برېتانیا د افغانستان لپاره ځانګړی استازی وټاکه

د طالبانو د امر بالمعروف او نهې عن المنکر او شکایتونو اورېدو وزارت نن شنبه (د غبرګولي ۳۱مه ) د یوې خبرپاڼه په خپرولو سره ویلي، چې یاد وزارت د پلازمېنې کابل ښار د تېلو د اتحادیې له مسوولینو ته په پمپونو کې د جوماتونو د جوړولو او د تېلو د نرخو د کنټرول په اړه سپارښتنې شوي.

په دې ناسته کې د طالبانو د امر بالمعروف وزارت نظامي مرستیال، شیخ شهید خېل، د وینا پر مهال ویلي: «د تېلو پمپونو مسؤلین باید له دې څخه ډډه وکړي چې تېل په لوړه بیه وپلوري، د لېتر په اندازه کې کموالی راولي، یا په دغه برخه کې انحصار رامنځته کړي. دا کار به د سوداګرۍ په برخه کې د الهي قوانینو د تطبیق او د موجودو منکراتو د مخنیوي لامل شي.»

دا څرګندونې په داسې حال کې کېږي، چې د ایران او اسراییل روان کړکېچ له امله د افغانانو شکایتونه دا دي، چې د تېلو بیې لوړې شوي دي او د طالبانو په دې ناسته کې هم د تېلو د بیو په اړه خبرې شوي دي.

بلخوا د طالبانو مشر ملاهبت له دې وړاندې امر کړی و، چې د هېواد په لویو لارو کې دې د مساپرو لپاره جوماتونه جوړ شي خو اوس دغې ډلې په لویو لارو کې پمپونو مسوولینو ته سپارښتنه کړې چې تاسې باید په هر پمپ کې یو یو جومات جوړ کړی.

په خبرپاڼه کې ویل شوي، چې ښاغلی متقي به د اسلامي همکاریو د بهرنیو چارو وزیرانو په غونډه کې د وینا ترڅنګ د ځینو هېوادونو د بهرنیو چارو وزیرانو سره د ناستې په څنډه کې پر دوو اړخیزو او سیمه ییزو مسایلو هم لیده کاته وکړي.

طالبانو د متقي د یاد سفر په اړه نور جزییات نه دي ورکړي، خو د اسلامي همکاریو سازمان له لوري پر ایران د اسراییل د برېدونو په تړاو غونډه د بهرنیو چارو وزیرانو په کچه نن په ترکیه کې پیل شوې او سبا به هم دوام ولري.

د طالبانو د پنجشېر ولایت د کانونو او پټرولیم رییس مولوي محمد قاسم امیري ددې ډلې تر واک لاندې باختر اژانس ته ویلي، چې په دې وروستیو کې د یاد ولایت د حصه اول ولسوالۍ په مربوطاتو کې د زمردو ۲۱ نوې ساحې د مسلکي او تخنیکي ټیمونو له لوري کشف او تثبیت شوې دي.

نوموړي زیاته کړه، چې د یادو ساحو له ډلې څخه یې ۱۵ ساحې د رسمي جوازونو له ترلاسه کولو وروسته د استخراج پړاو ته رسېدلي او په ۶ نورو برخو کې یې کار روان دی.
د نوموړي په وینا په دغه ولایت کې د زمردو څه باندې ۱۷۰۰ کانونه ثبت شوي، چې تراوسه پورې څه باندې ۶۰۰ کانونو د استخراج جوازونه ترلاسه کړي او د نږدې ۳۰۰ کانونو د استخراجولو چارې روانې دي.
طالبان وايي دغه اقدامات د پنجشېر د زمردو د استخراج او صادراتو د زیاتوالي او د یاد ولایت د اوسېدونکو د اقتصادي حالت د ښه والي لپاره ترسره شوي دي.

یوې سیمه‌ییزې سرچینې ویلي چې شاوخوا ۷۰ رینجر موټرونه چې د طالبانو په وسله والو ځواکونو سمبال و د جرم او باغ مبارک له لوري راغلي دي.

