د سيایاې مرکزي دفتر مخې ته ساتونکو پر یوې مشکوکې ښځې ډزې کړې
د امریکا د مرکزي استخباراتي ادارې (سيایاې) د دفتر مخې ته د امنیتي سرتېرو لهخوا پر یوې ښځې ډزې شوې او وروسته نیول شوې ده. پېښه د پنجشنبې په سهار څلور بجې واشنګټن ډيسي ته نږدې د (سيایاې) مرکزي دفتر د دروازې مخې ته شوې ده.
د دغې ادارې ویاند ویلي، امنیتي سرتېرو پر دغې ښځې مخامخ ډزې کړې، خو دا یې نه ده تایید کړې چې ګولۍ پرې لګېدلې که نه. یوې سرچینې انبيسي نیوز ته ویلي چې مشکوکه ښځه لګېدلې ده، خو رسمي دا خبره نه ده تایید شوې.
د فیرفاکس کونټي پولیس وایي، د پېښې له امله د (سيایاې) دفتر مرکزي دروازه تړل شوې او کارکوونکو ته لارښوونه شوې چې له بدیلو لارو استفاده وکړي.