مهران غلامي د هسپانیا فوټسال غوره لیګ سیالیو کې د مانزانارس لوبډلې واخیست

د سعودي عربستان دا اقدام د ۲۰۳۴ کال د فیفا نړیوال جام د کوربتوب په موخه د اوږدمهال چمتووالي یوه برخه بلل شوې ده. د PIF مشر، محمد السیاد، په خپره شوې اعلامیه کې ویلي:"PIF غواړي د سپورټ په ډګر کې یو مثبت، دوامدار او ژور بدلون رامنځته کړي، له لوبغاړو او مینه‌والو نیولې، تر کوربه ټولنو پورې. موږ د فوټبال نړیوال پرمختګ ته ژمن یو، لکه څنګه چې تېر کال مو د CONCACAF سره شراکت اعلان کړ، او لا هم پانګونه روانه ده."
د فیفا کلب نړیوال جام، د نړۍ له مشهورو فوټبال کلبونو څخه جوړې شوې سیالۍ دي. سږ کال دا سیالۍ د شنبې په ورځ (جون ۱۴مه) پیلېږي، چې پکې به د لیونل میسي لوبډله، انټر میامي (د امریکا MLS لیګ)، د مصر له پیاوړي کلب "الاهلي FC" سره لوبه وکړي — الاهلي د CAF اتلانو لیګ درې ځلې قهرمان پاتې شوی.

د Opta Power Rankings له مخې، د سږ کال پنځه تر ټولو قوي لوبډلې:پاریس سن جرمن (فرانسه)، منچسټر سيټي (انګلستان)، بایرن مونیخ (جرمني)، انټر میلان (ایټالیا)، ریال مادرید (هسپانیا) دي.

د ګروپي پړاو سیالۍ به د جون له ۱۴مې تر ۲۶مې پورې روانې وي، وروسته به د حذف پړاو د جون ۲۸مې څخه پيلېږي. پایلوبه به د جولای په ۱۳مه، د نیو جرسي ایالت په میټ لایف لوبغالي کې ترسره شي.

لمر کټوازی په ۲۰۲۴ کال کې خپل کلب ته د ملي غوره لیګ (NPL) اتلولي وګټله او درې ځله یې د دغه لیګ د سرو زرو بوټ جایزه ترلاسه کړې، چې دا جایزه هر کال تر ټولو زیات ګول وهونکي لوبغاړي ته ورکول کېږي.

د لمر کټوازي پلار فضل کټوازي افغانستان انټرنشنل ته وویل، چې ټاکل شوې نوموړی په ۲۰۲۵ کال کې د ملبورن د ځوانانو ملي ټورنمنټ کې د کنبرا استازیتوب وکړي.

هغه تر دې دمه درې ځله د فوټبال سکالرشیپ ګټلی او په ۲۰۲۳ کال کې د استرالیایي رسنۍ اې بي سي له خوا د یوه مخ پر ودې سیمه‌ییز استعداد په توګه معرفي شو. په همدغه کال کې د هغه فوټسال ټیم په سیدني کې د ملي سیالیو اتل شو.

وروستۍ ستره لاسته راوړنه یې د نړۍ تر ټولو مشهورې اکاډمۍ نه بلنلیک ترلاسه کول دي.

لمر کټوازی دا مهال د هسپانیې د بارسلونا فوټبال اکاډمۍ له خوا بلل شوی. دا بلنه داسې مهال ترلاسه کوي چې دوه کاله وړاندې یې برازیل ته د فوټسال لپاره هم بلنلیک ترلاسه کړی و.

نوموړی دا مهال د لسم ټولګي زده‌کوونکی دی او د ۲۰۲۶ کال لپاره یې د سیدني ایف سي اړوند اېرنډیل کالج کې د ګډون وړاندیز هم ترلاسه کړی.

دا ټولې لاسته راوړنې که د هغه له عمر سره پرتله شي، نو د یوه فوق‌العاده استعداد نښې پکې ښکارېږي.

سره له دې چې لمر په استرالیا کې روزل شوی، خپلې افغانې ريښې او هویت یې هېر نه دي.

د هغه ستره هیله دا ده چې یوه ورځ د افغانستان لپاره د فوټبال او فوټسال په لوبو کې په نړیواله کچه ولوبیږي.

ټاکل شوې وه، چې هند د روان کال په سپټمبر میاشت کې د اسیا کپ سیالیو کوربه‌توب وکړي، خو د نوي ډیلي او اسلام‌اباد وروستیو نښتو ته په پام، لا څرګنده نه ده چې دا سیالۍ به له پلان سره سمې ترسره شي او که نه.

د هند کرېکټ بورډ ویلي، چې دا مهال یې د اسیا کپ په تړاو بحث نه دی کړی، ځکه چې ټوله پاملرنه یې د هند کورني کرېکټ لیګ او انګلستان ته د دغه هېواد د ملي لوبډلې راتلونکي سفر ته ده.

ورته مهال، د پاکستان کرېکټ بورډ هم نه دي ویلي چې ایا د دغه هېواد لوبډله به د هند په‌ کوربه‌توب په دې سیالیو کې برخه واخلي او که نه.

د نوموړي بورډ په وینا: «له وخت سره سم به پرېکړه وکړي.»

