مهران غلامي د هسپانیا فوټسال غوره لیګ سیالیو کې د مانزانارس لوبډلې واخیست
د افغانستان د فوټسال ملي لوبډلې ځوان لوبغاړی مهران غلامي د هسپانوۍ لوبډلې «اېل کاسیروس اېل هیدالګو مانزانارس» سره یوځای شو.
د افغانستان د فوټسال ملي لوبډلې ځوان لوبغاړی مهران غلامي د هسپانوۍ لوبډلې «اېل کاسیروس اېل هیدالګو مانزانارس» سره یوځای شو.
د افغانستان فوټبال فدراسیون د پنجشنبې په ورځ (د غبرګولي ۱۵مه) خبر ورکړی، چې افغان لوبغاړي مهران غلامي د هسپانیا په لیګ کې د مانزاناریس لوبډلې سره هوکړه لاسلیک کړې ده.
دغې هسپانوۍ لوبډلې هم په خپله رسمي پاڼه کې د مهران غلامي د خبر پخلی کړی او په فارسي ژبه یې د هغه هرکلی کړی.
دغې لوبډلې کاږلي، چې غلامي به د ۲۰۲۷ کال تر پایه د دغې لوبډلې غړی وي او هغه به د ۲۰۲۵ کال (د اکتوبر په ۳۱مه) له خپلې لوبډلې سره یوځای شي.
مهران غلامي د فوټسال ملي لوبډلې لومړنی افغان لوبغاړی دی، چې د هسپانیې فوټسال په غوره لیګ سیالیو کې لوبېږي.
نوموړی دا مهال هم د عراق فوټسال غوره لیګ سیالیو کې لوبېږي.