منظور پښتین: د پاکستان پوځ د پښتنو پر ضد پراخه ظلمونه ترسره کړي

د پاکستان پوځ د عامه اړیکو ادارې له‌خوا ویل شوي، چې دغه وسله‌وال یې ډیورنډ کرښې څخه د اوښتو پر مهال په نښه کړي او بیا یې وروسته د شمالي وزیرستان په حسن خېل سیمه کې چاڼیز عملیات هم ترسره کړي دي.

همدا راز ادعا شوې، چې له وژل شویو وسله‌والو څخه یې یو شمېر وسلې هم ترلاسه کړې دي.

دغو وژل شویو کسانو ته د پاکستان پوځ د «خوارجو» کلېمه کارولې، چې دوی یې «ټي‌ټي‌پي» ته مخاطبوي.

د پاکستاني طالبانو تحریک ډله په دې وروستیو کې په شمالي وزیرستان او د پښتونخوا په یوشمېر نورو سیمو کې سخته فعاله شوې او د پوځیانو پر ضد یې خپل بریدونه هم پراخ کړي دي. لا تر اوسه پورې «ټي‌ټي‌پي» د دغو ادعاوو په تړاو څه نه دي ویلي.

د پاکستان پوځ په خپله خبرپاڼه کې له افغانستانه غوښتي، چې د پاکستان پر وړاندې د افغان خاورې د کارونې د مخنیوي لپاره اغېزمن ګامونه واخلي.

پوځ ټینګار کړی، چې د دوی ځواکونه د هېواد د پولو د دفاع او د هند له‌خوا تمویلېدونکي ترهګرۍ د له منځه وړو لپاره ژمن دي.

یادې ډلې نن پنجشنبه د (د چنګاښ ۱۲مه) د یوې خبرپاڼې په خپرولو سره ویلي، چې د پاکستان پوځ هڅه کوي د طالبانو پرضد عملیاتو په نامه قبایلي خلک جبري کډوالۍ ته اړ کړي او په دې پلمه د دوی کورونه، طبیعي زیرمې او نورې سرچینې ولکه کړي.

په خبرپاڼه کې د تحریک طالبان پاکستان ویاند محمد خراسانی ادعا کړې چې د پوځ مشرتابه، په ځانګړې توګه د عاصم منیر او د امریکايي چارواکو ترمنځ له کتنې وروسته د ولکې او د شخصي قدرت د دوام لپاره د شتمنیو د کارونې هڅې ګړندۍ شوې دي.

په خبرپاڼه کې تحریک طالبان خپلو جنګیالیو ته امر کړی چې د ملکي خلکو ژوند ته په پام د پاکستاني ځواکونو پر وړاندې عملیات ترسره کړي.

تحریک طالبان پاکستان ویلي چې د عملیاتو تمرکز به یې له ښاري سیمو دباندې پر پوځي چاوڼیو او نورو تحرکاتو وي څو ددوی په وینا، د پاکستان پوځ ته د ملکي سیمو د بمباریو پلمه په لاس ورنه شي.

د خپرپاڼې په پای کې پر خلکو هم غږ شوی چې د پاکستان د پوځ پر وړاندې ودریږي او له خپلو حقونو دفاع وکړي.

د پاکستان حکومت تراوسه په دې اړه څه نه دي ویلي خو وړاندې د وزیرستان ولسونو هم په خپلو سیمو کې د پوځي عملیاتو د ترسره کولو پر وړاندې نا رضایتي ښودلې وه.

رپوټونه وايي، چې د پاکستان پوځ د شمالي وزیرستان اتمانزیو قبیلې ته وخت ورکړی، چې خپل دریځ روښانه کړي او یا له طالبانو سره ودریږي او یا د پوځ ملاتړ و کړي.

د اتمانزیو قبیلې له دغه خبرداري وروسته خپله جرګه راغوښتې او د پوځي عملیاتو مخالفت یې کړی.

پاکستانۍ خراسان ډایري ورځپانې د چهارشنبې په ورځ (د چنګاښ ۱۱مه) په یوه خبر کې د پاکستاني چارواکو له قوله لیکلي، چې پر دغه وسله والو یې له درېيو خواو هغه مهال برید وکړ، کله چې يې غوښتل پر ډیورنډ کرښه اغزن سیم پرې کړي.

