بنګلهدېش له هند سره دفاعي تړون لغوه کړ
بنګلهدیش د هند له دولتي کښتۍ جوړونکې شرکت (جي ار اېس اي) سره د دغه هېواد د سمندري ځواک لپاره د کښتیو جوړولو قرارداد لغوه کړ.
د هندوستان ټایمز د راپور له مخې، دغه د ۲۱ میلیونه ډالرو تړون په بنګله دیش کې په ۲۰۲۴ کال کې د لومړۍ وزیرې شیخ حسینه له واکه د لرې کېدو وروسته د دوه اړخیزو اړیکو د ترینګلتیا له امله لغوه شوی دی.
لغوه شوی تړون د دفاعي پېرودنو لپاره د هند د ۵۰۰ میلیون ډالرو کریډیټ کرښې لاندې لومړی لوی قرارداد و، چې د ۲۰۲۴ کال په جولای کې لاسلیک شو.