دې سره جوخت، د اسیا کرېکټ شورا هم اعلان کړی، چې د ښځو اسیا کپ سیالۍ چې ټاکل شوې وه په سریلانکا کې وشي، د ناسمې هوا او د ویروسي ناروغۍ د خپرېدو له امله ځنډول شوې دي.

د مهال‌وېش له‌مخې، د سریلانکا کولمبو ښار به د پاکستان د لوبډلې د سیالیو کوربه وي، په‌ داسې حال کې چې نورې لوبډلې به د هند په بېلابېلو ښارونو کې لوبېږي. 

که پاکستان پای‌لوبې ته ورسېږي، نو نیمه پای‌لوبه او پای‌لوبه به هم په کولمبو یا نورو بدیل ښارونو کې ترسره شي.

د یادونې ده، چې دا مهال د هند او پاکستان ترمنځ دوه‌اړخیزې سیالۍ له ۲۰۱۳ کال راهیسې ځنډول شوې دي او دواړه لوبډلې یوازې په نړۍوالو څو اړخیزو سیالیو کې له یو بل سره مخ کېږي.

د دواړو هېوادونو د کرېکټ لوړپوړو چارواکو ویلي، چې د راتلونکو سیالیو په تړاو به هره پرېکړه د سیاسي او امنیتي وضعیت پر بنسټ وشي.

هندي رسنیو د چهارشنبې په ورځ (د غبرګولي ۱۴مه) راپور ورکړی، چې ګڼه ګوڼه د اېم چینا سوامي په لوبغالي کې هغه مهال رامنځته شوه، کله چې ننداره چیانو د لوبډلې په ویاړ بریا لمانځله.

د راپورونو له مخې، دوه تنه د ودهانا سودا په سيمه کې مړه شوي، چې د رویال چلنجرز بنګلور لوبډله د وزیر اعلي سیدامایار لیدو ته ورغلي او هغه لوبغاړو ته د ښه راغلاست مراسم جوړ کړي و.

په سيمه کې عيني شاهدان وايي، د ګڼې ګوڼې له امله ګڼ خلک بې هوښه شوي او خپرې شوې ويډيوګانو کې ښکاري، چې ځايي پولیس ژوبل کسان روغتون ته لېږدوي.

د خبر د معلوماتو له مخي، په ورته مهال لوبغالي ته نږدې د ميټرو سټېشنونو کې هم ګڼه ګوڼه زياته او په دوامداره توګه امبولانسونو ژوبل کسان لېږدول.

پولیسو ویلي، له تېرې شپې څخه یې هڅه کوله چې د بريا جشن کې د خلکو ګڼه ګوڼه کنټرول کړي؛ خو تر ډېره ونه توانېدل.

د سې شبنه په ورځ رویال چلنجرز بنګلور لوبډلې له ۱۸ کلن انتظار وروسته د ۲۰۲۵ کال د هند د غوره لیګ کرېکټ سیالیو اتلولي خپله کړه.

د دې سیالیو په پایلوبه کې رویال چلنجرز بنګلور لوبډلې پنجاب کینګز ته د ۶ منډو په توپیر ماتې ورکړه او بریا یې خپله کړه.

د ۲۰۲۵ کال د هند کرېکټ غوره لیګ د پایلوبې پچه پنجاب کینګز لوبډلې وګټله او بنګلور ته یې د توپوهنې بلنه ورکړه.

رویا چلنجرز بنګلور لوبډلې په ۲۰ اوره کې د خپلو ۹ لوبغاړو په سوځېدو د ۱۹۱ منډو هدف وټاکه.

په بنګلور لوبډله کې د هند مشهور لوبغاړي ویرات کوهلي تر نورو ډېرې منډې جوړې کړې، هغه په ۳۵ توپونو ۴۳ منډې وکړې او د افغان الراونډر عظمت الله عمرزي له لورې وسوځېد.

عمرزی د پنجاب کینګز په لوبډله کې لوبېده.

پنجاب کینګز لوبډلې په ۲۰ اوره کې د خپلو ۷ لوبغاړو په سوځېدو ۱۸۴ منډې جوړې کړې او د ۶ منډو په توپير يې ماتې وخوړه.

دغه سیالي د هند د احمداباد ښار په نرېندرا مودي لوبغالي کې تر سره شوه.

د هند کرېکټ په غوره لیګ سیاليو کې ۱۰ لوبډلې یو د بل په وړاندې ولوبېدې او پر مهال يې د افغان لوبغاړو ترڅنګ د نړۍ مشهور کرېکټ لوبغاړي هم ول.

په دې سياليو کې د افغانستان پياوړي لوبغاړي راشد خان، رحمن الله ګربز، عظمت الله عمرزی، فضل الحق فاروقي، کریم جنت، مجیب ځدران او صدیق اتل په بېلابيلو لوبډلو کې لوبې تر سره کړې.

د کرېکټ افغان تبصره کوونکي د هند دغه سيالۍ د افغان لوبغاړو د تجربو په پخېدو کې مهمې ګڼې او تمه لري، چې دغه لوبغاړي به د افغانستان په لوبو کې خورا مخکښ ولوبېږي.