په ننګرهار ولایت کې پر نشه یي توکو روږدي یوه ځوان ځان وژنه کړې ده
د ننګرهار ولایت په سرهرود ولسوالۍ کې د یوه ځوان جسد نن ترهغه وروسته وموندل شو، چې څو ورځې مخکې یې په خپل کور کې ځان زندۍ کړی و.
د ننګرهار ولایت په سرهرود ولسوالۍ کې د یوه ځوان جسد نن ترهغه وروسته وموندل شو، چې څو ورځې مخکې یې په خپل کور کې ځان زندۍ کړی و.
د سرچینې په وینا، یاد ځوان پر نشهيي توکو روږدی و او مړی یې چې بوی او پړسوب یې کړی و، د سیمې د خلکو په همکارۍ له کور څخه را اېستل شوی دی.
سرچینه زیاتوي، چې د پېښې پر مهال له نوموړي سره هېڅوک حاضر نه و او مېرمن یې هم له څه مودې راهیسې د خسرګنۍ له خوا له خپل مېړه سره له ژوند کولو منع شوې وه.
دغه ځوان ۲۳ کلن و او په اصل کې د پچیراګام ولسوالۍ د ګریخېل سیمې اوسېدونکی و او په دې وروستیو کې په سرهرود ولسوالۍ کې اوسېده.
دغه جسد د عدلي طب له څېړنو وروسته خپلوان ته یې وسپارل شو.
