ایران: تېرکال ۲زره افغان کارګر ماشومان له خپلو کورنیو سره یو ځای له دغه هېواده و اېستل شول
د تهران یوه دولتي چارواکي محمد نصیري ویلي، چې په تېر کال کې یې دوه زره افغان کارګر ماشومان او د هغوی کورنۍ له ایران څخه اېستلي دي.
د اېسنا خبري اژانس د راپور له مخې؛ د تهران فلاح ادارې زیاته کړې چې تېر کال په پلازمېنه کې نږدې ۴۲۰۰ کارګر ماشومان پېژندل شوي وو، چې ۸۶سلنه یې افغانان وو.
نصیري زیاته کړې، په تهران کې یې د کارګرو ماشومانو لپاره د عدلیې وزارت، د ملیتونو عمومي ریاست او د پولیسو په ګډون د بېلابېلو څانګو سره په همغږۍ یو مرکز جوړ کړی دی.
د تهران د سترې محکمې مشر علي القاصي تېر کال ویلي و، چې په دغه ولایت کې د اغېزمن شویو ماشومانو ۸۲سلنه یې له افغانستان دي.
علي القاصي وایي، په تهران کې نږدې ۳۷۰۰ اغېزمن شوي ماشومان هم پېژندل شوي دي چې ۸۲سلنه یې بهرنيان دي.
د ایران د ماشومانو د ملي ادارې منشي علي کاظمي بیا وایي، چې د زدهکړو څخه د محرومیت او مالي ستونزې د دې لامل کېږي چې ماشومان د تهران په سړکونو کې کار ته مخه کړي.