د سرچینې په وینا، د لرې پرتو کلیو خلک هم د طالبانو پر ضد په دې ولسي غونډه کې د ګډون په موخه راټول شوي دي.

د طالبانو د کوکنارو د له منځه وړلو د پروګرام پر ضد لاریونونه تېره اونۍ پیل شول.

سیمه‌ییزو سرچینو د پنجشنبې په ورځ (د غبرګولي په ۱۹مه) افغانستان انټرنشنل ته وویل چې د خاش ولسوالۍ اوسېدونکو د طالبانو له خوا د کوکنارو د کروندو د ویجاړولو پر ضد لاریون وکړ.

بزګران وايي چې د کوکنارو د کښت لپاره د بدیل معرفي کولو پرته، سیمه‌ییز اقتصاد به زیانمن شي او خلک به وږي شي.

د پنجشنبې په ورځ د افغانستان انټرنشنل لخوا ترلاسه شوي ویډیوګانې ښیي چې لاریون کوونکي د طالبانو ځواکونو سره په جګړه بوخت دي او د طالبانو د مخدره توکو پر ضد ادارې پورې اړوند څو ټراکټورونه سوځوي.

د خاش ولسوالۍ اوسېدونکو وویل چې د طالبانو د مخدره توکو پر وړاندې د مبارزې ادارې افسرانو په لاریون کوونکو ډزې وکړې.

په پیښه کې د احتمالي تلفاتو په اړه تر اوسه معلومات نشته.

د طالبانو د مشر هبت الله اخوندزاده د فرمان پلي کول چې په بدخشان کې د کوکنارو کښت له منځه یوسي، له پراخو ننګونو سره مخ دي.

د ارګو او درایم ولسوالیو بزګرانو هم پخوا د طالبانو د کوکنارو د له منځه وړلو پروګرام پر وړاندې لاریون کړی و.

لاریون کوونکي په بېلابېلو ولایتونو کې طالبان په دوه ګوني چلند تورنوي.

دوی په بدخشان کې د غیر سیمه‌ییزو طالبانو له شتون او پراخ ځواک څخه هم ناخوښه دي.

د طالبانو د ریاست الوزرا اقتصادي معاونیت د شنبې په ورځ (د غبرګولي ۳۱مه) د یوې خبرپاڼې په خپرولو سره ویلي، چې د ملا عبدالغني برادر په مشرۍ د سټنډرډ عالي شورا په څلورمه فوق العاده غونډه کې یې د نفتي توکو په برخه کې شپږ سټنډرډونه او ۵۱ ازمایښتي کړنلارې تصویب کړي.

په خبرپاڼه کې د ملا عبدالغني برادر له قوله لیکل شوي: «په هېواد کې د اقتصادي ثبات او د عامو هېوادوالو د روغتیا خوندي ساتلو په موخه مو د بې کیفیته وارداتو د کنټرول لپاره یو لړ مهم او ګټور ګامونه پورته کړي دي. دا هڅې نه یوازې د داخلي بازار کیفیت ته وده ورکوي، بلکې د مصرف کوونکو باور هم پیاوړی کوي.»

د ریاست الوزرا اقتصادي مرستیال د سټنډرډ عالي شورا ته امر کړی، چې تازه تصویب شوي سټنډرډونه په ښه ډول عملي کړي.

د طالبانو د سټنډرډونو د عالي شورا ویلي، دغه سټنډرډونه د ډیزلو، پټرولو، اوبلن ګاز او پایدار کاندنسات ګاز اړوند تصویب شوي دي.

طالبانو د تازه تصویب شویو سټنډرډونو او کړنلارو په اړه جزییات نه دې ورکړي، خو یاد ګام یې د نفتي توکو د کیفیت د لوړولو په لور مهم ګام بللی دی.

د طالبانو د سټنډرډ عالي شورا په داسې حال کې د نفتي توکو د وارداتو لپاره سټنډرډونه او کړنلارې تصوب کړي دي، چې خلک هېواد ته د بې کیفیته تېل او ګاز واردېدو له امله سخت شکایتونه کوي.