ایران نه په زوره ستانه شوي افغانان؛ سلام حنفي په هرات کې یو پنډغالي ته ورغلی

AP ۱۴۰۴ چنگاښ ۸ ۰۳:۴۵ GMT+۱

په داسې حال کې چې له ایران څخه د افغان کډالو د جبري ایستل کېدو لړۍ زور اخیستی د طالبانو د ریاست الوزرا اداري مرستیال عبدالسلام حنفي د هرات په اسلام کلا بندر کې د دغو ستنو شویو افغانانو له یوه پنډغالي څخه لیدنه کړې او د اسانتیاوو برابرولو ډاډ یې ورکړی.

په هرات کې د طالبانو د اطلاعاتو او کلتور رییس احمد الله متقي زیاته کړې چې د شنبې په ورځ د (چنګاښ ۷مه) له راستنو شویو افغانانو سره نغدي مرستې هم وشوې.

طالبانو تر دې مخکې خبر ورکړی و چې له ایران څخه د تېرې یوې میاشتې په لړ کې «۱۰۰زره افغانان» په زوره ایستل شوي او دا لړۍ له تېرې اونۍ راهیسې لا نوره ډېره چټکه شوې ده.

•

د ننګرهار سوداګرو له طالبانو څخه د ستونزو حل غوښتی

AP ۱۴۰۴ چنگاښ ۸ ۰۳:۲۲ GMT+۱

د ننګرهار سوداګرۍ خونې غړو د طالبانو د صنعت او سوداګرۍ وزیر نورالدین عزیزي ته ویلي چې دوی له بېلابېلو ستونزو سره مخ دي او باید حل شي. د یاد وزارت په خبرپاڼه کې راغلي چې د ننګرهار له سواګرو څخه غوښتل شوي، څو خپلې ستونزې ورسره په لیکلې بڼه په تفصیلي توګه شریکې کړي.

ایران: له امریکا سره تر هوکړې وروسته ښايي د غني شویو یورانیمو یوه برخه بل هېواد ته ولېږدوو

AP ۱۴۰۴ چنگاښ ۸ ۰۲:۱۹ GMT+۱

په ملګرو ملتونو کې د ایران دايمي استازي امیر سعید ایرواني ویلي، د اټومي پروګرام پر سر له امریکا سره د یوې هوکړې د رامنځته کېدو پر مهال به ښايي تهران د غني شویو یورانیمو یوه برخه یوه بل هېواد ته ولېږدوي.

د العربیه خبري اژانس د راپور له مخې، امیر سعید ایرواني د "مانیتور" خبري وېبپاڼې د یوې پوښتنې په ځواب کې ویلي: "ایران هوډ لري چې خپل اټومي ظرفیت وساتي؛ خو بیا هم چمتو دی چې د رېکټورونو د خوندینې او د انرژۍ د برابرولو لپاه د سیمې له هېوادونو او همداراز له څو اړخیز کنسرسیوم سره همکاري وکړي. "
هغه همداراز په ډاګه کړې، چې ایران به په خاصو شرایطو کې د غني شویو یورانیمو یوه برخه له هېواده بهر ولېږدوي.
امیر سعید ایرواني زیاته کړې: "ایران په مشخصو شرایطو سره حاضر دی چې ۲۰ سلنه او ۶۰ سلنه غني شوي یورانیم له هېواده بهر ولېږدوي. "
نوموړي همداراز ښکاره کړه، چې ایران د خپلو توغندیو په تړاو مذاکراتو ته چمتو نه دی او دا به ونه مني چې د بهرنیو د پانګونو شرط په دې برخه کې د خبرو لپاره د فشار په توګه وکارل شي.
په داسې حال کې چې ایران غواړي خپل اټومي ظرفیت وساتي؛ خو امریکا بیا له دغې چارې سره په کلکه مخالفه ده.

ټرمپ:که نتنیاهو محاکمه شي؛ نو له اسراییل سره به خپلې مرستې ودروي

AP ۱۴۰۴ چنگاښ ۸ ۰۲:۱۰ GMT+۱

پر غزې د اسراییل له بریدونو او په ځانګړې توګه هلته د اسراییلي ځواکونو په بریدونو کې د ولسي وګړو او ماشومانو له وژنې وروسته د اسراییل د لومړي وزیر بنیامین نتنیاهو د محاکمه کېدو مساله مطرح شوې او ان د جرمونو د نړۍوالې محکمې له لوري یې د نیول کېدو مساله هم راپورته شوې ده.

د امریکا ولسمشر ویلي، امریکا له اسراییل څخه د ملاتړ لپاره میلیاردونه ډالره لګوي.

