د انټرنټ د څار اداره: په ایران کې له ۴۸ ساعتونو راهیسې انټرنټې خدمات بند دي
نتبلاکس چې په بېلابېلو هېوادونو کې د انټرنټ د خدماتو په اړه معلومات وړاندي کوي ویلي، چې ایران د تېرو درېیو ورځو راهیسې د انټرنټې خدماتو څخه بې برخې دی.
نتبلاکس چې په بېلابېلو هېوادونو کې د انټرنټ د خدماتو په اړه معلومات وړاندي کوي ویلي، چې ایران د تېرو درېیو ورځو راهیسې د انټرنټې خدماتو څخه بې برخې دی.
نتبلاکس د جمعې په ورځ (د غبرګولي ۳۰مه) پر اېکس پاڼه لیکلي:« ۴۸ ساعتونه پوره شول، چې په ایران کې انټرنټي خدمات پرې شوي دي. موندنې ښيي چې دغه هېواد له دوو ورځو څخه د زیات وخت لپاره په بشپړ ډول له انلاین شبکې پری شوی دی.»
د انټرنټ څار ادارې ویلي، چې د انټرنټ د یادې ستونزې له امله د کورنیو ترمنځ اړیکي پرې شوي او خلک د ایران او اسراییل ترمنخ د نښتو له وضعیت څخه ناخبره پاتې دي.
پرهمدغه مهال د ایران د مخابراتو وزارت ویلي:« د ایرانیانو لپاره چې له هېواده بهر دي دا امکان برابر شوی، چې د بومي پیغام رسوونکو اپلیکیشن له لارې له خپلو کورنیو سره اړیکه ونیسي.»
