پایله نه ده ورکړې.

ملک نصیر احمد د اپریدي قبایلو د کوکي خېل قبیلې مشر او د پښتون ژغورنې غورځنګ له مخکښو غړو څخه دی.

ملک نصیر اپریدی په خیبر کې د پښتون ژغورنې غورځنګ له‌خوا د پښتو قومي جرګې له ترسره کولو وروسته «په ولس کې د انتشار خپرولو په تور» د پاکستان حکومت لخوا ونیول شو.

بلخوا د پښتون ژغورنې غورځنګ مشر منظور احمد پښتين څو ورځې وړاندې پر پښتنو د روان جبر او د دغه غورځنک د غړو نیونې ته په اشارې سره پر خواله رسنیو لیکي و: «پښتانه یوازې د خپل وطن له پاره ولاړ دي، نور پښتانه د پښتنو په وینو کاروبار کونکو پنجابي جرنیلانو او د هغوی په وطنونو کې د جنګونو سره نه دریږي.»

هغه له پښتنو د سوله ییز پاڅون غوښتنه وکړه او زیاته یې کړه: «په دغه پاڅون کې دې پښتانه د خپل پښتون وطن خبره وکړي، د واڼه د امن خبره دې وکړي، د پښتون وطن د امن، وسایلو، او خپلو ملي قیدیانو لکه علي وزیر، حاجي عبدالصمد خان او ملک نصیر ذکر دې په کې وشي.»

د پښتونخوا ایالت د کورنیو او قبایلي چارو ادارې له‌خوا د خپرو شویو رسمي شمېرو له مخې په لېږدول شویو کډوالو کې ۸۹ د (ACC) کارت لرونکي او ۵۴۰ تنه بې اسناده افغانان شامل دي.

په معلوماتو کې راغلي، چې د پاکستان حکومت د افغان کډوالو د جبري لېږد په دویم پړاو کې تر دې مهاله یوازې د تورخم له لارې ۵۸۰۰۳۷ تنه کډوال افغانستان ته بېرته ستانه کړي دي، چې په ستنو شویو کې ۳۶۴۰۱ تنه د ( ACC ) کارت لرونکي او ۵۴۳۶۳۶ نور یې نااسناده افغانان شامل دي.

بلخوا د افغانستان لپاره د کډوالو د ملاتړ سازمان مشرې مې هیونګ پارک وایي، چې له ایران او پاکستان څخه د په جبري توګه د کډوالو د راستنېدو بله څپه پر لاره ده.

نوموړې وایي، له ایران او پاکستان څخه افغانستان ته د افغانانو جبري ستنېدل د هغو کورنیو لپاره ستونزې زیاتوي؛ کومې چې د افغانستان دننه بشري مرستو ته اړتیا لري او په دغه مرستو تکیه کوي.
هغه وایي: «اوس‌مهال په افغانستان کې یو داسې رژیم واکمن دی، چې په نړیواله کچه چا په رسمیت نه دی پېژندلی. او هغه وضعیت چې نن په دغه مېز وړاندې شوی، هغه د دغه وضعیت له امله دی.»

نوموړې دغه څرګندونې تېره ورځ د اروپایي ټولنې د بشري مرستو په څلورمې ناسته کې کړې دي.