په خبر کې ویل شوي، چې د پاکستاني طالبانو غړو پلان درلود له افغانستان څخه د شمالي وزيرستان ځينو سیمو ته د بریدونو لپاره ولاړ شي.

پاکستاني پوځ ویلي، چې په دې برید کې يې ۷ وسله وال ټپیان کړي او ممکن یو شمېر وسله وال پاکستان ته داخل شوي؛ خو ټينګار يې کړی چې په سيمه کې به یې عملیات دوام ولري.

که څه هم طالبانو په دې اړه څه نه دي ویلي؛ خو پاکستاني چارواکو ويلي چې په یاده سیمه کې اکثره وخت د حافظ ګل بهادر ډلې اړوند جنګيالي فعالیت کوي.

هغه زیاته کړه، چې « د وزیرستان خلک اوس له ډېرو جدي ننګونو سره مخامخ دي، وروستي حالات ځوروونکي دي نو ځکه دا ضروري وګڼل شوه چې ټول په ګډه یوه پریکړه وکړي».

د پشتین په وینا، د پښتون ژغورنې غورځنګ د ولسونو له پریکړو ملاتړ کوي او د عملي کولو لپاره یې له دوی سره ولاړ دی.

سرچینې وايي، د روانې چنګاښ میاشې پر۷مه نېټه د شمالي وزیرستان غلام خان بندر ته څېرمه د پاکستاني پوځيانو پر موټریز کاروان برید کې د ۱۳پوځيانو له وژل کېدو وروسته پوځ د اتمانزیو وزیرو جرګې ته ویلي، چې د طالبانو پر وړاندې خپل دریځ روښانه کړي.

له برید وروسته د پاکستان حکومت په سیمه کې پر تګ راتګ محدودیتونه ولګول چې له امله یې خلکو په بېلابېلو بڼو اعتراضونه وکړل.

د ملي ډېموکراټیک غورځنګ مشر محسن ویلي و چې د شمالي وزیرستان خلک د ترهګرو د بریدونو له امله د تګ راتګ محدودیتونو سره مخ دي.

له یاد برید وروسته د پاکستان د پوځ مشر عاصم منیر خېبرپښتونخوا ته ولاړ او په ټينګار سره یې وویل چې د برید له عاملینو به غچ واخلي او په سیمه کې به د ترهګرۍ اصلي سرچينې افشا کړي.

د ګل بهادر په مشرۍ اتحاد المجاهدین پاکستان وسله والې ډلې د یاد موټر بم برید مسوولیت منلی و.

د سرچینو په وینا، اتمانزيو قبیلې ته درې ورځې وخت ورکړل شوی، چې په خپلو سیمو کې د طالبانو د فعالیتونو مخه ونیسي او که چیرې یې مخه ونه نیول شي، احتمال شته، چې پوځي عملیات ترسره شي.

د اتمانزي قبیلې ویاند مفتي بیت الله ویلي، چې که حکومت ددوی پرېکړه ونه مني، وزیرستان ته ټولې غځېدلې لارې به وتړي.

په دې وروستیو کې په وزیرستان او د خیبر پښتونخوا په نورو سیمو کې د پاکستاني ځواکونو پر وړاندې د بریدونو څپه تیزه شوې چې وخت ناوخت یې پاکستاني ځواکونه هم په غبرګون کې ځوابي بریدونه کوي.

ځايي سرچینو نن شنبې افغانستان انټرنشنل ته وویل، چې د خېبر پښتونخوا په سوېل لوېدیځ شمالي وزیرستان کې او د غلام خان بندر ته څېرمه یوه ځانمرګي بریدګر د پاکستاني پوځیانو پر نظامي کاروان ځانمرګی برید کړی . په دې برید کې شپږ پاکستاني پوځیان ټپیان شوي دي.

ځايي سرچینو وویل، چې ټپیان د میرانشا روغتون ته لېږدول شوي دي.

د رارسېدلو معلوماتو له مخې، ځانمرګی بریدګر پر موټر سپور و او د پاکستاني پوځیانو د موټرو پر کاروان یې برید کړی دی.

دوی همدراز زیاتوي په ټپي شویو کې د درېیو کسانو حالت نازک ښودلی و.