نوموړي همداراز تلویحاً ګواښ وکړ، چې د نتنیاهو د محاکمه کېدو په صورت کې به له اسراییل سره کېدونکې مرستې بندې کړي او دغه راز یې په ډاګه کړه، دغه وضعیت به ونه زغمي.»
ډونالډ ټرمپ د نتنیاهو محاکمه یو "مغرضانه او سیاسي" څار وباله او زیاته یې کړه، چې دغه اقدام به «له ایران او حماس سره د مذاکراتو بهیر ټکنی کړي.»
ټرمپ همداراز ویلي: «نتنیاهو اوس له حماس سره د توافق د ترلاسه کولو لپاره د مذاکراتو په بهیر کې دی او په دې مذاکراتو سره به له حماس سره برمته شوي کسان هم ازاد شي.»
د امریکا ولسمشر د اسراییل لومړی وزیر د "جګړې اتل" او داسې مشر وباله، چې له امریکا سره یې ډېره ښه همکاري درلوده او همداراز یې په ډاګه کړه: «هغه په ایران کې د اټومي ګواښوونکي خطر په حذفولو کې لویه لاسته راوړنه درلوده.»

واشنګټن پوسټ: له منځني ختیځه د امریکايي ځواکونو اېستنه ضروري ده

AP ۱۴۰۴ چنگاښ ۸ ۰۰:۴۱ GMT+۱

په منځني ختیځ کې د اسراییل او ایران تر منځ د څه کم دوه اوونیزې جګړې او د ایران پر اټومي تاسیساتو د امریکا له بریدونو وروسته په سیمه کې د امریکايي ځواکونو د خوندینې د څرنګوالي په تړاو اندېښنې ډېرې شوې دي.

په واشنګټن پوسټ کې د امنیتي چارو دوو کارپوهانو لیکلي، چې د ایران پر اټومي تاسیساتو د امریکا له بریدونو وروسته داسې ښکاري، چې په منځني ختیځ کې د امریکايي ځواکونو حضور د ګټې پر ځای د ضعف پر ټکي بدل شوی دی.
د دغو امنیتي کارپوهانو په وینا، د ایران پر اټومي تاسیساتو په برید کې بي-۲ الوتکو ګډون درلود او هغه الوتکې هم له امریکا پورته شوې وې او د ټاماهاوک توغندي هم په فارس خلیج کې له اوبتلو توغول شوي وو.
دغو کارپوهانو په ډاګه ویلي، اوس د دې وخت دی چې امریکا باید له یادې سیمې خپل ځواکونه وباسي.
د ویلو ده، چې په قطر کې د العدید په نوم د امریکايي ځواکونو یوه نظامي اډه ده او د ایران پر اټومي تاسیساتو د امریکا له بریدونو وروسته ایران یاده اډه په توغندیو سره په نښه کړه.

طالبانو په غزني کې یو ټیکټاکر نیولی، ویښتان یې ور کم کړي او د پښېمانۍ ویډیو یې ترې اخیستې

AP ۱۴۰۴ چنگاښ ۸ ۰۰:۲۶ GMT+۱

په غزني کې د طالبانو د امربالمعروف ریاست محتسبینو د ټیکټاک یو فعال احضار کړی، چې د دوی په باور یاد ځوان په ټولنیزو رسنیو کې نا مناسبې ویډیوګانې خپرولې. طالبانو له دغه تنکي ځوانانه یوه ویډیو هم اخیستې، چې پکې لیدل کېږي د نوموړي ویښتان کم شوي او وایي، په خپلو فعالیتونو پښېمانه دی.

دغه تنکی ځوان په یاده ویډیو کې ځان "سراج احمد" معرفي کوي او وايي، چې د غزني د "ده یک" ولسوالۍ اوسېدونکی دی.
د دغې څه کم یو دقیقه يي ویډيو په یوې خوا کې د دغه تنکي ځوان د ټيک ټاک یوه برخه چې وېښتان یې اوږده دي او په نیمه نڅا او خندونکي وضعیت کې لیدل کېږي هم ځای پر ځای شوې ده.
دی وايي: «جرم مې یو درې ۴ ټيکټاکه دي. بیا محتسبینو زه ونیولم. زه پر خپل جرم پښیمانه یم، نور په ضمانت دا کار نه کوم... زه نور په ټول ژوند کې دا جرم نه کوم.»
د یادې خپرې شوې ویډیو په سر کې په یوه لیکلي پیغام کې لیکل شوي: «ځوانان باید خپل وطن او اسلامي نظام ته کار وکړي.»

