د سالنګ لویه لار تر لوی اختر وروسته د بار وړونکو موټرو پر مخ تړل کېږي

شایمزاده د یکشنبې په ورځ د پاکستان له یوه خبري اژانس سره په مرکه کې وویل، چې دا پروژه به د ۲۰۲۷ کال له جنوري څخه عملیاتي شي او له هغې وروسته به د پاکستان او تاجکستان ترمنځ د انرژۍ په برخه کې نوې همکاري پيل شي.

هغه زیاته کړه: « کاسا زر یواځې یوه برېښنا پروژه نه ده، بلکې دا د زرغونې راتلونکې لپاره یوه سیمه‌ییزه تګلاره ده».

د دې پروژې د انتقال مجموعي ظرفیت به ۱۳۰۰ میګاواټه وي، چې د تاجکستان، افغانستان او پاکستان ترمنځ به د پاکې برېښنا یوه مهمه لاره برابره کړي.

شایمزاده وویل، تاجکستان غواړي چې تر ۲۰۲۷ پورې سل په سلو کې زرغونې انرژۍ ته واوړي او د شنو پروژو له لارې د سیمې له هېوادونو سره ګډ کار وکړي.

تاجکستان هر کال شاوخوا ۵۰۰ میلیارده کیلوواټه برېښنا تولیدوي، چې زیاتره یې له اوبو ترلاسه کېږي.

شایمزاده وویل، تاجکستان دا مهال افغانستان ته هم برېښنا صادروي او پلان لري چې د انرژۍ د یوه سیمه‌ییز مرکز په توګه پرمختګ وکړي.

د کاسا زر پروژه، چې ارزښت یې ۱،۲میلیارده ډالره ښودل شوی، د څلورو هېوادونو (تاجکستان، قرغیزستان، افغانستان او پاکستان) ترمنځ د برېښنا د سوداګرۍ او لیږد یوه ستره سیمه‌ییزه هڅه ده.

د طالبانو تر کنټرول لاندې د افغانستان بانک نن یکشنبه، د غبرګولي ۱۱مه، پر خپل اېکس ولیکل، چې د بانک طالب رییس نور احمد اغا، چین د افغانستان یو ښه او مهم ګاونډی یاد کړی او په اقتصادي برخو کې یې د دغه هېواد له همکاریو مننه کړې ده.

هغه ویلي چې د افغانستان بانک په تېرو شاوخوا څلورو کلونو کې توانېدلی له ګڼو نړیوالو مالي او بانکي بنسټونو سره موثرې اړیکې رامنځته کړي او ژمن دی چې دا اړیکې لا پیاوړې او پراخې کړي.

د خبرپاڼې له مخې، نوموړي زیاته کړې چې د افغانستان بانک هڅه کوي د مالي او بانکي سکتور په برخه کې تخنیکي همکارۍ زیاتې کړي، د پانګونې لپاره لا ډېر مناسب او خوندي چاپيریال برابر او سوداګري اسانه کړي او دا هڅې د دې لپاره ترسره کېږي چې په کور د ننه د پانګونې لپاره ښه زمینه، سوداګرو ته اړېنې اسانتیاوې او غوره مالي او بانکي خدمتونه وړاندې شي.

د طالبانو په خبرپاڼه کې راغلي چې د چین سفیر هم په یادو برخو کې د خپل هېواد د همکاریو د پراختیا ډاډ ورکړی او څرګنده کړې یې ده چې بیجنګ غواړي د افغانستان په اقتصادي رغونه کې خپل مثبت رول ولوبوي.

د چین سفیر زیاته کړې چې د دواړو هېوادونو ترمنځ اړیکې باید د همکاریو پر بنسټ لا پراخې شي.

د طالبانو د ننګرهار والي د رسنیز دفتر نن یکشنبه د غبرګولی په ۱۱مه لیکلي چې په تورخم کې د عمري کمپ دننه د باستاني دورې یوه مهمه تاریخي ساحه کشف شوې ده.

