جاپان 'ټویټري قاتل' اعدام کړ

جاپان هغه کس اعدام کړ، چې د خواله رسنۍ له لارې د نهو کسانو د وژلو په قضیه کې مجرم پېژندل شوی و. تاکاهیرو شیرایشي ټوکیو ته چې د 'ټویټري قاتل' په نوم هم مشهور دی؛ د اتو ښځو او یو سړي د وژنې په تور د مرګ سزا اورول شوې وه.

د الجزیرې د راپور له مخې؛ هغه ته د "ټویټري قاتل" نوم له دې امله ورکړل شوی، چې د پخواني ټویټر یا اوسني اېکس له لارې یې قربانیانو سره اړیکه نیولې وه او له هغه وروسته یې دغه کسان وژلي وو.

په تېرو درېیو کلونو کې دا په جاپان کې د اعدام لومړۍ پېښه ده؛ تر دې وړاندې په جاپان کې په ۲۰۲۲ کال کې یو کس اعدام شوی و.