لانګ وار ژورنال: د سوریې نوي حکومت د القاعدې وسله‌وال د پوځ په لیکو کې شامل کړي

یاد وزارت په یوه خبرپاڼه کې ویلي، چې د نفتي موادو د کیفیت او څارنې ریاست، چې د ټاکل شویو معیارونو له مخې هېواد ته د واردېدونکو نفتي موادو کیفیت تثبیتوي، په غويي میاشت کې ۱۸۴ ټانکره ټیټ کیفیته وارد شوي نفتي مواد د هرات، نیمروز او فراه ولایتونو له ګمرکونو بېرته مسترد کړي دي.

د طالبانو مالیې وزارت ویلي، چې ۸ ټانکره پیټرول له حیرتان ګمرک څخه، ۱۱۵ ټانکره ډېزل او ۴ ټانکره پیټرول له نیمروز ګمرک څخه، ۵۵ ټانکره ډېزل د فراه له ګمرک څخه او ۱ـ۱ ټانکر دېزل او اوبلن ګاز د تورغونډۍ له ګمرک څخه بېرته ګرځول شوي دي.

طالبانو د یادو ټیټ کیفیت لرونکو نفتي توکو په اړه نور جزئیات نه دي ورکړي، چې د افغان او که بهرنیو سوداګرو له لوري افغانستان ته وارد شوي، خو وايي، هېواد ته د ټیټ کییفیت لرونکو موادو واردولو مخنیوی کوي.

سره له دې چې طالبان نږدې هره میاشت افغانستان ته د ټیټ کیفیت لرونکو نفتي موادو د واردولو د مخنیوي خبر ورکوي، خو لا هم په بازارونو کې د ټیټ کیفیته تېلو شکایتونه کیږي.

شوکت میرضیایف د چارشنبې په ورځ په بوداپست کې ترک هېوادونو سازمان په ناسته کې د افغانستان وضعيت ته په اشارې وویل چې دا یوه ننګونه ده چې د حل لپاره یې باید ګډ کار وشي او د دې هدف لپاره د ترک هېوادونو سازمان ګډه اعلامیه ښيي چې دغه سازمان دې مسالې ته جدي پاملرنه کوي.

د اناتولیه اژانس د رپوټ له مخې، نوموړي وویل، بوداپست د ختیځ او لویدیځ ترمنځ د پیوستون یو پیاوړی پُل پاتې شوی.

د ازبکستان ولسمشر وايي، چې نړۍ د بې‌ساري بدلونونو، جیوپولیټیک کړکېچونو، سیمه‌ییزو شخړو او اقلیمي بدلونونو له خطر سره مخ ده او دده په باور، دا ټول مسایل د ګډو اقداماتو او همغږۍ غوښتنه کوي.

میرضیایف زیاته کړه، « موږ دا مهم بولو چې د تر ټولو نازکو ستونزو حل باید د نړیوالو قوانینو او د ملګرو ملتونو د منشور پر بنسټ وشي. موږ د اوکراین د شخړې د حل لپاره د دیپلوماسۍ او خبرو اترو د هڅو ملاتړ کوو».

هغه دغه راز وویل، چې ترک هېوادونه پر غزې د اسراییل د بریدونو له بیا پیلیدو ژور اندېښمن دي او ټینګار یې وکړ چې د فلسطین-اسراییل شخړې عادلانه حل یوازې د «دوه دولتونه، دوه ملتونه» اصل پر بنسټ ممکن دی.

د پانګونې برخه کې، میرضیایف وویل چې د ترک پانګونې صندوق فعالیتونه به د پانګونو د جذب لپاره یو مثبت محرک وي.

د افغانستان په اړه ددغه سازمان د تصویب شوې ګډې اعلامیې محتوا تراوسه نه ده رسنیزه شوې.

د راپورونو له مخې، پولیسو د نیول شوي کس له تلیفون، کمپیوټر او نورو وسایلو څخه شاوخوا ۳۰۰۰ ویډیوګانې او انځورونه ترلاسه کړي، چې ښيي هغه په خپل موټر یا کور کې شاوخوا ۵۰ ښځې جنسي ځورولې دي.

پولیس وايي، دغه سړي تېر کال یوه شل کلنه نجلۍ د خوب ګولیو په وسیله بې‌هوښه کړې، خپل کور ته یې وړې او هلته یې پرې تېری کړی، چې ویډیو یې هم ثبت کړې وه. د رسنیو د راپور له مخې، د دغې نجلۍ په وېښتو کې د خوب ګولیو نښې هم موندل شوې.

نیول شوی کس د "ناسمې جنسي اړیکې" او "د جنسي ویډیو ثبت د قانون سرغړونې" په تور نیول شوی دی.

راپورونه زیاتوي چې نوموړي په تېر اکتوبر میاشت کې هم د یوې بلې ښځې د نشه کولو او د ۴۰ زره ین (شاوخوا ۲۸۰ډالرو) د غلا په تور هم نیول شوی و، خو وروسته خوشی شوی و. بیا د ډسمبر په میاشت کې یو ځل بیا د جنسي تېري په تور نیول شوی دی.