د طالبانو ننګرهار والي رسنیز دفتر وايي چې موندل شوې تاریخي ساحه کې د بابري او کوشاني تمدن اثار او نښې، پخواني کوهیان، غونډۍ او لرغوني جوړښتونه موندل شوي.

د ننګرهار ځايي چارواکي وايي چې ددې ساحې په اړه د اطلاعاتو او کلتور وزارت ته د رسمي ثبت لپاره راپور لېږل شوی دی.

دوی همدراز زیاتوي چې د ساحې د خونديتوب لپاره سپارښتنه شوې ده.

100%

د طالبانو د بهرنیو چارو وزارت د یکشنې په ورځ د «غبرګولي ۱۱مه» د یوې خبرپاڼې په خپرولو سره ویلي، چې د دې ډلې د بهرنیو چارو وزیر امیرخان متقي په کابل کې د روسیې سفیر دیمیتري ژیرنوف سره په لیدنه کې د افغانستان او روسیې د اړیکو د نوي پړاو، کازان غونډه کې د شویو هوکړو او دوه اړخیزو کاري کمېټو په اړه خبرې وکړې.

د طالبانو د بهرنیو چارو وزارت په خبرپاڼه کې ویل شوي، چې په دې لیدنه کې د روسیې سفیر په مسکو کې د طالبانو د نوماند سفیر د منلو رسمي یادښت امیرخان متقي وسپاره او هیله یې څرګنده کړې، چې د ډېپلوماتیکې کچې لوړېدو سره د کابل او مسکو ترمنځ اړیکې په نورو برخو کې هم پرمختګ وکړي.

د طالبانو د بهرنیو چارو وزیر له روسیې سره د اړیکو نوی فصل مهم بللی او هیله یې څرګنده کړې، چې په دې پړاو کې دواړه هیوادونه وتوانېږي، څو په بېلابېلو برخو کې دوه اړخیزې همکارۍ لا پراخې کړي.

طالبانو د روسیې لپاره تراوسه خپل سفیر نه دی په ډاګه کړی، خو دمګړۍ د سفارت چارې هلته شارژدافیر پرمخ وړي.

د طالبانود چاپېریال ساتنې ملي ادارې او د کابل پوهنتون، د «نورستان طبیعي ښکلا، کلتوري او اقتصادي ارزښت او د چاپېریال ساتنې اړتیا» تر سرلیک لاندې علمي – معلوماتي سمینار کې د طالبانو د کرنې، اوبولګولو او مالدارۍ وزارت معیین صدر اعظم عثماني وویل، چې «نورستان د رڼا خاوره بلل کېږي او د نورستان ملي پارک نه یوازې د افغانستان د طبیعي تنوع استازیتوب کوي= بلکې دغه پارک د چاپېریال، اقتصاد او کلتور له اړخه هم ډېر ارزښتناک دی».

په ورته مهال د طالبانو چاپېریال ساتنې ملي ادارې عمومي رییس مولوي مطیع الحق خالص وویل چې د انسان طبیعت سالم او پاک چاپېریال ته اړتیا لري او د هېواد پوهنتونونه د علمي مرکزونو په توګه، په دې برخه کې مهم رول لوبوي.

د طالبانو تر واک لاندې باختر دولتي اژانس لیکلي چې هغه د چاپېریال ساتنه او له اقلیمي بدلونونو سره مبارزه د ټولو ګډ مسوولیت وباله او د پوهنتون له استادانو او محصلینو او همدا رنګه له ملي او بین المللي سازمانونو او بنسټونو، یې وغوښتل چې په دې لاره کې همکاري وکړي او د افغانانو غږ تر نړیوالو پورې ورسوي.

له دې وړاندې طالبانو ویلي و چې افغانستان په نړیواله کچه د اقلیمي بدلون له ناوړه اغېزو څخه شپږم متضرر هېواد دی.