د بریتانیا د بهرنیو چارو وزیر: د ایران سره د ډیپلوماسۍ لپاره نوی فرصت شته
د بریتانیا د بهرنیو چارو وزیر ډېوېډ لامي وایي، له امریکا د بهرنیو چارو له وزیر مارکو روبیو سره د سپینې ماڼۍ له غونډې وروسته اوس لا هم امکان شته چې د ایران د اټومي پروګرام په اړه د یو پراخې شخړې د مخنیوي لپاره د خبرو له لارې حللاره وموندل شي.
لامي د واشنګټن کې د بریتانیا سفارت لهخوا خپره شوې اعلامیه کې ویلي:“د منځني ختیځ وضعیت لا هم خطرناک دی. موږ موافق یو چې ایران هېڅکله اټومي وسلې ته لاسرسی ونه لري.”
نوموړی زیاتوي، دوی په دې غونډه کې پر دې خبرې وکړې چې ایران باید یو سیاسي توافق ته ورسي، ترڅو شخړه لا ژوره نه شي.
لامي وویل: “اوس یو دوه اونیز فرصت موجود دی چې د خبرو له لارې حللاره وموندل شي،”
د دغو خبرو اترو یوه برخه د امریکا ځانګړي استازي سټیو وېټکاف هم وه، او تمرکز یې د ایران او لوېدیځ تر منځ پر زیاتېدونکي کړکېچ و.