پولیسو د موضوع په اړه لا نور تحقیقات پیل کړي او امکان شته چې د قربانیانو شمېر نور هم لوړ شي.

مودي دا څرګندونې د پنجشنبې په ورځ د راجستان په بیکانیر ولسوالۍ کې د پرمختیایي پروژو د پرانیستې پر مهال وکړې.

نوموړي وویل، پاکستان ته به له هغو سیندونو څخه چې هند پرې حق لري، یو څاڅکی اوبه هم ورنه‌کړل شي او له اسلام‌اباد سره د خبرو لپاره هېڅ موقع نه‌شته.

نوموړي وویل، « پاکستان به د هر ترهګریز برید دروند قیمت ورکوي، د پاکستان پوځ به یې قیمت ادا کوي، د پاکستان اقتصاد به یې قیمت ادا کوي».

مودي وویل، « سندور عمليات د نوي هند نښه ده، چې ترهګر به د هغوی په مرکزونو کې له منځه وړي».

هغه زیاته کړه: « ډزې په پهلګام کې وشوې، خو درد یې د میلیونونو هندوانو زړونو ته ورسېد. موږ پرېکړه وکړه چې ترهګر له منځه یوسو او ستاسې د دعاوو او زموږ د زړورو ځواکونو په مرسته مو دا وعده پوره کړه».

د هندوستان ټایمز د رپوټ له مخې، مودي وویل، « نړۍ او د هیواد دښمنانو ولیدل چې کله سندور بارودو ته واوړي، څه پېښیږي».

نوموړي وویل، «هغوی چې هڅه یې کوله د ښځو سندور له منځه یوسي، پخپله خاورې شول. زما رګونو کې وینه نه، بلکې سندور بهیږي».

مودي وویل، د هند پوځ ته یې بشپړه ازادي ورکړې او هغوی پاکستان ګونډه کېدو ته اړ کړ.

نوموړي وویل، « سندور عملیات انتقام نه و، بلکې د عدالت نوی تعریف و، د نوي هند استازیتوب. مخکې به موږ یوازې ځواب ورکولو، اوس مو پریکړه کړې چې لومړی وار به موږ کوو. دا د ترهګرۍ ختمولو لپاره زموږ نوی سیاست دی».

د هند لومړی وزیر وايي، چې هند د پاکستان د د اتومي وسلو ډار درواغ ثابت کړل او نور به نه وېرېږي او نه به د ترهګرو مشرانو او د هغوی ملاتړ کوونکو حکومتونو تر منځ توپیر کوي.

مودي وویل، چې هند نړۍ ته د پاکستان اصلي څېره ښودلې او نهه پارلماني او د نړیوالو اړیکو استازي به نورو هیوادونو ته ولاړ شي، چې د پاکستان واقعیت نړۍ ته وښيي.

سرچینو افغانستان انټرنشنل ـ پښتو ته ویلي، چې د مولوي بشیر احمد حنفي په نوم دیني عالم چې څه باندې درې اونۍ وړاندې د طالبانو له لوري بندي شوی، د هلمند ابتدایه محکمې په اتو میاشتو بند محکوم کړی دی.

د بشیر احمد حنفي خپلوان چې نه غواړي نوم یې په راپور کې خپور شي، وايي:« حنفي صاحب اوس شاوخوا ۲۷ شپې کیږي، چې په لوی محبس کې بندي دی، تر هغه مخکې اووه اته شپې د استخباراتو په ریاست کې نظر بند و.»

طالبانو پر بشیر احمد حنفي له هېواد څخه بهر سفرکولو هم د دوو کالو لپاره بندیز لګولی دی.

سرچینې وايي، «محکمې یو ځل دی راغوښتی و، پوښتنې یې کړې وي. د دوهم ځلې لپاره چې یې راغوښتی و، محکمې ورته د اتو میاشتو قید او دوه کاله ممنوع الخروخ اعلان کړی دی. ورته ویلي یې دي، چې دوه کاله به له افغانستان نه نه وځي.»

د مولوي بشیر احمد حنفي خپلوان وايي، طالبانو د ښځو د زده کړو او په یوه مرکه کې د طالبانو پر مشر د ځینو نیوکو له امله نوموړي ته یاده سزا ورکړې ده.

مولوي بشیر احمد حنفي د تېرو نږدې اوو کلونو راپه دې خوا د مصر په الازهر پوهنتون کې زده کړې کولي، خو د طالبانو له نیولو وروسته یې په الازهر پوهنتون کې د وروستیو ازموینو چانس هم له لاسه ورکړ.

د حنفي کورنۍ له ډیرو هڅو وروسته هم په دې نه ده توانیدلي، چې نوموړی د طالبانو له زندان نه راخوشی کړي او د مصر الازهر پوهنتون په وروستیو ازموینو کې ګډون وکړي.

بشیر حنفي په لښکرګاه ښار کې د دیني زده کړو یوه مدرسه هم لرله او د الازهر پوهنتون د رخصتیو پرمهال یې په خپله مدرسه کې زده کوونکو ته دیني زده کړې ورکولي.

بشیر حنفي تېرکال هم د طالبانو استخباراتو نیولی و او له څو ورځې نظر بند ساتل کېدو وروسته یې خوشی کړی و.