د طالبانو ویاند ذبیح الله مجاهد د روسیې لهخوا د دوی د ادارې د رسمیت پېژندنې پرېکړه ستایلې او هیله یې څرګنده کړې چې دا کار به د دواړو هېوادونو ترمنځ اړیکې لا نورې هم پیاوړې کړي.
مجاهد د روسیې دولتي خبري آژانس ریانووستي ته ویلي: «روسیې د همکارۍ او تفاهم یو نوی فرصت رامنځته کړی دی. موږ هیله لرو چې نور هېوادونه هم له دې پرېکړې الهام واخلي او د اړیکو نوې پاڼې پرانیزي».
هغه د روسیې له چارواکو مننه کړې او زیاته کړېیې ده چې طالبان د دغې زړورې پرېکړې قدرداني کوي.
نوموړي دا اقدام «زړور ګام او پر خپل وخت پرېکړه» بللی.
.
