جمایمه ګولډسمېت: د عمران خان پر ضد د پاکستان حکومت کړنې شخصي انتقام دی
د پاکستان پخوانۍ لومړي وزیر عمران خان میرمن، جمایمه ګولډسمېت، د خپل پخواني مېړه عمران خان پر وړاندې د پاکستان حکومت کړنې سختې غندلي او دغه چلند د سیاست پر ځای شخصي انتقام وبللی.
د پاکستان پخوانۍ لومړي وزیر عمران خان میرمن، جمایمه ګولډسمېت، د خپل پخواني مېړه عمران خان پر وړاندې د پاکستان حکومت کړنې سختې غندلي او دغه چلند د سیاست پر ځای شخصي انتقام وبللی.
جمایمه په ایکس کې لیکلي: «زما بچیانو ته اجازه نه ده ورکړل شوې چې له خپل پلار عمران خان سره پر ټیلفون خبرې وکړي. هغه نږدې دوه کاله یوازې بندي ساتل شوی. اوس حکومت وايي که زما ماشومان پاکستان ته د خپل پلار د لیدو لپاره ولاړ شي، نو هغوی به هم ونیول شي او زندان ته به واچول شي.»
هغې دغه حالت د ډېموکراسۍ خلاف وبللو او زیاته کړې یې ده: «دا سیاست نه دی، دا یو شخصي انتقام دی، دا په یوه فعال دولت کې نه پېښېږي.»
جمایمه ګولډسمېت د پاکستان حکومت دا اقدامات د بشري حقونو او عدالت ضد بللی او نړۍوالو نه یې د دې کړنو پر ضد د غبرګون غوښتنه کړې.