په دې ویډیو کې همداراز زیاته شوې: «تاسو په ټولنیزو رسنیو کې داسې څه باید خپاره نه کړئ چې له هغه څخه دې ټولنه زیانمنه شي.»
د طالبانو د امربالمعروف او نهې عن المنکر وزارت ویاند هم د دغې ویډيو په بیا خپرولو سره دغه تنکي ځوان ته د "یو عدد ټيکټاکر" خطاب کړی دی.
نوموړي زیاته کړې: «متاسفانه چې زمونږ یو نیم وګړي بیا دغه وسیله د خپل ځان او نورو لپاره د شرم، پیغور، تکلیف او ازیت سبب ګرځوي، دغه ځوان د غزني ولایت دی.»
دا لومړی ځل نه دی، چې په افغانستان کې ځوانان د ټیک ټاک او نورو بوختوونکو ټولنیزو رسنیو د کارولو له امله نیول کېږي او ان ځینې یې بیا تر بندخونو هم رسول کېږي.
په داسې حال کې چې د طالبانو مشر خپل تر لاس لاندې ټولو کسانو ته ویلي، چې د هر ډول تور پر مهال باید له تورن څخه ویډيو یا عکس وانه خیستل شي او هېڅکله هم په خواله رسنیو کې خپاره نه شي؛ خو بیا هم داسې ښکاري چې د طالبانو مشر ته د تر ټولو منلي وزارت یعنې د امربالمعروف او نهې عن المنکر وزارت کارکوونکي یادې سپارښتنې ته چندان پام نه کوي او له تورونو او نورو رسنیزو فعالینو ویډیوګانې اخلي او بیا یې خپروي.
تر دې مخکې هم یو شمېر ټیکټاکران د طالبانو له لوري نیول شوي او دې ته اړ کړای شوي، چې اول خو باید خپل فعالیتونه ودروي او که بیا هم دغه چاره د پیسو ګټلو لپاره کوي؛ نو اړ دي چې د دوی صفت وکړي او هېڅکله هم له هغه سره د شوي چلند په اړه خبرې ونه کړي.

•

ایران نه په زوره ستانه شوي افغانان؛ سلام حنفي په هرات کې یو پنډغالي ته ورغلی

د خلیل حقاني ترور؛ د ټي ټي پي په مرسته د ۳۵۰ پاکستاني پوځیانو په بدل کې خوشې شوی طالب

د طالبانو فتوا: پر مسلمانانو واجب ده چې د افغانستان خاوره د چا پر ضد ونه کاروي

المرصاد: پر خلیل‌الرحمان حقاني د ځانمرګي برید امر له بلوچستان څخه ورکړل شوی و

سرچینې: کابل کې د دیني عالمانو غونډه د ملا هبت الله په مشرۍ شوې

د هبت الله په مشرۍ د علماوو غونډې پرېکړه؛ له افغانستان نه بهر نظامي فعالیت جایز نه دی

د ننګرهار سوداګرو له طالبانو څخه د ستونزو حل غوښتی

ایران: له امریکا سره تر هوکړې وروسته ښايي د غني شویو یورانیمو یوه برخه بل هېواد ته ولېږدوو

ټرمپ:که نتنیاهو محاکمه شي؛ نو له اسراییل سره به خپلې مرستې ودروي

واشنګټن پوسټ: له منځني ختیځه د امریکايي ځواکونو اېستنه ضروري ده

طالبانو په غزني کې یو ټیکټاکر نیولی، ویښتان یې ور کم کړي او د پښېمانۍ ویډیو یې ترې اخیستې

ترویج لرونکی

د خلیل حقاني ترور؛ د ټي ټي پي په مرسته د ۳۵۰ پاکستاني پوځیانو په بدل کې خوشې شوی طالب

د طالبانو فتوا: پر مسلمانانو واجب ده چې د افغانستان خاوره د چا پر ضد ونه کاروي

المرصاد: پر خلیل‌الرحمان حقاني د ځانمرګي برید امر له بلوچستان څخه ورکړل شوی و

سرچینې: کابل کې د دیني عالمانو غونډه د ملا هبت الله په مشرۍ شوې

د هبت الله په مشرۍ د علماوو غونډې پرېکړه؛ له افغانستان نه بهر نظامي فعالیت جایز نه دی

د ننګرهار سوداګرو له طالبانو څخه د ستونزو حل غوښتی

ایران: له امریکا سره تر هوکړې وروسته ښايي د غني شویو یورانیمو یوه برخه بل هېواد ته ولېږدوو

ټرمپ:که نتنیاهو محاکمه شي؛ نو له اسراییل سره به خپلې مرستې ودروي

واشنګټن پوسټ: له منځني ختیځه د امریکايي ځواکونو اېستنه ضروري ده

طالبانو په غزني کې یو ټیکټاکر نیولی، ویښتان یې ور کم کړي او د پښېمانۍ ویډیو یې ترې اخیستې