په میدان وردګ کې د سېلابونو له امله یو کس مړ او ۳ نور ټپيان دي

د میدان وردګ د والي ویاند وحیدالله سروري وايي، د دغه ولایت په نرخ، چک، دایمیر داد او جغتو ولسوالیو کې د تېرې شپې د سېلابونو له امله له اوښتې مرګ ژوبلې سربېره سلګونه جریبه کرنیزه ځمکه او باغونه هم ویجاړ شوي دي.

د نوموړي په وینا، په دې پېښه کې یوازې په نرخ ولسوالۍ کې یو کس مړ شوی او ۳ نور ټپيان شوي دي.
له دې سره سم، د دغو سېلابونو له امله په نرخ او دایمیرداد ولسوالیو کې ځینې لارې هم بندې شوي او د سیمې خلک له ګڼو ستونزو سره مخ دي.
ځايي مسوولین وايي، اړوندې ادارې هڅې کوي چې په یادو ولسوالیو کې بندې لارې د ټرافیکو پر مخ خلاصې کړي.
لا تر اوسه له دغو سېلاب ځپلو سره هېڅ ډول مرستې نه دي شوي.