د هند د واکمن ګوند یو لوړ پوړي غړي ومنله چې پاکستان یې پنځه الوتکې نسکورې کړې دي

میرزا رویټرز ته وویل:«موږ نږدې و چې د اپرېل تر ۲۲ مې وړاندې حالت ته ور وګرځو، ښايي اوس هم هغه حالت ته رسېدلي یوو.»

بل خوا تر اوسه د هند د ګډو ځواکونو مسولینو د میرزا د څرګندونو په اړه رویټرز پوښتنو ته ځواب نه دی ویلی.

دغه پاکستانی جنرال چې دا مهال په سنګاپور کې د شینګر یلا ډیالوګ امنیتي کنفرانس کې ګډون لري ویلي:« سره له دې چې د دې شخړې پرمهال د اټومي وسلو د کارونې هېڅ هڅه نه وه شوې، خو وضعیت خورا خطرناک و.»

نوموړي زیاته کړه:«دا ځل هېڅ ونه شول، خو تاسې هېڅکله نشی ویلی، چې ستراتیژیکه تېروتنه به ونه شي. کله چې بحران وي، نو غبرګونونه به هم وي.»

نوموړي ویلي، چې د هند او پاکستان ترمنځ د شخړې خطر نور هم لوړی شوی، ځکه داځل د دواړو لوریو بریدونه یوازې تر کشمر محدود نه وه، بلکي د یو بل په خاوره کې پر نظامي ځایونو باندې بریدونه شوي دي.

جنرال میزرا ویلي:« دا شخړه د دوو اټومي ګاونډيانو ترمنخ د جګړې حدونه راکموي، په راتلونکي کې به دا یوازې کشمیر پورې محدوده نه وي، بلکې د هند او پاکستان توله خاوره به پرې اغېزمنه شي. دا ډېر خطرناک تمایل دی.»

د هند او پاکستان ترمنځ ناندریو هغه مهال زور واخیست چې د هند تر کنټرول لاندې د کشمیر په پهلګام کې پر سیلانیانو برید کې ۲۶ سیلانیان ووژل شول. هند د یاد برید د غچ اخیستو وروسته پر پاکستان هوايي بریدونه وکړل او دواړو هېوادونو پر پوله باندې اضافي ځواکونه ځای پر ځای کړل.

عمران خان په خپله اېکس پاڼه د لاریونونو یا تازه غورځنګ د پیل په تړاو نور جزیات او کره نېټه نه ده په ډاګه کړې.

تر دې وړاندې د پښتونخوا سر وزیر علي امین ګنډاپور د عمران خان په امر د هغه له مېرمنې سره په ګډه اسلام اباد کې د خپل زنداني مشر د خوشې کیدو لپاره لاریونونه وکړل، خو په تاوتریخوالي بدل شول.

په یادو لاریونونو کې تحریک انصاف د پاکستاني ځواکونو له لوري د دوی د ګوند تر لسو ډېرو پلویانو د وژل کیدو ادعاوې کړې وې.

په راپور کې زیاته شوې، وایلز خپلو همکارانو ته ویلي، چې جعل کوونکي د هغې د موبایل ځینو اړیکو ته لاسرسی موندلی او له دې لارې یې د هغې شخصي شمېرې ترلاسه کړې دي.

یادې ورځپاڼې د پنجشنبې په ورځ د (غبرګولي ۸مه) د خپلو سرچینو په حواله راپور ورکړی، چې په تېرو اونیو کې سناتورانو، والیانو، د امریکايي شرکتونو لوړپوړو مدیرانو او یو شمېر نورو پېژندل شویو څېرو داسې پیغامونه او اړیکې تر لاسه کړې، چې استوونکي یې ځان د سوزي وایلز په نوم معرفي کړی دی.

تر اوسه سپینې ماڼۍ او د امریکا فډرالي پولیسو په دې اړه هېڅ ډول څرګندونې نه دي کړي.

دا لومړی ځل نه دی چې سپینه ماڼۍ د سایبري برید هدف ګرځي، بلکې څو ورځې مخکې رویټرز خبري اژانس راپور ورکړی و، چې د روانې میاشتې په پیل کې یو هېکر د ټرمپ د ملي امنیت پخواني سلاکار مایک والټز د مخابراتي خدماتو سېستم ته ننوتی او د ګڼ شمېر امریکايي چارواکو پیغامونه یې تعقیب او ترلاسه کړي دي.

سوزي وایلز ترې دمخه په ۲۰۲۴ کال کې هم د امریکا د ټاکنیزو مبارزو پر مهال د یو سایبري برید هدف ګرځېدلې وه.

تر اوسه دا نه ده معلومه چې د سوزي وایلز د هویت د جعل هڅه چا کړې، خو د تېر زېږدیزل کال په وروستیو کې سپینې ماڼۍ چین تورن کړ، چې د «مالګې طوفان» په نوم یې پراخ سایبري بریدونه پرې کړي دي.

سپینې ماڼۍ وویل، په دغو بریدونو کې هېکرانو د امریکا د لوړپوړو سیاسي چارواکو ټیلیفوني تماسونه تعقیب او ثبت کړي دي.

د سپنې ماڼۍ مطبوعاتي سکرترې د پنجشنبه په ورځ (د غبرګولي ۸مه) ویلي، چې مسکو وړانديز کړی د مخامخ خبرو بل پړاو دې د جون په ۲مه په استانبول کې تر سره شي.

په داسي حال کې چې روسیه د اوربند لپاره خپل شرایط او د سولې تفاهم لیک ځنډوي او د اوکراین ولسمشر زېلېنسکي د مسکو لخوا د شرایطو د ځنډېدو پر تکتیک نیوکه کړې.

ټرمپ د می په ۲۸مه ادعا وکړه، چې شاوخوا «دوې اونۍ يا یوه نیمه اونۍ» وخت نیسي تر څو څرګنده شي چي د روسیې ولسمشر پوتین وخت ضایع کوي که رښتیا سولې ته لېواله دی.

د رویټرز خبري اژانس د راپور پر بنسټ، دا نجلۍ جوشلېن سمېت نومېده او تېر کال د لوېدیځ کېپ سیمې له یوه کوچني ښار نه نادرکه شوې ده. د هغې تښتونه او د قاچاق قضیه په سوېلي افریقا کې ډېره جدي او ګرمه موضوع ګرځېدلې وه.

محکمې تر څېړنو وروسته اعلان کړی چې د ورکې شوې نجلۍ مور خپله لور پر یوه دودیز معالج د ۲۰ زره رېنډ (۱۱۰۰ ډالر) په بدل کې پلورلې ده.

جوشلین سمېټ لا تر اوسه نده موندل شوې.

قاضي اعلان کړی چې د نجلۍ مور ته د خپلې لور د قاچاق په تور د عمري بند سزا ورکړل شوې ده. همداراز د هغې دوه ملګري د دې نجلۍ د تښتونې په تور پر ۱۰-۱۰ کاله بند محکوم شوي دي.

ویل کېږي چې دا درې واړه کسان پر مخدره توکو روږدي دي، خو قاضي وايي چې د مخدره توکو کارول د هغوی د سزا کمېدو لپاره هېڅ دلیل نه‌شي کېدای.