په ځينو ویډیوګانو کې ښکاري، چې اسراییل د تهران په استوګنځایونو بریدونه کړي

دانون دغه څرګندونې د CNN سره په یوې مرکه کې وکړې.

له نوموړي د یوې پوښتنې په ځواب کې چې که ایران غبرګون وښيي؛ نو ایا اسراییل د امریکا ملاتړ ته هیله‌من دی، وویل: «زه نه غواړم پر اټکلونو بحث وکړم.»

هغه ټینګار وکړ، چې اسراییل خپله دفاعي پرېکړه د خپلو ملي ګټو پر بنسټ کړې او که څه هم له متحدو ایالتونو سره همغږي روانه ده؛ خو دغه عملیات د اسراییل خپلواکه پرېکړه وه.

د دولتي ټلویزیون په وینا: «د نطنز بډای کولو مرکز څو ځله هدف ګرځول شوی دی.»

له دغې سیمې څخه خپرې شوې ویډیوګانې ښيي، چې له مرکز څخه لوګی پورته کېږي.

که څه هم د پېښې کره زیانونه لا تر اوسه نه‌دي روښانه؛ خو ټلویزیون یوازې د لنډمهال لپاره یو ژوندی تصویر خپور کړی، چې پکې یو خبریال له سیمې راپور ورکاوه.

رید په یوه بیان کې وویل: «د اسراییل دغه اندېښمنوونکې پرېکړه چې پر ایران هوايي بریدونه وکړي، بې‌پروا تاوتریخوالی دی چې د سیمه‌ییز تاوتریخوالي د خورېدو ګواښ لا زیاتوي.»

هغه زیاته کړه: «زه له دواړو خواوو غواړم، چې ژر تر ژره ځانونه محدود کړي او له ولسمشر ټرمپ او زموږ نړۍوالو شریکانو څخه غوښتنه کوم، چې د دغه کړکېچ د نور کنټرول له لاسه وتلو څخه د مخنیوي لپاره ډېپلوماټیکو هڅو ته وده ورکړي.»

ښاغلي زامیر ټینګار وکړ: «موږ هغه ټکي ته رسېدلي یو چې بیرته ستنېدل ناشوني دي، موږ نور انتخاب نه لرو او باید فوري اقدام وکړو.» هغه دا اقدام د دفاع د ستراتیژۍ یوه مهمه برخه وبلله.

هغه په خپلو خبرو کې وویل: «تاریخ موږ ته ښيي چې کله زموږ د له منځه وړلو هڅې کېږي، باید خپل سر ټیټ نه کړو او د خپلې هستۍ د ژغورنې لپاره په جدي توګه جګړه وکړو. ازادي هغه څوک ترلاسه کوي چې د هغې لپاره چمتو وي مبارزه وکړي»

زامیر د اسراییل پوځ د ارادې او چمتوالي په اړه هم ټینګار وکړ او ویې ویل چې دغه اقدام د ملي امنیت د خوندي کولو په لړ کې مهم او ضروري و.

دغه څرګندونې په داسې حال کې کېږي چې سیمه‌ییز امنیتي وضعیت په تېزۍ بدلېږي او اسراییل د ایران د اتومي پروګرام په وړاندې خپل موقف کلک کړی دی.

د اسراییل د برید وروسته له تهران څخه د یو شمېر ودانيو خپاره شوي انځورونه ښيي چې د یوې ودانۍ یوه ټاکلې برخه د اسراییل د برید هدف وه.

یو اسراییلي چارواکي ویلي، د اسراییل د برید هدف د ایران د حکومت د پوځي او سیاسي چارواکو کورونه وو.

اسراييل وايي، چې عملیات يې پر مهمو سيمو کړي او خاص هدفونه یې په نښه کړي دي.