ټرمپ: ایران له درنو بمباریو وروسته خبرو ته چمتو شوی

هغه د ایران حکومتي چارواکو ته په اشارې سره زیاته کړه: «هغوی هم داسې څه نه غواړي چې ترسره شي، بلکې د سولې په لټه کې دي او غواړي چې خبرې اترې وکړي.»

کله چې له ولسمشر ټرمپ څخه په منځني ختیځ کې د دوو حکومتونو «ایران او اسراییل» تر منځ د روانې شخړې د حل لارې د امکان په اړه پوښتنه وشوه، هغه وویل، «زه نه پوهیږم» او اشاره یې وکړه چې د نتنیاهو نظر باید وپوښتل شي.

ولسمشر ټرمپ دا څرګندونې په داسې حال کې کوي، چې د منځني ختیځ لپاره د ده استازي په یوه خبري غونډه کې ویلي، چې په راتلونکې اوونۍ کې به له ایران سره د اټومې پروګرام په تړاو خبرې اترې پیل کړي.

ابراهیم تړونونو چې له اسراییل سره د متحده عربو اماراتو، بحرین، سوډان او مراکش د اړیکو عادي کولو ته زمینه برابره کړه، د ټرمپ د ادارې له لوري رامنځته شول.

نتنیاهو ټینګار کړی، چې دغه تړونونه نه یوازې د اسراییل لپاره مهم دي، بلکې دا ټولې سیمې ته د ثبات او اقتصادي همکارۍ نوې دروازې پرانیزي.

نتنیاهو په خپلو څرګندونه کې وویل: «د ولسمشر ټرمپ مشري د سولې د نوې دورې پیل و او دا باید د نوبل د سولې جایزې له لارې وپېژندل شي.»

سېلابونه د امریکا د خپلواکۍ د ورځې په سهار هغه مهال راغلل، چې په ناڅاپي ډول ۳۸ سانتي‌متره باران ورېده.

د ټکساس حکومتي چارواکي وايي، چې تر اوسه پورې ۸۰۰ نه زیات خلک ژغورل شوي دي.

د ټکساس والی ګریګ ابټ د دې سیمې ۱۵ ولایتونو لپاره د ناورین د اعلانولو حکم ورکړی دی.

په سېلاب کې د "کمپ مستیک" د ماشومان په ګډون ګڼ کسان مړه شوي، خو د "هارټ او د هیلز" کمپ ټول ماشومان ژغورل شوي دي.

چارواکي وایي، لټون او ژغورنه به تر هغه وخته پورې دوام وکړي، څو هر ورک شوی کس وموندل شي.

د روسیې د جنايي تحقیقاتو مرکزي ادارې ویلي، سټاراوویټ د خپل موټر دننه د ډزو له امله مړ شوی او دا مهال د پېښې څرنګوالي په اړه پلټنې روانې دي، چې پکې د ځان‌وژنې احتمال هم شامل دی.

سټاراوویټ له ۲۰۱۸م کال څخه تر ۲۰۲۴م پورې د کورْسک سیمې والی پاتې شوی و او بیا د ۲۰۲۴ کال په مې میاشت کې د ټرانسپورت د وزیر په توګه ټاکل وټاکل و.

د نوموړي ناڅاپي مړینې د روسیې په سیاسي کړیو کې یو ځل بیا پوښتنې راولاړې کړې، په ځانګړي ډول هغه وخت چې چارواکي له دندو ګوښه کېږي او وروسته په مرموز ډول له منځه ځي.

د روسیې چارواکو تر اوسه د پېښې د څرنګوالي په اړه نور جزییات نه‌دي خپاره کړي، خو څېړنې دوام لري.

د تازه بندیزونو لاندې، د روسیې د علمي څېړنو موسسه "د عملي کیمیاوي کیمیا پراختیا" او د روسیې د راډیولوژیک، کیمیاوي او بیولوژیکي دفاعي ځواکونو عمومي مشر، الکسي رټیشیف، او د هغه مرستیال، اندري مارچینکو هدف ګرځېدلي دي.

د بریتانیا حکومت په خپل بیان کې ویلي: "د الکسي رټیشیف او اندري مارچینکو دنده دا وه چې د کیمیاوي وسلو سره تړلې ممنوعه فعالیتونه ترسره کړي، یا یې ملاتړ کړی او یا یې د دې فعالیتونو د پرمختګ لپاره هڅې کړي."

د بریتانیا حکومت همدا راز ویلي چې د " عملي کیمیاوي کیمیا پراختیا" موسسې هم د روسیې د پوځ لپاره د کیمیاوي دستګاه لېږدولو او د اوکراین ځواکونو پر ضد یې د استعمال له امله بندیزونو سره مخ شوې.