اریانا سعید زلالې ته: له ماسره اړیکه ونیسه
د افغانستان انټرنشنل لهخوا د افغانې سندرغاړې "زلاله هاشمي" د تښتول کېدو د راپور په تړاو چې د هغې د خاوند له قوله خپور شوی، یو شمېر سندرغاړو غبرګون ښودلی دی.
د افغانستان انټرنشنل لهخوا د افغانې سندرغاړې "زلاله هاشمي" د تښتول کېدو د راپور په تړاو چې د هغې د خاوند له قوله خپور شوی، یو شمېر سندرغاړو غبرګون ښودلی دی.
افغانې نوموتې سندرغاړې "اریانا سعید" د یادې پېښې له رامنځته کېدو سره جوخت پر خپلې فېسبوک پاڼې له بشري حقونو او نړۍوالو سازمانونو وغوښتل، چې ژر تر ژره دغه مساله وڅېړي او د هغې د موندنې لپاره لازم اقدامات وکړي.نوموړې نن بیا په یوه بل فېسبوکي پیغام کې لیکلي، چې د نویو اطلاعاتو له مخې احتمالاً "زلاله هاشمي" نه ده تښتول شوې او ښايي د شخصي او کورنیو مسایلو له امله یې خپل کور پرېښی وي.نوموړې همداراز لیکلي، "که چېرې مېرمن زلاله دغه پیغام ګوري، ترې هیله کوم چې، له ماسره اړیکه ونیسي او خپل روایت راسره شریک کړي. ستا غږ مهم دی او ستا امنیت او سلامت راته لومړیتوب لري. "د افغانې سندرغاړې "زلاله هاشمي" خاوند "سید محسن هاشمي" وړمه ورځ افغانستان انټرنشنل- پښتو ته په یوې لېږلې ویډيو کې ویلي، چې ۱۵ ورځې وړاندې زلاله په کابل کې لادرکه شوې.خو تر هغې وروسته د طالبانو امنیتي مسوولینو د دغې مسالې په تړاو وویل، چې د لومړنیو څېړنو له مخې، مېرمن زلاله په خپله خوښه خپل کور پرېښی او تښتول شوې نه ده او د موندنې په تړاو یې د پلټنو له دوامه خبر ورکړی وو."زلاله هاشمي" په افغانستان کې د "طلوع" خصوصي ټلویزیون د "افغان ستوري" په سندريز پروګرام کې د ګډون او وروستي پړاو ته د رسېدو له امله مشهوره وه.زلاله یو ۴ کلن زوی لري او کورنۍ يې وایي، روغتیايي حالت يې سم نه دی.د ویلو ده، چې د زلالې له ورکېدو د ۱۷ ورځو په تېرېدو سره یې لا هم برخلیک نه دی روښانه شوی.په افغانستان کې د طالبانو له بیا واکمنېدو سره سم، کابو ټول سندرغاړي د هېواد پرېښودو ته اړ شول او ځینو یې لا خپل هنر ته هم شا کړې ده.
