سرچینې: طالبانو په پنجشېر کې د مقاومت جبهې د غړیتوب په تور دوه تنه وژلي
په پنجشېر کې محلي سرچینو تایید کړې چې د طالبانو د لواء ځانګړي ځواک جنګیالیو دوه تنه ولسي وګړي له څو ورځني بند او شکنجې وروسته، د ملمخاک په غرنۍ سیمه کې په ډزو وژلي دي.
په پنجشېر کې محلي سرچینو تایید کړې چې د طالبانو د لواء ځانګړي ځواک جنګیالیو دوه تنه ولسي وګړي له څو ورځني بند او شکنجې وروسته، د ملمخاک په غرنۍ سیمه کې په ډزو وژلي دي.
سرچینې وایي، دغه کسان، چې حکیمالله او احمدعلي نومېدل، شاوخوا لس ورځې مخکې د پنجشیر ولایت په عبداللهخېل دره کې نیول شوي وو او بیا د دشتک مرکزي زندان ته انتقال شوي وو.
د سیمې یوه اوسېدونکي او مدني فعال غلامفاروق علیم، چې اوس له افغانستان نه بهر ژوند کوي، افغانستان انټرنشنل ته ویلي: «طالبانو دغه کسان څو ځلې له زندان څخه غرونو ته انتقال کړل [د احتمالي وسلو د کشف لپاره]،او ځایي خلکو لیدلي چې دوی غرونو ته وړل کېدل».
د علیم په وینا، طالبانو دا دوه تنه د وسلو پټولو په تور تورن کړي وو، خو هیڅ ثبوت یې نه دی وړاندې کړی.
علیم زیاتوي چې یاد کسان د شنبې په ورځ، د چنګاښ میاشتې پر۱۴مه نېټه، د ملمخاک په غرونو کې په ډزو وژل شوي او تر اوسه یې مړي کورنیو ته نه دي سپارل شوي.
یوه بله ځایي سرچینه، چې نهغواړي نوم یې افشا شي، هم دا پیښه تاییدوي او وايي، چې «دغو دوو کسانوله ملي مقاومت جبهې سره هیڅ اړیکه نه درلوده».
