طالبان: نظامي مسوولین او منسوبین مکلف دي، چې د دندې پرمهال له ټاکلي یونیفورم ګټه واخلي
د طالبانو د کورنیو چارو وزارت یو وار بیا سپارښتنه کړې، چې د دغه ډلې ټول پوځي مسوولین او امنیتي منسوبین باید د دندو پرمهال یونیفورم پر تن کړي.
د طالبانو د کورنیو چارو وزارت یو وار بیا سپارښتنه کړې، چې د دغه ډلې ټول پوځي مسوولین او امنیتي منسوبین باید د دندو پرمهال یونیفورم پر تن کړي.
د دغه وزارت ویاند عبدالمتين قانع نن دوشنبه ( د چنګاښ ۱۶مه) پر اېکس پاڼه لیکلي:« د کورنیو چارو وزارت د رهبرۍ جلسې د پرېکړې او د کورنیو چارو وزارت د سرپرست سراج الدین حقاني د منظورۍ پر اساس ټول نظامي مسوولین او منسوبین مکلف دي، چې د دندې د اجرا پر مهال د ملاهبت الله له لوري د منظور شوي یونیفورم څخه ګټه واخلي.»
د سرچینې د معلوماتو له مخې یاده پرېکړه د قانون د ټینګښت او د جرمنو پر وړاندې د لا ښې مبارزې په موخه شوې ده.
د یادونې ده، چې څه باندې درې کاله وړاندې د طالبانو ویاند ذبیح الله مجاهد له رسنیو سره په خبرو کې ویلي و، چې ډېر ژر به یې وسلهوال ځواکونه په ځانګړي یونیفورم سمبال شي؛ خو لاهم د کابل په ګډون په ځینو ولایتونو کې د طالبانو وسلهوال ځواکونه په شخصي جامه کې لیدل کېږي، چې د خلکو له پراخو شکایتونو سره مخ ي دي.
